13. júní 2013

Kvennareiðin í Kjósinni 2013

Hin árlega kvennareið í Kjósinni verður  föstudaginn 21. Júní .  Lagt verður af stað frá Miðdal kl 18:30  stundvíslega og riðið inn í Flekkudal  og athugað hvort ekki er til eitthvað gott  á grillinu þar.  Síðan er spurning er um keppni í bjórtölti  eða einhverju öðru skemmtilegu. Gaman væri   að þema hópsins í klæðaburði verði fornaldarreiðfatnaður. Nánar auglýst síðan

12. júní 2013

Landsmót UMFÍ á Selfossi 4.-7. júlí- auglýst eftir þátttakendum úr Kjós.

UMSK er að leita í Kjósarhrepp eftir keppenda í dráttarvélaakstri á Landsmóti UMFÍ sem haldið verður á Selfossi í byrjun júlí nú í sumar.

Einn Kjósverji hefur sigrað með yfirburðum í þessari grein á landsmót UMFÍ, árið 2001 en það var Finnur Pétursson Káranesi.  Sjá grein tekin af Patreksfjordur.is.

Einn keppandi HHF, Finnur Pétursson frá Tálknafirði ( Káranesi) keppti í dráttavélaakstri og má segja að hann hafi komið, séð og sigrað, því hann gerði sér lítið fyrir og sigraði með nokkrum yfirburðum og er Landsmótsmeistari. Finnur fékk 116,5 stig og næsti keppandi var með 112,5 stig. Finnur sýndi með framtaki sínu að hægt er að ná árangri með vilja og áræðni. Hann sá sjálfur um allan undirbúning fyrir keppnina. Fyrir þennan árangur Finns fékk HHF 10 stig og lenti þar með í 14. sæti af 22. í stigakeppni héraðssambanda á landsmótinu. (Tekið af  Patreksfjordur.is, birtist 20.07.2001)

Er ekki komin tími Kjósverjar góðir að slá þetta met eða að minnsta kosti að jafna.

Skráningar  þurfa að berast eigi síðar en á hádegi mánudaginn 24. Júní. Best er að hafa samband við Valdimar Gunnarsson framkvæmdastjóra  UMSK  sem fyrst í s. 8948502 eða á netfangið valdimarg@umsk.is

11. júní 2013

Kátt í Kjós 20. júlí 2013

Undirbúningsfundur fyrir Kátt í Kjós 2013-þriðjudaginn 18. júní, kl. 20 í Ásgarði

Sveitahátíðin Kátt í Kjós verður haldin í sjöunda sinn laugardaginn 20. júlí nk.
Hátíðin er kærkominn vettvangur fyrir menningu Kjósverja, menningu með Kjósverjum og menningu fyrir Kjósverja. Hún er byggð upp á mörgum smáum viðburðum og hefur það ekki síður að markmiði að efla umræðu um sveitamenningu í samfélaginu, fjölmiðlum og á torgum.

Allir sem láta sig Kjósar-menningu varða og eru tilbúnir til að viðhalda kátínu í Kjósinni eru boðnir á sameiginlegan undirbúningsfund þriðjudag 18. júní 2013,
kl. 20:00-21:00 í Ásgarði.  

Hlökkum til að sjá sem flesta og fá fullt af hugmyndum til viðbótar.

 Stjórn Kjósarstofu í samvinnu við Kjósarhrepp

10. júní 2013

Heitavatnsöflun í Kjós

Hér má sjá nýjasta minnismiðann frá þeim Þórólfi Hafstað og Kristjáni Sæmundssyni hjá ÍSOR um vatnsöflun fyrir hitaveitu  Kjósarhrepps.    Sjá hér

6. júní 2013

Kvennahlaup ÍSÍ

Kvennahlaup ÍSÍ verður 8.júní 2013   hlaupið verður frá Kaffi Kjós kl. 14,00

skráning hafin í Kaffi Kjós   Bolirnir komnir, endilega skrá sig sem allra fyrst.

   FSM  - Kaffi Kjós

4. júní 2013

Myndarlegar gjafir Kjósverja til Landsbjargar

Kjósverjar gáfu myndarlega til söfnunar Landsbjargar sl föstudagskvöld. En þegar heyrðist í Þóru Arnórsdóttur að kvenfélagskonurnar hennar í Kjósinni hefður gefið kr. 50.000.- þá gat Kjósarhreppur ekki verið minni og gaf einnig kr. 50.000.- til söfnunarinnar. 

4. júní 2013

Plastgámar verða losaðir á föstudaginn

Plastgámarnir verða losaðir á föstudaginn 7. júní. 

23. maí 2013

Aðalfundur Veiðifélags Kjósarhrepps

Aðalfundur Veiðifélags Kjósarhrepps var haldinn 16. maí sl. Um venjuleg aðafundarstörf var að ræða. 

Stjórn næsta árs skipa þeir: Ólafur Þór Ólafsson formaður, Hreiðar Grímsson ritari, Sigurþór Gíslason gjaldkeri, Guðmundur Magnússon og Óðinn Elísson meðstjórnendur. Eins og sjá má er greinilega engin jafnréttisstefna hjá þessu félagi, engin kona í stjórn.

Ársreikningur félagsins fyrir árið 2012 voru lagðir fram og  samþykktir, en tekjur ársins voru kr.51.717.323.- og gjöldin kr 52.058.259.-  Eignir félagsins samkvæmt ársreikningi kr.79.133.328.-

Töluverðar voru áhyggjur fundarmanna vegna vatnsleysis í Laxánni undanfarin ár en horfðu samt vongóðir til mikilla snjóalaga í Eyjadal, Flekkudal og Eilífsdal -aukið vatn í ánni í sumar. 

23. maí 2013

Gjaldskrá heilbrigðiseftirlits Kjósarsvæðis

Sjóðheita gjaldskrá heilbrigðiseftirlitsins til upplýsingar má skoða hér 

23. maí 2013

Hreinsun rotþróa

Áætlað er að byrja á hreinsun rotþróa í næstu viku. Byrjað verður á sumarhúsum í Eilífsdal síðan farið  í Háls ðg Hvammshverfin

23. maí 2013

Staða hitaveitumála í Kjósarhreppi

Fundur var haldinn sl þriðjudag í  hreppsnefnd Kjósarhrepps ásamt orkunefnd og þeim Kristjáni Sæmundssyni og Þórólfi Hafstað frá ÍSOR og Úlfari Harðarsyni frá Flúðum.

Ástæða fundarins var að fara yfir stöðu mála vegna borholunnar við Möðruvelli en í ljós kom þegar dæling loks hófst að  vatnsmagn var ekki eins mikið og menn gerðu ráð fyrir. Veitan þarf 40s/l en vatnsmagnið er núna stöðugt við 20s/l sem alls ekki er ásættanlegt. Staðan er sú núna að dæla þarf í ca 2-3 mánuð til að sjá til hvort einhverjar breytingar verði á vatnsmagni. Ef ekki verður aukning á vatni þá standa menn frammi fyrir því að dýpka núverandi holu í ca 1400 metra en hún er um 820,  bora nýja eða ???

Hér er minnisblað til kynningar frá Ísor um dælinguna úr Möðruvallaholunni 

19. maí 2013

Byggingarfulltrúi Kjósarhrepps

 Byggingar-og skipulagsfulltrúi Kjósarhrepps verður til viðtals á skrifstofum hreppsins mánudaginn 20, maí frá kl 10-15

10. maí 2013

Hreppsnefnd Kjósarhrepps fagnar.

Hreppsnefnd Kjósarhrepps fagnar úttektar Faxaflóahafna, sem var gerð á stöðu umhverfismála á Grundartanga og næsta nágrennis. Þótt niðurstaða rannsóknanna hafi leitt í ljós og staðfest grun heimamanna um mikið álag mengandi efna frá verksmiðjusvæðinu þá er það jákvætt að niðurstaða liggi fyrir. Hreppsnefnd lítur svo á að ákveðnum botni hafi verið náð. Með yfirlýsingu Faxaflóahafna um að ekki geti orðið að frekari uppbyggingu mengandi starfsemi á Grundartanga er ákveðnum vendipunkti náð og hér eftir horfi til betra ástands. Í því ljósi lýsir hreppsnefnd Kjósarhrepps yfir eindregnum vilja sínum til að vinna með aðilum til að draga markvist úr útblæstri mengandi efna frá verksmiðjusvæðinu með það að markmiði að íbúar og atvinnurekendur í Hvalfirði geti við unað.

2. maí 2013

Ferming í Reynivallakirkju

Fermingarmessa verður í Reynivallakirkju sunnudaginn 5. maí kl. 14.

Fermd verða: Kári Haraldsson, Lækjarbraut 2, Kjós, 276 Mosfellsbær og Anna Lísa Ólafsdóttir, Þrándarstöðum, Kjós, 276 Mosfellsbær.

Gunnar Kristjánsson sóknarprestur.

30. apríl 2013

Störf hjá Kjósarhrepp í sumar.

Vinna fyrir námsmenn

Vinnumálastofnun hefur úthlutað til Kjósarhrepps þremur störfum fyrir námsmenn 18 ára og eldri nú í sumar í tvo mánuði.  Vinnan hefst 3. júní og lýkur 31. júlí  Það er skilyrði að viðkomandi námsmaður hafi verið í námi sl vetur og sé skráður í nám hjá viðurkenndri menntastofnun næsta haust. Vinnutími verður frá kl. 09-16,  mánudaga-föstudaga.  Ath. aðeins er um þrjú störf að ræða.

Unglingavinnan

Unglingavinnan fyrir aldurshópinn 14-16 ára verður starfrækt í sumar með hefðbundnum hætti. Hún mun hefjast 18.júní og vera til 18. júlí báðir dagar meðtaldir. Mánudaga-fimmtudaga frá kl 10-16. Möguleiki á aukavinnu í kringum Kátt í Kjós.

Helstu verkefnin verða: sláttur, hirðing og hreinsun í kringum Ásgarð og Félagsgarð. Rusl tínt meðfram vegum, strandlengjum og fl.

Umsóknareyðublöð má sækja hér fyrir námsmenn og  hér fyrir unglingavinnuna.

 Áhugasamir eru vinsamlegast beðnir um að skila inn umsókn á skrifstofu Kjósarhrepps fyrir 20. maí 2013 eða senda í tölvupósti á oddviti@kjos.is

30. apríl 2013

Fréttir af hitaveitu

Þeir sem ætluðu að koma niður dælunni í borholuna við Möðruvelli í síðustu viku áttu fótum sínum fjör að launa þegar þeir opnuðu holuna. Krafturinn á vatninu var svo mikill að gosið var að minnsta 12m upp í loftið og í byrjun var vatnshraðinn  50-60 sek/l og fór síðan upp í 100 sek/l,  af ca 80 gráðu heitu vatni. Ekki reyndist hægt að koma dælunni niður í þetta sinn, en til stóð að þrýstimæla holuna.

Úlfar Harðarson helsti ráðgjafi Kjósarhrepps um hitaveitumál taldi réttast að hafa holuna opna yfir síðustu helgi og sjá til hver staðan yrði. Ákveðið var að mæla holuna á hverjum morgni og hefur rennslið minnkað um 2 sek/l á sólarhring. Í morgun var rennslið 16 sek/l en til að hægt sé að koma dælunni niður þarf rennslið nánast að hætta.

Stóra  spurning var samt sem áður hvort um jákvætt eða neikvætt vandamál væri um að ræða.

Þær einu sem njóta heita vatnsins úr holunni við Möðruvelli enn sem komið er, eru álftirnar, en þær njóta þess að liggja í volgum læknum og baða sig  í kuldanum.

29. apríl 2013

Kjörsókn góð í Kjósinni

Góð kjörsókn var í Kjósinni sl. laugardag eða um 87%. 149 af 172 sem voru á kjörskrá nýttu sér þann rétt að hafa áhrif á val þeirra sem koma til með að sitja Alþingi næsta kjörtímabil. Frændurnir Kristján Oddsson og Gísli Gíslason tóku fram sparibílana og mættu í þeim á kjörstað

25. apríl 2013

Framboðsfundur í Félagsgarði í kvöld

Boðað er til framboðsfundar í Félagsgarði í Kjós í kvöld, 25. apríl kl 20:00 vegna kosninga til Alþingis þann 27. apríl. Sex stærstu framboðunum var boðið að senda fulltrúa á fundinn eða þeim sem skoðanakannanir hafa sýnt að nái inn mönnum á þing. Nær öll hafa sýnt áhuga og ætla að mæta.

Boðið er uppá að hver fulltrúi hafi framsögu í ca 5-10 mínútur og taki síðan á móti spurningum úr sal.

Málefnin sem brenna á Kjósverjum eru meðal annars, staða íslensks landbúnaðar, samgöngu- og fjarskiptamál  og hitaveita í Kjósarhreppi.

Íbúar og aðrir sem láta sig málin varða eru hvattir til að mæta á fundinn, láta álit sitt í ljós og beina spurningum og heyra  loforð frambjóðenda.

24. apríl 2013

Stóriðjustefnan og Hvalfjörður

Stóriðjustefnan og Hvalfjörður

Grein eftir Ragnheiði Þorgrímsdóttur   Sjá hér

23. apríl 2013

Framboðsfundur Vinstri-græna í Kaffi Kjós í kvöld

Opinn samræðufundur Vg. vegna komandi alþingiskosninga verður í Kaffi Kjós þriðjudaginn 23. apríl kl. 20:00

Efstu frambjóðendur hreyfingarinnar mæta á fundinn og kynna stefnumál sín,fara yfir liðið kjörtímabil og ræða staðbundin verkefni.

Allir velkomnir

22. apríl 2013

Kjörfundur frá kl 12-20 í Ásgarði, 27. apríl

Kosið verður til Alþingis  í Ásgarði þann  27. apríl 2013. Opið verður frá kl. 12:00   til  20:00.

Á kjörskrá eru 172,  konur eru 76 og karlar 96.

Sími hjá kjörstjórn er 566-71-00 og 861-4701.

Kvenfélagið mun sjá um kaffiveitingar á milli kl 13:00 og 17:00

Stefnt er að framboðsfundur verði í Félagsgarði fimmtudagskvöldið 25. apríl kl 20 ef framboðin hafa áhuga á að senda fulltrúa sinn í Kjósina. Nánar síðar

18. apríl 2013

Lóan er komin í Kjósina

 Lóan er komin í Kjósina að kveða burt snjóinn. Sást á Valdastöðum.

16. apríl 2013

Breytingar á svæðisskipulagi höfuðborgarsvæðisins

Haldinn verður opinn kynningarfundur um breytingar á svæðisskipulagi höfuðborgarsvæðisins 2001-2024, kl 16:30,  þann 18. apríl í Salnum Kópavogi.  Kynntar verða tillögur að breytingum sem tilkomnar eru vegna yfirstandandi endurskoðunar aðildarsveitarfélaga á aðalskipulagi.

Kynning þessi fer fram áður en breytingartillögur eru teknar til afgreiðslu hjá svæðisskipulagsnefnd og sveitarstjórnum.

<Tengill> Skoða drög að svæðisskipulagsbreytingu

<Tengill> Skoða umhverfisskýrslu

<Tengill> Skoða umferðarspá

16. apríl 2013

Frá Veiðikortinu

15. apríl 2013

Skattskrá 2012

Skattskrá 2012 og framlagningarskrá virðisaukaskatts 2011 liggja frammi á skrifstofu Kjósarhrepps frá 15. til 26. apríl að báðum dögum meðtöldum  

15. apríl 2013

Kjörskrá

Kjörskrá Kjósarhrepps vegna Alþingiskosninga laugardaginn 27. apríl liggur frammi á skrifstofu sveitarfélagsins. Skrifstofan er opin mánudaga til fimmtudaga frá kl 10-16.

Einnig er hægt að fara inn á kosningavef Innanríkisráðuneytisins og kanna upplýsinga um skráningu á kjörstað.

Kjörskrár miðast við skráð lögheimili í sveitarfélagi eins og það er samkvæmt íbúaskrá þjóðskrár fimm vikum fyrir kjördag, eða 23. mars 2013.

15. apríl 2013

Bókasafnið í Ásgarði

Bókasafnið verður opið á miðvikudagskvöldið 17. apríl  frá kl. 20-22  í síðasta sinn á þessum vetri. Þeir sem hafa að láni bækur frá safninu eru vinsamlegast beðnir um að skila þeim þá. 

12. apríl 2013

Niðurstöður umhverfisvöktunar í Hvalfirði eru nú aðgengilegar – skýrslur fást í Matarbúrinu!

Þeir sem vilja kynna sér niðurstöður umhverfisvöktunar iðjuveranna á Grundartanga, geta nálgast skýrslur nú um helgina, 12.-14. apríl, í Matarbúrinu á Hálsi. Frá og með mánudeginum 15. apríl verða skýrslurnar svo fáanlegar á skrifstofu Kjósarhrepps á meðan birgðir endast.

Opinn kynningarfundur um niðurstöður umhverfisvöktunar iðnaðarsvæðisins á Grundartanga, rekstrarárið 2012.

Norðurál og Elkem Ísland standa fyrir kynningarfundi um niðurstöður umhverfisvöktunar iðnaðarsvæðisins á Grundartanga fyrir hagsmunaaðila og almenning. Fundurinn verður haldinn á Hótel Glym, Hvalfjarðarströnd, miðvikudaginn 17. apríl n.k. og hefst klukkan 13.00.

Fulltrúar Norðuráls og Elkem Ísland flytja erindi fyrirtækjanna en Eva Yngvadóttir frá verkfræðistofunni Eflu flytur erindi um niðurstöður umhverfisvöktunar iðnaðarsvæðisins við Grundartanga, árið 2012. Í fyrirlestri Evu verða kynntar niðurstöður á mælingum í andrúmslofti, ferskvatni, lífríki sjávar, gróðri og grasbítum. Starfsmenn beggja fyrirtækja, höfundar sérfræðiskýrslna og fulltrúar verkfræðistofunnar Eflu, verða viðstaddir allar kynningarnar til að svara spurningum sem upp kunna að koma.

Íbúar Kjósarinnar eru hvattir til að kynna sér efni skýrslunnar fyrir kynningarfund iðjuveranna í næstu viku og fjölmenna á fundinn.

Umhverfis-, náttúru- og landbúnaðarnefnd.

9. apríl 2013

Aðalfundur Búnaðarsambands Kjalarnesþings 2013

 Aðalfundur BSK verður haldinn í Ásgarði Kjós miðvikudaginn 17. Apríl  kl. 20:00

Dagskrá

Skýrsla stjórnar fyrir liðið ár

Reikningar félagsins

Kosningar

Tillaga stjórnar um að selja húseign félagsins Þverholt 3 Mosfellsbæ

Samningur við Bú- vest  um áframhaldandi þjónustu við svæði BSK eftir stofnun RLM

Önnur mál

Stjórn BSK

2. apríl 2013

Bókasafnið opið á morgun

Bókasafnið í Ásgarði verður opið á morgun, miðvikudaginn 3. apríl frá kl 20-22. 

26. mars 2013

Kæru bændur og búalið!

Mjólkursamlag Kjalarnesþings, Búnaðarfélag Kjósarhrepps og Búnaðarfélag Hvalfjarðar höfðu ráðgert að fara í Vorferð miðvikudaginn 27 mars n.k.          En af óviðráðanlegum orsökum verður að fresta þeirri ferð til laugardagsins 30. mars. Lokafrestur til að skrá sig framlengist því til miðvikudagsins 27 mars,. 

21. mars 2013

Vorferð – Bændaferð

Mjólkursamlag Kjalarnesþings, Búnaðarfélag Kjósarhrepps og Búnaðarfélag Hvalfjarðar bjóða til vorferðar miðvikuadaginn 27 mars nk.

Snæfellsnesið verður heimsótt og munum við skoða Múlavirkjun, sækja heim bændurnar í Söðulsholti og í Dalsmynni. Einnig verðu kornþurrkunarstöðinn skoðuð.

Lambakjöt verður snætt að Vegamótum í boði Búrekstrardeildar SS.

Lagt verður af stað frá Félagsgarði kl. 9.40 og áætluð heimkoma er ca. kl.18.00.

Skráning hjá Jóhönnu í síma 864-7029. Festur til að skrá sig er til loka mánudagsins 25. mars.

Hvetjum alla til að mæta.

Nefndin

19. mars 2013

Biskupsvísitasía í Reynivallakirkju

Vísitasían hefst með guðsþjónustu í Reynivallakirkju

á pálmasunnudag, 24. mars, kl. 14.

Biskup Íslands, frú Agnes M. Sigurðardóttir, annast guðsþjónustuna ásamt sóknarpresti.

Kirkjukór Reynivallasóknar syngur. Páll Helgason leikur á orgel.

Að messu lokinni bjóða sóknarnefndir prestakallsins til kirkjukaffis í Félagsgarði þar sem biskup flytur ávarp.

Tökum vel á móti biskupi okkar!

Sóknarprestur og sóknarnefndir

19. mars 2013

Plastgámar losaði 25. mars

Plastgámar verða losaðir mánudaginn 25. mars.  

13. mars 2013

Pétur Ben - tónleikar að Hjalla í Kjós föstudaginn 15. mars

Pétur Ben heldur tónleika að Hjalla í Kjós og kynnir nýja plötu sína God´s Lonely Man föstudaginn 15. mars kl 20-22. Aðgangseyrir kr. 2000. Veitingar verða seldar á staðnum. Hlökkum til að sjá sem flesta!

Kjósarstofa og Ferðaþjónustan Hjalla.

11. mars 2013

Aðalfundur Kjósarstofu

Aðalfundur Kjósarstofu var haldinn í Ásgarði þriðjudagskvöldið 5. mars og var ágætlega sóttur. Í skýrslu stjórnar kom fram að Kjósarstofa sá um fjölda viðburða á árinu 2012 auk þess að hafa umsjón með hátíðunum Kátt í Kjós og Krásum í Kjós. Samstarf var við Hvalfjarðarklasann og Markaðsstofu Vesturlands auk Höfuðborgarstofu. Starfsmaður var í hlutastarfi í sex mánuði í samstarfi við Kjósarhrepp. Á dagskránni er að halda Krásir í Kjós í lok ágúst í ár og fleira er á döfinni. Kosin var ný stjórn Kjósarstofu. Ólafur J. Engilbertsson formaður og Bergþóra Andrésdóttir ritari gáfu ekki kost á sér og ekki heldur Sigurbjörg Ólafsdóttir varamaður. Nýir aðalmenn í stjórn voru kosin Ólafur Oddsson (sem var áður varamaður) og Halla Lúthersdóttir. Auk þeirra er Katrín Cýrusdóttir aðalmaður. Nýir varamenn voru kosin Sigríður Klara Árnadóttir og Heimir Morthens.

6. mars 2013

Bókasafnskvöldi frestað

Bókasafnskvöldi sem átti að vera í kvöld er frestað um viku vegna slæms veðurástands og ótryggs veðurútlits. Sama dagskrá og hefði verið í kvöld 

4. mars 2013

Bókasafnið í Ásgarði

Bókasafnið verður opið miðvikudagskvöldið 6. mars frá kl 20-22

Samhliða opnun safnsins verður kynning á tálgunartækni og ferskum viðarnytjum í nærumhverfi.

Ólafur Oddsson mun kynna þá möguleika sem felast í ferskum viðarnytjum og tálgunartækni og bendir á verkefni sem vinna má við gerða áhalda/nytjahluta fyrir heimili, til gjafa og minjagripagerðar s.s. í ferðþjónustu.

Fyrirhugað er að halda námskeið fyrir þá sem áhuga hafa í framhaldinu.

27. febrúar 2013

Aðalfundur Kjósarstofu í Ásgarði þriðjudagskvöld 5. mars kl. 20

Boðað er til aðalfundar Kjósarstofu í Ásgarði þriðjudagskvöldið 5. mars kl. 20.

Dagskrá:

1.     Skýrsla stjórnar

2.     Ársreikningur

3.     Starfs- og fjárhagsáætlun 2012

4.     Breytingar á lögum félagsins

5.     Kosning stjórnar

6.     Árgjald

7.     Breytingar á lögum félagsins

8.     Inntaka nýrra félaga

9.     Önnur mál

Boðið verður upp á kaffiveitingar.

Allir velkomnir!

20. febrúar 2013

Bókasafnið opið í kvöld

Bókasafn Kjósarhrepps  verður opið  miðvikudaginn 20 febrúar n.k. á milli klukkan  20-22,   Allir eru hvattir til að mæta með handavinnuna sína eða spil og eiga saman notalega kvöldstund með sveitungunum.

Alltaf  kaffi  á  könnunni.

        Kveðja bókverja.

20. febrúar 2013

Kjósarhreppur orðinn eigandi að Möðruvöllum 1

Skrifað var undir kaupsamning og afsal fyrir Möðruvöllum 1 í gær. Guðmundur Davíðsson oddviti  skrifaði undir samninga fyrir hönd Kjósarhrepps. 

7. febrúar 2013

Áhugasamir á námskeiðinu "Jörð.is"

Hér má sjá áhugasama bændur á námskeiðinu "Jörð.is" sem haldið var í Ásgarði sl. þriðjudag. Kennari á námskeiðinu var Sigurður Jarlsson ráðunautur.  

4. febrúar 2013

Bókasafnið í Ásgarði

Bókasafnið verður opið næst miðvikudagskvöldið  6. febrúar  á milli kl.  20 og 22 en þá mun Jón Þórir Guðmundsson garðyrjufræðingur koma og vera með kynningu á ræktun græmnetis, kryddjurta og ávaxtatrjáa.                                   

Mikið er af  spennandi bókum  á bókasafninu.  Í Ásgarði er að sjálfsögðu heitt á könnunni á meðan bókasafnið er opið og eitthvað til að maula með.

4. febrúar 2013

Jarðræktarforritið Jörð.is

 Námskeið í forritinu Jörð.is verður í Ásgarði á morgun frá kl 10-17. Nánari upplýsingar eru að finna hér

24. janúar 2013

Tveir dagar í þorrablót

Nú eru aðeins tveir dagar í blót og í  heimahúsum er undirbúningur vart minni en hjá kvenfélagskonum fyrir þorrablótið. Enn mun það vera svo að konan getur ekki verið þekkt fyrir að láta sjá sig í sama kjólnum tvö þorrablót í röð. Helst á svo kjóllinn að vera sérsaumaður, með framandlegu og nýstárlegu útliti og skart þarf að vera í stíl.  Skó  þarf nýja og tösku sem passar þar við. Þetta hefur verið teygt svo langt að nú heyrist af einni konu sem hefur einsett sér að mæta hreinlega í lopapesu, föðurlandi og gúmmískóm.

Hárgreiðslu- og snyrtistofur á suðvesturhorninu eru fullar út úr dyrum af konum sem ætla á þorrablótið, einnig naglaálímingarherbergi og hárlosunarklefar.

Heldur minna fer fyrir körlunum. Þeir sjást mest í áfengisbúðum á sama tíma og hugsanlega við skyrturekka verslana

23. janúar 2013

Þrír dagar í þorrablót

Alveg er það  ljóst hvað menn eta á þorrablóti en það er súr matur og hanginn, reyktur og kæstur. Það er þó aðdáunarvert að til að enginn fari svangur af blóti, jafnvel ekki þeir sem andstyggð hafa á þorramat og telja hann úldinn og óætan,  en í þá  bera menn nú fram þorrapizzur, kannski með kjúklingaáleggi og hugsanlegu ofurlitlu súru rengi í kantinum,  ýmsa pottrétti og jafnvel pasta. Allir þurfa að fara mettir frá borði.  Enda veitir ekki af, einkum ekki ef menn teyga drúgt af pyttlum sínum og vasapelum því það er auðvitað orðið allt of dýrt að versla á barnum endalaust.

Þorrablót eru góður siður og skemmtilegur, þar borða menn fallega, hlýða á uppbyggileg skemmtiatriði og hefja upp rausn sína, hitta nýtt fólk og endurnýja gömul kynni.  Nauðsynlegt er að hlúa að þessari gömlu góðu venju. Mætum því öll sem vettlingi geta valdið en panta á miðana á milli kl. 16 og 18 á morgun í síma 5667028

22. janúar 2013

Bókasafnið

Bókasafnið í Ásgarði verður opið miðvikudagskvöldið 23. janúar. 

22. janúar 2013

Fjórir dagar til þorrablóts

Undirbúningur þorrablótsins er síðan ekki veigaminna mál en sjálft blótið. Þrotlausar æfingar skemmtiatriða hafa staðið yfir svo vikum og mánuðum skiptir, skemmtinefndin sjést ekki heima hjá sér nema endrum og sinnum á þeim tíma og varla í vinnunni heldur. Sviðsvinna, búningasaumur og textagerð er stórfellt verkefni og heilt ævintýri mun það vera þegar venjulegur jón út í bæ umbreytist í einni svipan í knáan textasmið eða brestur í undurfagran söng eða dans öllum að óvörum. Slík vináttubönd myndast oft í þorrablótsnefndum að þau fá ekkert brotið.

21. janúar 2013

Fimm dagar til þorrablóts

Núna eru aðeins fimm dagar til þorrablóts en þorrablótin eru tilhlökkunarefni. Sérstaklega hinn ómissandi annáll, spegill af viðburðum liðins árs og fá menn þar gjarnan til tevatnsins, og nokkru meira. Sumir gesta hafa aldrei komið aftur eftir að fá á sig kátínu af sviðinu eða í mynd. Sumir koma aldrei aftur ef þeir fá ekki á sig kátínu af sviðinu eða í mynd. Þetta er svo misjafnt og ástir kvikna og ástir brotlenda allt getur gerst á þorrablótum. 

21. janúar 2013

Þorrablót 2013

Þorrablót kvenfélags Kjósarhrepps

verður haldið í Félagsgarði

laugardaginn 26.janúar kl. 20.30

Húsið opnað kl. 20.00.

Aldurstakmark 18 ár.

Miðaverð kr. 7.000.-.

Blek og Byttur spila fyrir dansi.

Óáfengdir drykkir seltir á barnum.

Miðapantanir í síma 566 7028

fimmtudaginn 24. jánúar

kl. 16.00-18.00

Miðar afhentir í Félagsgarði

föstudaginn 25. janúar kl. 16.00-18.00.

Hægt er að greiða með greiðslukorti.

Miðar verða ekki afhentir við innganginn.

Ekki verður hleypt inn í húsið eftir matinn.

Kvenfélag Kjósarhrepps

18. janúar 2013

Deiliskipulög í auglýsingu

 Sjá má auglýst deiliskipulög og greinargerðir í löndum Möðruvalla og Þúfukots undir flipanum Byggingarfulltrúi

14. janúar 2013

HM í handbolta í Kaffi Kjós,

Opið verður á þeim tíma sem íslendingar eru að keppa og meira ef áhugi verður fyrir því.

Opnum klukkutíma fyrir leik.

laugardagur: 12.janúar  Ísland - Rússland  kl:  16:55

sunnudagur:  13.janúar    Ísland - Chile  kl:  14:40

þriðjudagur:  15.janúar    Ísland - Makedónía  kl:  16:55

fimmtudagur: 17.janúar   Ísland - Danmörk  kl:  19:10

föstudagur:   18.janúar    Ísland - Katar  kl:  16:55

3. janúar 2013

Veðurstöðin á Bæ vinsæl

Að meðaltali eru yfir 50 heimsóknir á veðurstöðvar vefsíðuna í Bæ á degi hverjum. Alls voru yfir 25 þúsund heimsóknir á árinu sem er að líða og er aukningin um 5000 heimsóknir á hverju ári. Einnig notfæra margir sér að kíkja á vefmyndvélarar því þá sést hið raunverulega veður. Sannaði það sig skemmtilega á milli jóla og nýárs þegar allt var á kafi í snjó í borginni og ekki snjókorn í Kjósinni.

Þegar von er á vondu veðri þá margfaldast heimsóknirnar og sést einnig að einn og einn maður kíkir á veðrið um miðja nótt, etv. að lokinni heimsókn á pisseríið.

Langflestir fara inn á stöðina í gegnum hnappinn á www.kjós.is og sýnir það hvað það er nauðsynlegt að vera með góða heimasíðu fyrir hreppinn til að miðla alls konar upplýsingum.

2. janúar 2013

Þrettándabrennan 6. janúar

Þrettándabrennan verður sunnudaginn 6. janúar við Félagsgarð (ef veður leyfir) og verður kveikt í henni kl 20:30.  Vöntun er á hreinu efni í brennuna og eru íbúar hvattir til að koma með það á brennustæðið við Félagsgarð á sunnudaginn.

Heitt súkkulaði og kaffi verður í boði hússins og gott væri að hafa eitthvað að maula með.

27. desember 2012

Góð mæting í skötuveisluna

Góð mæting var í skötuveislu KJósarhrepps sem haldin var í Félagsgarði á Þorlák.

 Myndin gefur samt ekki alveg rétta mynd því margir voru farnir þegar munað var eftir myndavélinni 

20. desember 2012

Jólakveðja til Kjósverja

20. desember 2012

Plastgámar losaðir 4. janúar

Plastgámar verða næst losaðir 4. janúar 2013 

19. desember 2012

Afhending á verkefninu "Brunavarnarátak í sveitum"

Í gær afhentu þeir Guðmundur Hallgrímsson frá Búnaðarsamtökum Vesturlands og Þórður Bogason frá Slökkviliði Höfuðborgarsvæðisins  Guðmundi Davíðssyni oddvita Kjósarhrepps  möppu og disk með yfirlitsmyndum af bæjum í Kjós með  upplýsingum um aðgengi að húsum vatnstökustöðum, allt hnitasett. Diskurinn verður gerður aðgengilegur á kjos.is innan tíðar. 

17. desember 2012

Ágætu íbúar Kjósarhrepps

 Nokkrir viðburðir á vegum hreppsins næstu daga og um hátíðirnar.

Bókasafnið í Ásgarði verður opið næsta miðvikudagskvöld 19. des. frá kl 20-22. Bókverjan biður þá sem eru með bækur að skila þeim þetta kvöld, um leið og þeir ná sér í nýjar.

Árlega skötuveislan í boði Kjósarhrepps verður í Félagsgarði, sunnudaginn 23. desember kl 13.  Þeir sem ætla að þyggja boðið eru vinsamlegast beðnir að hafa samband við skrifstofu hreppsins í s. 5667100 eða senda póst á oddviti@kjos.is í síðasta lagi fimmtudaginn 20. des.

Jólatrésskemmtun í samstarfi við Kvenfélag Kjósarhrepps verður föstudaginn 28. desember í Félagsgarði og hefst kl 16.

Þrettánabrenna verður síðan um helgina 5. eða 6. janúar 2013 og verður nánar auglýst á heimasíðunni þegar nær dregur.

11. desember 2012

Jólatónleikar í Reynivallakirkju

Laugardaginn 15. desember, kl. 16:00, heldur Hrafnkell Haraldsson tónleika í Reynivallakirkju. Hrafnkell hóf nám í klassískum gítarleik hjá Erni Viðari Erlendssyni árið 2008 og hann stefnir á að ljúka grunnstigi í vor.

Dagskráin er ekki löng, 30 mínútur, en það telst þó langt fyrir ungan nemanda en Hrafnkell er 10 ára. Hann hefur lagt mikið á sig til að skila þessum tónleikum með sóma og Kjósverjum til ánægu.

Fjölmennum og styðjum framlag Hrafnkels til menningar í sveitinni okkar.

7. desember 2012

Kjósverjar buðu Álftnesingum heim

Kjósverjar buðu sveitarstjórnarfólki af Álftanesi heim föstudaginn 23. nóvember eða sama dag og Álftnesingar unnu Reykjavíkinga í Útsvari. Tuttugu manna hópur þáði boðið. Fyrst var komið við á Samansafninu á Kiðafelli en þar þágðu menn hangikjöt, hákarl og íslenskt brennivín ásamt því að skoða hið fágæta samansafn allskonar hluta. Síðan var tekin ferð um sveitina og borholan skoðuð, komið við í Ásgarði og að síðust farið í Félagsgarð og borðaður matur framleiddur í Kjós.

Snorri Finnlaugsson bæjarstjóri Álftaness færði Kjósarhrepp fallega ljósmynd af Álftanesi og tók Guðmundur Davíðsson oddviti við henni

Guðni Ágústsson var ræðumaður kvöldsins og gerði það með mestu ágætum

Sagan var sú að Kjósarhreppur var hér áður í félagsskap lítilla sveitarfélaga(Kjós, Kjalarnes og Bessastaðahreppur) á höfuðborgarsvæðinu sem heimsóttu hvert annað til skiptis, nokkuð reglulega.  Það er að segja starfandi sveitarstjórnarmenn, nefndarfólk og oftast makar.

Kjósarhreppur bauð síðast heim vorið 2001 og þá Besastaðahreppi/Álftanesi  þar sem Kjalarnes hafði þá sameinast Reykjavík. Álftanes bauð síðan heim aftur og nú hefur staðið lengi upp á Kjósarhrepp að bjóða þeim heim.  En þar sem Álftanes er að sameinast Garðabæ um næstu  áramót var ekki seinna vænna fyrir Kjósarhrepp að bretta upp ermar og klára málið.

7. desember 2012

Ruslið ekki hirt fyrr en á morgun

Ruslíð verður ekki hirt fyrr en laugardaginn 8. des. 

29. nóvember 2012

Bókasafnskvöld miðvikudagskvöldið 5. desember

Bókasafnskvöld verður miðvikudagskvöldið 6. desember í Ásgarði og hefst kl 20. Á  kvöldinu munu Ingibjörg Reynisdóttir koma og lesa upp úr bók sinni um Gísla á Uppsölum, Auður Jónsdóttir lesa upp úr bók sinni Ósjálfrátt og Magnús Þór Hafsteinsson les úr sinni bók Návígi á norðurslóðum - Íshafsskipalestirnar og ófriðurinn 1942-1945 

Alltaf heitt á könnunni og eitthvað spennandi með.

Næst á eftir verður bókasafnið opið miðvikudagskvöldið 19. desember.

Skötuveislan verður 23. desember í Félagsgarði

Jólatrésskemtunin er síðan áætluð föstudaginn 28. desember kl 16 í Félagsgarði.

26. nóvember 2012

Aðventumarkaðurinn í Kjós

Laugardaginn 1. desember verður hinn árlegi aðfangamarkaður  jóla í Félagsgarði og er opinn frá kl 13-17. Á boðstólum verða ýmisskonar handverk og matvæli, beint frá býli.

Þeir sem verða með að þessu sinni eru: Sogn með nautakjötið, Matarbúrið með sultur og fl, Kiðafell með tvíreykta hangikjötið, Lína með hangikjötið af veturgömlu, Hjalli með lambakjöt, Dalsgarður með blóm og margir fleiri sem eru með ýmis konar handverk

Hægt er að byrja daginn snemma á því að ná sér í jólatré á skógræktarsvæðinu við Fossá, koma síðan við í Félagsgarði og fá sér heitt súkkulaði og heimabakað hjá kvenfélaginu auk þess að skoða þær framleiðsluvörur og handverk sem þar verður á boðstólum.

22. nóvember 2012

Góður íbúafundur í Kjós

Góð mæting var á íbúafundinn í gærkvöldi. Farið var yfir rekstur sveitarfélagsins árið 2012 og gerð grein fyrir fjárhagsáætlun ársins 2013. Einnig var farið yfir stöðu hitaveitumála, fjarskipta og fleira. Málefna- og gagnlegar umræður.

22. nóvember 2012

Pyttla frá Flekkudal í heiðursverðlaun

Ráðstefnan Hrossarækt 2012 var haldin í  Hlégarði, Mosfellsbæ, laugardaginn 17. nóvember sl. Á ráðstefnunni  fékk Pyttla frá Flekkudal í Kjós heiðursverðlaun fyrir afkvæmi og fjórða sætið. Hún er með 119 stig í aðaleinkunn kynbótamats. Hún er undan Adami frá Meðalfelli og Drottningu frá Stóra-Hofi.

 Dæmd afkvæmi Pyttla eru: Æsa frá Flekkudal (ae. 8,54), Frægur frá Flekkudal (ae. 8,04), Glymur frá Flekkudal (ae. 8,52), Þyrnirós frá Þjóðólfshaga 1 (ae. 8,33), Sólbjartur frá Flekkudal (ae. 8,29) og Tálbeita frá Flekkudal (ae. 7,80). Einnig á hún afkvæmin: Kotru, Keðju og Höllu frá Flekkudal og Dimmalimm, Mjallhvíti og Skugga-Svein frá Þjóðólfshaga.

 Kristján Mikkaelsson heitinn ræktaði Pyttlu en núverandi eigendur hennar eru Guðný Ívarsdóttir og Sigurður Sigurðarson.

22. nóvember 2012

Afurðahæsta kúabúið

Miðdalur í Kjós er afurðahæsta kúabú landsins síðustu tólf mánuði, skv. afurðaskýrslum í nautgriparæktinni, en á því tímabili eru meðalafurðir árskúnna í Miðdal 7.889 kg. Þetta kemur fram í niðurstöðum afurðaskýrslna í nautgriparæktinni eftir októbermánuð. Þetta er annar mánuðurinn í röð sem Miðdalsbúið er afurðahæsta bú landsins. Í öðru sæti er Hóll í Sæmundarhlíð í Skagafirði en þar var meðalnytin 7.807 kg eftir árskú. Í þriðja sæti er svar Hraunháls í Helgafellssveit á Snæfellsnesi en meðalnytin þar var 7.711 kg á síðustu tólf mánuðum. Hóll og Hraunháls hafa haft sætaskipti frá síðasta uppgjöri en búin þrjú hafa setið í efstu sætunum undanfarna þrjá mánuði, þó röðin hafi breyst milli uppgjöra.

20. nóvember 2012

Aðalfundarboð SF.Kjós 2012

Aðalfundur  SF.Kjós verður haldin í Ásgarði , þriðjudaginn  27. nóvember 2012.  Kl. 20.00 .

Dagskrá fundarins  er  venjuleg aðalfundarstörf og önnur mál sem brenna á sauðfjáreigendum.

Gestur  fundarins  kemur frá  Búnaðarsamtökum vesturlands.  Vonast er eftir  fjörugum fundi og gagnlegum umræðum um sauðfjárræktina.

Það er von stjórnar að sem flestir sauðfjáreigendur sjái sér  fært á að mæta og eiga saman   skemmtilegt kvöld.

                                        Stjórn, S.F.Kjós

19. nóvember 2012

Góð mæting á bókasafnskvöld

Góð mætin var á bókasafnskvöldið sl miðvikudag en þá var Hlín E. Sveinsdóttir með sýnikennslu í gerð jólaskreytinga.  Hún sýndi meðal annars kransagerð með könglum skreytta með efnum úr náttúrunni.

Minnt er á íbúafundinn miðvikudagskvöldið 21. nóvember í Ásgarði og hefst  kl 20

14. nóvember 2012

Betur fór en á horfðist

Gatnamót Meðalfellsvegar og Hvalfjarðarstrandarvegar geta verið stórhættuleg í lúmskri hálku.  Margir Kjósverjar hafa hafa lent utan vegar eða á umferðarskiltum við gatnamótin þegar aðstæður eru eins og þegar þær voru í morgun, þegar mjólkurbílstjóri missti stjórn á mjólkurbílnum í hálku.  Ekki mátti miklu muna að mjólkurbíllinn færi á hliðina en betur fór en á hrofðist.  Lítið tjón varð á mjólkurbílnum en umferðarskiltið er sennilega ónýtt.

12. nóvember 2012

Folaldasýning Adams

Úrslit frá folaldasýningu Adams.

Folaldasýning Adams fór fram um síðustu helgi. Mikil þátttaka var hjá félaginu, en alls voru skráð 27 folöld til leiks. Dómarar voru þeir Hjörleifur Jónsson og Smári Njálsson, og þakkar Adam þeim kærlega fyrir sitt framlag.

Fjöldi manns kom til að fylgjast með, og þrátt fyrir kulda skemmti fólk sér vel. Glæsilegasta folaldið í eigu Adamsfélaga og glæsilegasta folald sýningarinnar var Uppbót frá Miðdal í Kjós.

Ekkert varð að hrossauppboði, sem bíður betri tíma.

Adam þakkar öllum þeim sem komu að og á sýninguna kærlega fyrir.

Stjórn Adams.

Hestar:

1 . Þorvar frá Morastöðum– jarpur.

F: Kolur frá Morastöðum.

M: Dagrún frá Morastöðum.

Eigendur: María Dóra Þórarinsdóttir og Þorvar Ingi Þórarinsson.

Ræktandi: María Dóra Þórarinsdóttir.

2.  Vígaþór frá Hveravík.–mósóttur

F: Máttur frá Leirubakka

M: Bylta frá Leifsstöðum 1.

Eigandi og ræktandi:  Jóhanna Þorbjargardóttir og  Þorbjörg Sigurðardóttir.

3.  Kraflar frá Hveravík.-brúnstjörnóttur.

F: Víðir frá Prestbakka.

M: Lísa frá Helguhvammi.

Eigandi og ræktandi: Jóhanna Þorbjargardóttir

4.  Ferró frá Flekkudal.-Brúnn

M:  Björk frá Vindási

F : Glymur frá Flekkudal

Eigendi og ræktendi : Sigurður  í Flekkudal

5.  Vængur frá Þúfu í Kjós– rauðskjóttur/stjörnóttur

F: Hákon frá Ragnheiðarstöðum

M: Líney frá Þúfu í Kjós.

Eigandi og ræktandi: Guðríður Gunnarsdóttir.

Merar:

1.  Uppbót frá Miðdal– brún

M: Taug frá Miðdal

F: Aldur frá Brautarholti.

Eigendur og ræktendur: Guðmundur og Svanborg í Miðdal.

2.  Uggandi frá Flekkudal

M:  Kvika frá Flekkudal

F:   Uggi frá Bergi

Eigandi og ræktandi Guðný í Flekkudal

3.  Sóldögg Frá Þorláksstöðum

M: Vorsól frá Þorláksstöðum

F: Sólbjartur frá Flekkudal.

Eigandi og ræktandi: Kristjárn Bjarnason.

4.  Signý frá Flekkudal

M: Auðna frá Hlíðarfæti

F:   Vökull frá Síðu.

Eigandur og ræktendur: Sigurður og Guðný í Flekkudal.

5.  Halla frá Flekkudal.

M: Pyttla frá Flekkudal

F:  Sær frá Bakkakoti

Eigandi og ræktandi: Guðný í Flekkudal.

6. nóvember 2012

Viðburðir á næstunni

Bókasafnið í Ásgarði   

Í nóvember verður opið dagana  14. og 21.  milli  kl 20 og 22.

Bókasafnið verður opið næst miðvikudagskvöldið  14. nóvember  á milli kl.  20 og 22 en þá mun Hlín Eyrún Sveinsdóttir frá Hlín-Blómahúsi  koma og vera með sýnikennslu í gerð jólaskreytinga.                                    

Mikið er af nýjum spennandi bókum  á bókasafninu.  Í Ásgarði er að sjálfsögðu heitt á könnunni á meðan bókasafnið er opið og eitthvað til að maula með.

Opinn íbúafundur.

Opinn íbúafundur verður á  miðvikudagskvöldið 21. nóvember kl . 20.  Á fundinum verður gerð grein fyrir helstu rekstrartölum Kjósarhrepps rekstrarárið 2012 og áætlun rekstrar á áinu 2013. Einngi verða rædd málefni hitaveitu og önnur mál er brenna á íbúum sveitarfélagsins.

Aðventumarkaðurinn verður að þessu sinni 1. desember 2012.

Aðvetumarkaðurinn verður haldinn í Félagsgarði að venju og Kjósarhreppur mun standa fyrir honum.  Íbúar eru hvattir til koma með framleiðsluvörur sínar eða nýjar hugmyndir að framleiðsluvörum á markaðinn, landbúnaðarvörur, handverk eða annað.

Hugmyndir að því er til dæmis prjónavörur og ýmiss konar annað handverk, smákökur og stærri kökur, sultur, heimagerðir  líkjörar, alls kyns  jólaskreytingar, fjölbreytileg heimagerð matvara, allt bæði tengt jólum og öðrum árstímum.                                                                                                                                                                         Þeir sem hafa áhuga á að vera með er bent á að hafa samband við skrifstofu hreppsnins í       s. 5667100 og mail oddviti@kjos.is.   Nánari upplýsingar á www.kjos.iser nær dregur.

Kjósarstofa og Ferðaþjónustan Hjalla auglýsa tónleika með Svavari Knút á Hjalla föstudaginn 9. nóvember kl 20.

Söngvaskáldið Svavar Knútur verður með tónleika á Hjalla föstudaginn 9. nóvember kl 20-22. Svavar mun meðal annars flytja lög af nýjum disk sem hann gaf út í sumar og nefnist Ölduslóð.                                                                                                                                           Aðgangseyrir kr. 1.500. Veitingar seldar á staðnum.

5. nóvember 2012

Folaldasýning Adams – Uppboð

Hestamannafélagið Adam, heldur árlega folaldasýningu sína laugardaginn 10.

nóv. Kl. 13 í Boganum  að Þúfu í Kjós. 

Skrá þarf folöld í síðasta lagi á fimmtudaginn n.k. Skráningar skal senda á bjossi@icelandic-horses.is  Skráningargjald er kr. 1500 á folald og greiðist á staðnum.

Með skráningu þarf að fylgja IS-númer folalds, ef folald er ekki skráð þarf að

senda nafn, uppruna, lit, nafn föður, móður og eiganda. Allir velkomnir að

taka þátt.

Strax að lokinni sýningu, verður haldið hrossauppboð, allt frá folöldum og upp úr. Bannað er að koma með rammslæg hross. Umráðamönnum er frjálst að vera með lágmarksverð eða ekki. Upplýsingar um uppboðsgripi þarf að senda á sama netfang ásamt viðeigandi upplýsingum.

Þeim sem vilja taka þátt í uppboðinu er bent á að Adam tekur 10% þóknun af söluandvirði.

Veitingabar Adams opnar á hádegi, en þar má fá sér eitthvað mjög gott í kroppinn,  og tilvalið að kynda aðeins undir fyrir uppboðið.  Jólabjórinn í ár er víst feiknafínn. Við hvetjum hestamenn að koma og taka þátt og eða fylgjst með skemmtilegri uppákomu. Það verður örugglega hægt að gera frábær kaup.

Hestamenn;  fjörið verður í Boganum næsta laugardag. Finnið ykkur bílstjóra í tíma!

Sjáumst hress.

Stjórn Adams.

1. nóvember 2012

Aðalfundur Umhverfisvaktarinnar við Hvalfjörð

Aðalfundur Umhverfisvaktarinnar við Hvalfjörð

verður haldinn fimmtudagskvöldið 8. nóvember n.k. í Eyrarkoti, Kjós og hefst kl. 20.

Dagskrá:

1.    Innganga nýrra félaga

2.    Skýrsla stjórnar

3.    Reikningar félagsins lesnir upp og þeir bornir undir atkvæði

4.    Kosning stjórnar og skoðunarmanna reikninga

5.    Tillaga að verkefnum næsta árs

6.    Önnur mál

Gestur fundarins verður Guðbjörg Rannveig Jóhannesdóttir doktorsnemi í umhverfisheimspeki. Að loknum aðalfundarstörfum mun hún fjalla um hlutverk og stöðu staðbundinna náttúruverndarsamtaka í náttúruverndarbaráttunni á Íslandi og svara fyrirspurnum.

Stutt innlegg verður um niðurstöður mælinga á flúori í lífsýnum búfjár í Hvalfirði.

Félagar eru hvattir til að mæta, taka með sér gesti og taka þátt í umræðunni um hvernig til hefur tekist á öðru starfsári Umhverfisvaktarinnar við Hvalfjörð en félagið á tveggja ára afmæli þann 4. nóvember n.k. Einnig munum við ræða áherslur í starfi komandi árs.

Nýir félagar eru boðnir velkomnir.

Kaffi og meðlæti í fundarhléi.

Hlökkum til að sjá þig.

Kær kveðja,

F.h. stjórnar Umhverfisvaktarinnar við Hvalfjörð

Þórarinn Jónsson

Hálsi

1. nóvember 2012

Álagningarskrá lögaðila

Álagningarskrá lögaðila mun liggja frammi á skrifstofum Kjósarhrepps til 14. nóvember 2012 

30. október 2012

Hestafréttir á ferð í Kjósinni

Hestafréttir var á ferðini í kjósinni í gær og hittum við þá Sigurð í Flekkudal og íslandsmeistarann í tölti 1985 Orra á Morastöðum, líflegara viðtal hefur blaðamaður hestafrétta ekki tekið. Góða skemmtun. Slóðin hér fyrir neðan.

http://www.hestafrettir.is/vidtol-vid-tvo-snillinga-sigga-i-flekkudal-og-orra-snorra-a-morastodum/

25. október 2012

Góð mæting á fyrsta bókasafnskvöldið

Góð mæting var á fyrsta bókasafnskvöldið sem var í gær. Rebekka Kristjánsdóttir kom með prjónaðar flíkur úr nýjustu prjónabók Istex "Lopi 32" og konur mættu með prjónana.

Markmið er að vera með uppákomur á bókasafnskvöldum í vetur. Hreppsnefnd ákvað á síðasta fundi sínum að opinn íbúafundur yrði á bókasafnskvöldi 14. nóvember. Það gengur ekki alveg upp en stefna verður á að opinn íbúafundur verði annað hvort 7. eða 21. nóvember á bókasafnskvöldi. 

23. október 2012

Uppbygging á þráðlausu háhraðaneti í Kjósarhreppi

Kjósahreppur og eMax/iCell hafa gert með sér samstarfssamning um uppbyggingu á þráðlausu háhraðaneti sem hentar vel í strjálbýlu sveitarfélagi.

Þörfin fyrir öflugt Internet hefur aldrei verið meiri. Á heimilum eru sífellt fleiri tæki tengd netinu, tölvur, spjald-tölvur og símar. Auk þess hefur umfang notkunar aukist, t.d. með auknu framboði á mynd og sjónvarps efni. Sú lausn sem hefur verið í notkun hingað til hefur ekki borið svo mikla umferð. Ný þráðlaus tækni gefur nú möguleika á að mæta þessari þörf á hraðari nettengingum og er mun hagstæðari en aðrar sambærilegar lausnir.

Sveitastjórnin hefur leitað leiða til að íbúar gætu fengið hraðvirkt og traust netsamband, sem er nauðsynlegt framfaraspor á tímum 21. aldar. Gerð hefur verið prufa á þessum búnaði í Kjósinni og augljóst að hér er um byltingu að ræða. 

Lausnin sem eMax býður nýtir nýjustu þráðlausu tækni og gefur aukinn hraða og traustari rekstur. Samanborið við ljósleiðara er þráðlausa tæknin hagstæð fyrir strjálbýl sveitafélög. Í þessu tilfelli kostar lausnin frá eMax t.d. um 2 % af kostnaði við ljósleiðaravæðingu.

Í upphafi er gert ráð fyrir að hvert heimili fái allt að 20 mbit hraða enda sé það ríflegt fyrir alla almenna netnotkun. Í framhaldinu verður möguleiki að nýta tenginguna fyrir sjónvarpsþjónustu.

Þessi nýja tækni  sér um að jafna álagi þannig að mikil notkun eins viðskiptavinar truflar ekki aðra. Auk þess eru miklu meiri burðargeta í kerfinu.

23. október 2012

Bókasafnskvöld í Ásgarði

Fyrsta bókasafnskvöld vetrarins verður nk miðvikudagskvöld 24. okt 20-22.  Í vetur verður bókasafnskvöld annann hvert miðvikudagskvöld og er ætlunin  að vera með  uppákomur á þessum kvöldum  annað slagið.  Ístex ríður á vaðið og verður með kynningu á prjónaflíkunum úr nýjustu prjónabókinni „Lopi 32“  Rebekka mætir með flíkurnar og eru allir velkomnir að koma og skoða og máta og endilega takið prjónana með ykkur þeir sem það vilja / það verður heitt á könnunni og meðþví.......eigum góða stund saman

Bókverja

23. október 2012

Bubbi á ferð um landið

Nú í haust hefur Bubbi Morthens lagt land undir fót og heimsótt landsbyggðina.   Óhætt er að segja að enginn tónlistarmaður hafi oftar farið um landið og haldið tónleika.  Heiti tónleikaraðarinnar að þessu sinni er "Þorpin" og vísar Bubbi þar annars vegar í landsbyggðina og hins vegar í síðustu geislaplötu sem hann gaf út og ber nafnið Þorpið.  Á þeirri plötu hverfur Bubbi að hluta til aftur í ræturnar og er kassagítarinn framar en hann hefur verið lengi.  Platan sem kom út sl. vor hefur selst vel og verið látið vel af henni.

Bubbi verður með tónleika í Félagsgarði Kjós þ 25 október kl 20:30.  Miðasala er á midi.is og við innganginn.  Miðaverð 2.500 kr. 

20. október 2012

Kjörsókn góð í Kjós

Þegað kjörstað var lokað í Ásgarði Kjós kl 20 í kvöld höfðu 97 manns kosið af 169 eða 57% 

20. október 2012

Bókasafnið í Ásgarði

Bókasafnskvöld verður í Ásgarði miðvikudagskvöldið 24. október frá kl 20-22.

Nánari dagskrá verður auglýst síðar

20. október 2012

Bubbi með tónleika í Kjósinni

 Bubbi verður með sína árlegu tónleika í Félagsgarði fimmtudaginn 25. október.

Miða er hægt að nálgast á www.midi.is  einnig er hægt að borga við innganginn.

17. október 2012

Hreppsnefndarfundur á morgun

Hreppsnefndarfundur verður á morgun fimmtudag í Ásgarði og hefst kl 14.

17. október 2012

Losun plastgáma

 Plastgámar verða losaðir á föstudaginn.

15. október 2012

Aðalfundur Adams

Aðalfundur hestamannafélagsins Adam verður haldinn þriðjudaginn 30.n.k. kl. 20:30 í Ásgarði. Stjórnarkjör og hefðbundin aðalfundarstörf.

Við hvetjum félaga jafnt sem aðra til að mæta á fundinn. Kaffiveitingar.

Stjórnin

15. október 2012

Auglýsing frá kjörstjórn Kjósarhrepps

Kjörstaður vegna þjóðaratkvæðagreiðslu, sem fer fram laugardaginn  20. október 2012, verður í Ásgarði Kjós. Kjörstaður verður  opinn frá kl 12.00 til 20.00  Í Kjósarhreppi eru 169 á kjörskrá, 76 konur og 93 karlar. Kjörskrá liggur frammi á skrifstofu hreppsins

10. október 2012

Kjörskrárstofn liggur frammi í Ásgarði

 Kjörskrárstofn vegna þjóðaratkvæðagreiðslunnar sem fer fram laugardaginn liggur frammi á skrifstofum Kjósarhrepps frá og með 10. október.

10. október 2012

Matarmenningarhátíðin Krásir í Kjósinni

Matarmenningarhátíðin  Krásir í Kjósinni sem haldin var í Félagsgarði laugardaginn 29. september þótti takast afbragðsvel. Það var nánast húsfyllir og góð stemming. Kjósarstofa stóð að hátíðinni, sem nú var haldin í annað sinn. Matreiðslumeistararnir Ólöf Jakobsdóttir og Jakob H. Magnússon töfruðu fram krásir úr hráefni beint frá býlum í Kjós ásamt meistarakokkinum Hilmari Jónssyni.  Veislustjórn var í höndum Sigurlaugar M. Jónasdóttur útvarpskonu og sá Hjalti Þorkelsson úr Múgsefjun  um tónlist milli rétta.  Ræðumaður kvöldsins var Eydís Mary Jónsdóttir sem fjallaði um fjörunytjar og sagði Kjósina m.a. gósenland Nori-unnenda. Erindi hennar má lesa á vefnum www.kjosarstofa.is

8. október 2012

Tilkynning um straumleysi

Raforkunotendur sunnan Skarðsheiðar og í Kjós rafmagnslaust verður aðfaranótt 9 október frá kl 00:00-04:00 vegna vinnu í aðveitustöð við Brennimel.

Hafið ekki viðkvæm raftæki í notkun þegar rafmagnið fer af og hugið að endurstilla öll tímastillt raftæki sem kunna að hafa breytt sér.

4. október 2012

Kvenfélagskonur í Kjós gefa höfðinglega gjöf

Klébergsskóli fékk afhenda veglega gjöf í morgun frá Kvenfélagi Kjósarhrepps, 2 Ipad-tölvur. Gjöfina afhendu kvenfélagskonurnar Katrín, Hulda og Anna Björg sem allar starfa við Klébergsskóla Svona tölvur eins og flestir vita eru mikill fengur fyrir skólastarfið. 1. bekkur hefur verið að nota slíkar tölvur og nú munu fleiri og fleiri nemendur hafa aðgang að slíkum tölvum.

4. október 2012

Hreppsnefndarfundi frestað

Hreppsnefdarfundurinn sem vera átti í dag fimmtudag samkvæmt reglu þar um er frestað.

Fundir skipulags- og bygginganefndar verða framvegis síðasta miðvikudag hvers mánaðar. 

25. september 2012

Frumtamningar.

Getum bætt við okkur 2-3 tryppum í frumtamningu nú í haust. Nánari upplýsingar á Þúfu í netfangi. bibi@icelandic-horses.is eða í s. 897-7660.

25. september 2012

Réttað í nýrri Kjósarrétt

Sunnudaginn 16. september var réttað í  fyrsta sinn í hinni ný endurgerðu Kjósarrétt en ákveðið var á síðasta ári að réttin yrði enduruppbyggð í upprunalegri mynd. Fjölda fólks dreif að til að upplifa fyrri réttarstemmingu en ekki hefur verið réttað í Kjósarrétt í mörg ár.

Réttarstjórinn Guðbrandur í Hækingsdal og Sigurður á Hrosshól

Bændur kepptust við að draga sitt fé

Nokkrir komu ríðandi

12. september 2012

Krásir í Kjós

Laugardaginn 29. september verður haldin í Félagsgarði matarhátíðin Krásir í
Kjósinni.

Kjósarstofa stendur að hátíðinni, sem nú er haldin í annað sinn, en þar munu
matreiðslumeistararnir Ólöf Jakobsdóttir og Jakob H. Magnússon töfra fram
krásir úr hráefni beint frá býlum. Húsið verður opnað kl 19 og hefst
borðhald hefst kl. 20 og mun kvöldverðurinn kosta kr. 6.500, án drykkja.
Hægt verður að kaupa drykki á staðnum.

Veislustjórn verður í höndum Sigurlaugar M. Jónasdóttur útvarpskonu og
ræðumaður kvöldsins verður Guðrún Hallgrímsdóttir sem fjallar um fjörunytjar
og fleira áhugavert. Boðið verður upp á tónlistaratriði. Borðapantanir
óskast sendar á netfangið kjosarstofa@kjos.is. Hægt verður einnig að panta
sætaferðir frá Reykjavík og til baka og kostar sætið 3.500 báðar leiðir.

10. september 2012

Ágætu íbúar Kjósarhrepps

Til hamingju með nýja tilhögun í sorphirðumálum hér í Kjós. Þessi nýja tilhögun byggist á tveim ílátum undir sorp við hvert heimili,  Blátunna og Grátunna.

Blátunnan í Kjósarhreppi er græn 240l og verður með bláu loki eftir næstu losun. Blátunnan er skilgreining á íláti undir pappírsúrgang frá heimilum. Þegar er verið að tala um pappír er átt við dagblöð, tímarit, auglýsingapóst og prentpappír. Einnig hreinar og tómar umbúðir úr sléttum pappa eins og fernur, morgunkornspakka, pakkningar utan af kexi og pasta, eggjabakkar, bylgjupappi og pitsukassar. Engir plastpokar mega fara í þessar tunnur.

Blátunnan gerir flokkun pappaefna þægilega þar sem ekki þarf lengur að safna inni á heimilinu stórum bunkum af pappír sem síðan þarf að fara með í grenndargám, núna fer pappírinn jöfnum höndum út í blátunnuna.  Hirðing verður einu sinni í mánuði.

Grátunnan er skilgreining á grænu tunnunni sem hefur verið við hvert heimili sl. ár. Hún er áfram undir almennan úrgang frá heimilum annan en þann sem flokkast í Blátunnuna. Hirðing verður áfram á tveggja vikna fresti

7. september 2012

Blátunnan keyrð á heimili í Kjós í dag

Blátunnan mun verða keyrð heim á hvert heimili í Kjósinni í dag. Tunnan er græn með grænu loki en skipt verður um lok við næstu losun í blátt lok.

Í þessa tunnu á að setja allan pappír og ekkert annað. 

5. september 2012

Óskilajakkar í Miðdal

 Einhverjar hressar konur sem voru í kvennareiðinni í sumar gleymdu jökkunum sínum í Miðdal. Þar eru nú eftir tveir jakkar sem vonast eftir að eigendur þeirra komi að ná í sig.

5. september 2012

Hreppsnefndarfundur 6. september

Hreppsnefdarfundur verður fimmtudaginn 6. september í Ásgarði og hefst kl 13:00.

Dagskrána má skoða undir flipanum Stjórnsýslan

4. september 2012 10:03

Fjallskilaboð í Kjósarhreppi 2012.

Fjallskil í Kjósarhreppi til lögrétta verða tvær í Kjósarhreppi á þessu hausti og verða á eftirgreindum dögum í Kjósarrétt.

1.   rétt verður sunnudaginn 16. september kl. 15,00

2.   rétt verður sunnudaginn 7. október kl. 15,00

Samkvæmt 39. grein fjallskilalaga frá 1986 er hver bóndi skyldur að smala heimaland sitt á haustin samhliða leitum(fjallskilum), ef sveitarstjórn mælir svo fyrir. Sama gildir um eigendur/ábúendur jarða og eyðibýla, þó þeir eigi þar ekki fjárvon. Koma síðan öllu óskilafé til lögréttar, sveitarsjóði að kostnaðarlausu.

Helgi Guðbrandsson, Hækingsdal sér um smölun á landi Stóra-Botns, sunnan varnargirðingar.

Réttarstjóri í Kjósarrétt verður Guðbrandur Hannesson, Hækingsdal.

Marklýsingarmenn í Kjósarrétt verða Hreiðar Grímsson Grímsstöðum og Dóra S. Gunnarsdóttir Hækingsdal.

Í útréttir fara eftirtaldir:

1.   Þingvallarétt  Helgi Guðbrandsson

2.   Þingvallarétt Hreiðar Grímsson

Hreppsnefnd Kjósarhrepps

Fjáreigendur eru vinsamlegast beðnir um að halda fé sínu heima eftir seinni fjallskil og  halda hrútum og ógeltum hrútlömbum í fjárheldum hólfum eftir  20. október 2012.

Að gefnu tilefni er vert að minna smala á að þurfi þeir að fara inn á land annara jarða til smölunar, að biðja  vinsamlegast um leyfi ábúenda áður en farið er af stað.  Einnig að loka aftur hliðum,  ef komið er að þeim lokuðum.

Smalar eru einnig beðnir um að smala ekki á vélknúnum faratækjum þar sem land er viðkvæmt.

22. ágúst 2012 11:43

Hópreið Adams.

N.k. sunnudag, 25 ágúst, stendur hestamannafélagið Adam fyrir hópreið. Riðið verður frá Laxárnesi upp Laxárbakka  í hina nýstandsettu Möðruvallarétt.  Lagt af stað stundvíslega kl. 13:30. Adam hefur staðið fyrir miklum reiðvegaframkvæmdum undanfarin ár, og nú hefur leiðin upp að rétt verið lagfærð mikið.  Í réttinni bíður Adam upp á grillaða hamborgara , pylsur og gos. Þeir sem ætla að skella sér í skemmtilegan útreiðatúr eru beðnir um að  tilkynna þátttöku með pósti á bjossi@icelandic-horses.is fyrir föstudaginn  24 n.k.  – svona rétt til að grillmeistarinn geti tekið til hæfilegan kost.

Adam hvetur félaga sína og gesti að fjölmenna og eiga skemmtilegan dag.

Stjórn Adams.

21. ágúst 2012 12:03

Hreppsnefndarfundur á fimmtudaginn

 Hreppsnefndarfundur verður á fimmtudaginn 23. ágúst í Ásgarði og hefst kl 13.

Dagskrá fundarins má finna undir flipanum, Stjórnsýslan-Hreppsnefnd-Fundir hreppsnefndar.

2. ágúst 2012 12:49

Staða borunar eftir heitu vatni í Kjós

Jarðborinn Nasi frá Ræktunarsambandi Flóa og Skeiða hefur lokið borun holunnar MV-19 að Möðruvöllum í Kjós. Holan varð 822 m að dýpt og er hún fóðruð í 152 m.

Úr holunni er sjálfrennandi vatn; rúmlega 14l/s og er það rétt um 80 gráðu heitt.

Í borlok var gerð stutt afkastamæling og eru niðurstöður ekki alveg óyggjandi en þó er ljóst að um vel heppnaða heitavatnsholu er að ræða

2. ágúst 2012 12:11

Hnitasetning rotþróa og hreinsun þeirra

Það má skoða teiknisett fyrir  rotþrær í Kjósahreppi undir flipanum “Byggingarfulltrúi” fráveitubrunnar yfirlitsmynd, en námsmannavinna hreppsins sá um að hnitasetja allar auðfundnar  rotþrær í hreppnum í júní og má þar skoða  afraksturinn.

Nauðsynlegt er að hver fasteignaeigandi í sveitarfélaginu skoði  hvort þeirra rotþró sé rétt staðsett.  Ef svo er ekki þá er viðkomandi vinsamlegast beðinn um að hafa samband við byggingarfulltrúa Kjósarhrepps  skipulag@kjos.is   með leiðréttingu.

Hreinsun rotþróa í Kjósarhrepps fer fram þessa dagana og verður í næstu viku. Mun hreinsunarbíllinn fara á bæina/sumarhúsin  frá Fremra-Hálsi að Vindáshlíð og frá Þúfu sem leið liggur að Eyrarkoti, Miðdal að Eilífsdal. Hurðarbak og Þorláksstaði.

26. júlí 2012 02:52

Lokun á skrifstofum Kjósarhrepps

Skrifstofur Kjósarhrepps verða lokaðar frá 1. til 17. ágúst að báðum dögum meðtöldum, vegna sumarleyfa starfsmanna. 

26. júlí 2012 10:55

Nýjustu fréttir af borun eftir heitu vatni í landi Möðruvalla

Holudýpið í gærkvöldi  var komið niður  710 m þegar hætt var og mældist rennsli í morgun 16,6 l/s,  og 77 gráðu heitt, allt samkvæmt björtust vonum.

Meiningin er að bora í dag og á morgun. Sjá svo til eftir helgarstoppið hvort borun verður hætt.

26. júlí 2012 10:41

Kátt í Kjós

 Hátíðin Kátt í Kjósinni þótti takast vel í góðu veðri fram eftir laugardeginum 21. júlí. Fjöldi fólk lagði leið sína á markaðinn í Félagsgarði og á aðra viðburði. Fullbókað var í hernámsáraferðina og um 20 manns mættu bæði í fjörunytjaferð og í leiðsögn um Búðasand. Í heyrúlluskreytingakeppninni sem var á túninu við Eyrarkot sigraði Sigrún Linda í flokki fullorðinni en hún vann líka 2010 og í 16 ára og yngri sigraði Íris Ösp Vilhelmsdóttir. Í Félagsgarði söfnuðu börn 16.000 kr til styrktar UNESCO – barnahjálp Sameinuðu þjóðanna með sölu leikfanga.

Kjósarstofa þakkar öllum þeim sem lögðu hönd á plóg við undirbúning og framkvæmd hátíðarinnar

24. júlí 2012 03:37

Álagningaskrá opinberra gjalda einstaklinga árið 2012

Álagningaskráin mun liggja frammi á opnunartíma skrifstofu Kjósahrepps á tímabilinu frá 25. júlí til 8. ágúst að báðum dögum meðtöldum. 

18. júlí 2012 12:31

Starf umsjónarmanns á endurvinnsluplanið laust til umsóknar

Magnús Viggó Jónsson, sem hefur haft umsjón með endurvinnsluplani Kjósarhrepps sl. tvö ár, lét að því stafi í byrjun júní til að vinna við þá iðn sem hann hafði valið sér, bifvélavirkjun. Er honum þökkuð vel unnin störf í þágu sveitarfélagsins.

Námsmannavinna hreppsins hefur séð um planið í júní og júlí en þegar störfum þeirra lýkur 1. ágúst þarf að ráða nýjan umsjónarmann. 

Kjósarhreppur óskar eftir umsóknum um starfið sem er frá 1. ágúst 2012. Æskilegt er að umsækjandi sé orðinn 20 ára, hafi lögheimili í Kjósarhreppi, sé stundvís, þjónustulipur og samviskusamur.

Opnunartími plansins er á miðviku-, laugar- og sunnudögum frá kl 13-16.

Umsóknum skal skilað á netfangið oddviti@kjos.is fyrir 26. júlí

18. júlí 2012 11:35

Göngustígur meðfram Meðalfellsvegi

Verið er að leggja lokahönd á fyrsta áfanga göngustígar meðfram  Meðalfellsvegi en vinna við hann hófst 5. júlí og mun ljúka í dag, þann 18. Margir höfðu líst áhyggjum sínum vegna þess að eftir þessum vegi er mikil umferð, oft hröð og fólk á ferð á sama tíma þó að þarna sé aðeins 50 km hámarkshraði.

Kjósarhreppur ákvað að fara í það að leggja göngustíg þarna meðfram í samvinnu við Vegagerðina, en fyrirhuguð staðsetning er á veghelgunarsvæði hennar.

Kristján Finnson á Grjóteyri tók að sér að móta og hanna stíginn og er það mál manna að vel hafi tekist til.

Ákveðið var að taka á móti fimm manna hópi frá sjálfboðaliðasamtökunum SEEDS í verkið og var þeirra verkefni  að grjóthreinsa, slétta og sá í stíginn. Þessi  hópur er frá Lettlandi, Ítalíu, Spáni og Bandaríkjunum og höfðu  þau aðsetur í Ásgarði. Unglinga- og námsmannavinna hreppsins komu einnig að verkinu.

17. júlí 2012 01:09

Heitt vatn farið að flæða úr holunni

Í gær um hádegi voru bormenn sem eru að bora eftir heitu vatni í landi Möðruvalla komnir niður á 280 metra dýpi og búnir að finna vatn 50 gráðu heitt og streymir það núna upp úr holunni

10. júlí 2012 03:08

Kátt í Kjós

Þann 21. júlí næstkomandi verður hátíðin Kátt í Kjós haldin. Margt áhugavert stendur til boða og er dagskráin hér að neðan. Ef einhverjar fyrirspurnir eru varðandi hátíðina endilega hafið samband við Höllu í síma 857-0100 eða á netfangið kjosarstofa@kjos.is

Einn af sölubásunum í Félagsgarði þetta árið verður tileinkaður Unicef barnahjálp og hvetjum við börnin í sveitinni að taka til í leikföngunum sínum þar sem þau geta selt þau til styrktar Unicef á Kátt í Kjós. Ágóðinn rennur óskiptur til hjálparstarfs. Leikföngunum er hægt að skila inn í Ásgarð eða koma með þau á staðinn í Félagsgarð frá kl. 11:00 þann 21.7.2012.

Hlökkum til að sjá ykkur öll í Kjósinni!

Dagskrá Kátt í Kjós

12.00-17.00 Markaður í Félagsgarði

Handverk og matvara af ýmsu tagi verður til sölu í Félagsgarði.

Skemmtilegur og fjölbreyttur markaður.

12.00-17.00 Kaffisala Kvenfélagsins í Félagsgarði

Kvenfélag Kjósarhrepps er með kaffisölu staðsetta í Félagsgarði.

Heitt á könnunni og vöfflur.

12.00-17.00 Dýr við Félagsgarð

Hænur,heimalningar og fleira ungviði verða gestum og gangandi

til gleði á vellinum við Félagsgarð.

12.00-18.00 Veiðikortið býður veiði í Meðalfellsvatni

Mest veiðist af smábleikju, en einnig nokkur urriði, sjóbirtingur

og lax.

14.00-15.00 Leiðsögn um hernámsminjar – Kiðafell

Magnús Þór Hafsteinsson er með leiðsögnina. Lagt verður af

stað kl. 14 frá brúsapallinum á Kiðafelli og endað þar.

14.00-16.00 Teymt undir börnum við Laxárnes

Hestamannafélagið Adam teymir undir börnum við Laxárnes,

neðan við Félagsgarð.

15.00-16.30 Heimsmeistarakeppni í heyrúlluskreytingum

við Eyrarkot

Tilkynnt verður um úrslit kl. 17 við Eyrarkot.

14.00-20.00 Ásgarður – Kjósarstofa

Myndasýningin „Góðar stundir – gamlar myndir úr Kjós“ verður

opnuð í Kjósarstofu en þar gefst gestum kostur á að bera kennsl

á fólk á gömlum myndum.

15.30-16.30 Sögukynning um Maríuhöfn

Magnús Þorkelsson verður með leiðsögn um Maríuhöfn sem

hefst í Kjósarstofu, Ásgarði kl 15.30.

14.00 Reynivallakirkja

„Blessað veri grasið“. Séra Gunnar Kristjánsson flytur erindi um

samband manns og lífríkis í íslenskum ljóðum.

13.00-15.00 Fræðsla um fjörunytjar við Fossá

Guðrún Hallgrímsdóttir fræðir gesti um fjörunytjar og hvernig

best er að matreiða krækling beint úr fjörunni.

12.00-17.00 Gallerí Nana

Gallerí Guðbjargar Jónu Magnúsdóttur við ofanvert Meðalfellsvatn

verður opið gestum og gangandi.

11.00-22.00 Kaffi Kjós við Meðalfellsvatn

Í Kaffi Kjós er þjónustumiðstöð við Meðalfellsvatn má njóta veitinga

í heimilislegu andrúmslofti. Kl. 14-17 verður hoppukastali

við Kaffi Kjós og hjólabátar á Meðalfellsvatni og lummubakstur

verður í fullum gangi. Óvæntur glaðningur fyrir börnin.

13.00-17.00 Eyrarkot

Tolli verður með sýningu í salnum. Heyvagn verður á ferðinni frá

salnum og um svæðið og má fá sér salíbunu með honum. Kaffihúsastemning

- hægt að kaupa kaffi og meðlæti.

Kveðja,

Halla Lúthersdóttir

Kjósarstofa

www.kjosarstofa.is

sími: 8570100

Skoða bækling.

5. júlí 2012 04:22

Tapast hefur móbrún hryssa

 Móbrún þriggja vetra  hryssa hefur tapast frá Meðalfelli fyrir ca þrem vikum. Hryssan er örmerkt. Þeir sem hafa orðið hryssunnar varir eru vinsamlega beðnir að hafa samband við Sigurþór í s. 566760, 8977690, 8695680

4. júlí 2012 03:47

Borun eftir heitu vatni í landi Möðruvalla hafin

En bormenn frá Ræktunarsambandi Flóa og Skeiða með jarðborinn „Nasa“ byrjuðu að bora í landi Möðruvalla fyrir síðustu helgi og eru nú í dag komnir á 150 metra dýpi eða þá dýpt sem fóðruð er an áætlað er að bora 800 metra djúpa holu. Með því á  að sannreyna hvort nýtanlegt heitt vatn sé að finna og þá hversu mikið til að hægt sé að meta betur hvort hagkvæmt geti verið að virkja holuna og leggja hitaveitu um sveitina.  

29. júní 2012 10:45

Tæming rotþróa í annari eða í þriðju viku af júlí

Reiknað er með að tæming rotþróa hjá þeim sem ekki hefur verið tæmt hjá sl þrjú ár verði í annari eða þriðju viku af júlí.

Vorið 2010 voru tæmdar þrærnar í Eilífsdalnum og á Hálsendanum sem fundust og voru aðgengilegar. Haustið 2010 var farið í Norðurnesið og Eyjafellið og tekið úr þeim þróm sem fundust. Vorið 2011 var farið í hverfin í kringum og vestan við Meðalfellsvatn og tekið úr þeim sem fundust.

Kjósarhreppur hefur staðið fyrir hreinsun úr rotþróm frá árinu 2007 og enn standa hreinsunarmenn frammi fyrir því að fasteignaeigendur hafa ekki merkt þrærnar eða sjái til að það sé gott aðgengi að þeim.

Ungmennavinna Kjósarhrepps hafði það verkefni í sumar að hritasetja allar rotþrær í sveitarfélaginu en ekki tókst finna þær við öll hús.

Nokkrir hafa haft samband við skrifstofu hreppsins um að ekki hafi verið tæmt hjá þeim undanfarin þrjú ár og eru þeir sem eru sömu skoðunar að hafa samband í s. 5667100

27. júní 2012 11:01

Kosning til Forseta Íslands

Kjörstaður vegna kosningu til Forseta Íslands, sem fer fram  laugardaginn 30. júní 2012, verður í Ásgarði Kjós. Kjörstaður verður  opinn frá kl 12.00 til 20.00 Í Kjósarhreppi eru 173 á kjörskra, 79 konur og 94 karlar. Kjörskrá liggur frammi á skrifstofu hreppsins.

Kjósarhreppur býður upp á kaffi og vöfflur m/rjóma frá kl 14.00 til ca16.00 og sjá konur úr kvenfélagi Kjósarhrepps um veitingarnar.

Ath. að atkvæðagreiðsla utan kjörfundar á vegum embættis sýslumannsins í Reykjavík færist úr Skógarhlíð 6 yfir í Laugardalshöll frá og með fimmtudeginum 14. júní. Opið verður alla daga frá kl. 10:00–22:00. Lokað verður 17. júní. Á kjördag verður opið frá kl. 10:00–17:00 fyrir þá kjósendur sem ekki búa á höfuðborgarsvæðinu. Sjá nánar hér.

Hreppsnefndarfundur er haldinn miðvikudaskvöldið 27. júní í Ásgarði og hefst kl 20.00, dagskrá fundarins má skoða á Stjórnsýslan-hreppsnefnd- fundir hreppsnefndar.

20. júní 2012 02:05

Kaffi, ljósmyndir og með því!

Á laugardaginn kemur þann 23. júní 2012 býður Kjósarstofa upp á kaffi og meðlæti frá kl. 14-18 í Ásgarði.

Kjósarstofa óskar eftir myndum héðan úr sveitinni bæði vegna ritunar Kjósarsögu en einnig er stefnan að halda ljósmyndasýningu úr sveitinni á Kátt í Kjós 21. júlí næstkomandi.
Á laugardaginn verður skanni á staðnum og geta gestir því komið með myndir, við tökum afrit af þeim, og viðkomandi getur tekið myndirnar með sér heim aftur. Gamlar myndir eru í sérstöku uppáhaldi.

Helgarblöðin verða á staðnum og hvetjum við alla til að kíkja við, sýna sig og sjá aðra.

Hlökkum til að sjá ykkur og myndirnar ykkar!

Minnum einnig á vef Kjósarstofu www.kjosarstofa.is

19. júní 2012 04:13

Plastgámar verða losaðir laugardaginn 23. júní

Nauðsynlegt er að hafa gott aðgengi að þeim 

19. júní 2012 04:06

Auglýsing frá kjörstjórn Kjósarhrepps

Kjörstaður vegna kosningu til Forseta Íslands, sem fer fram  laugardaginn 30. júní 2012, verður í Ásgarði Kjós. Kjörstaður verður  opinn frá kl 12.00 til 20.00 Í Kjósarhreppi eru 173 á kjörskra, 79 konur og 94 karlar. Kjörskrá liggur frammi á skrifstofu hreppsins

19. júní 2012 04:04

Á flakki - Sumar í Hvalfirði

Sjónvarpsstöðin N4 á Akureyri kom til okkar í Kjósarstofu og í Eyrarkoti þegar þeir voru að vinna þættina sína „Á flakki, sumar í Hvalfirði“. Þátturinn um Kjósarstofu og Eyrarkot ásamt Bjarteyjarsandi er á fimmtudaginn kemur þann 21.6.2012. Hvet alla til að horfa á þáttinn en hann er sýndur kl. 18:30 en einnig er hægt að horfa á þáttinn á vefsíðu N4 http://www.n4.is/tube/channel/view/23/

18. júní 2012 12:07

Kvennareiðin 2012

Hin árlega kvennareið Kjósarkvenna verður     föstudaginn 22. júní.  n.k.  ætlunin er að hittast við Hjarðarholt  kl. 20.00  og ríða sem leið liggur að Miðdal, þar ætlum við að gæða okkur á Grilluðum hamborgurum og salati, syngja og hafa gaman.  Þá er bara að drífa sig á hestbak, gestir eru velkomnir með.

Konur eru beðnar að tilkynna þátttöku fyrir n.k. miðvikudag (v/matarinnkaupa)

til Svönu í Miðdal (middalur@emax.is) eða s. 566-6834.

Hamborgarinn og salatið kosta kr. 1000 pr. mann og einnig verður hægt að fá rauðvín, bjór eða gos á kostnaðarverði. ( ath. hafa með sér peninga engin kort)

                         Kveðja,  kvennareiðsnefndin.

8. júní 2012 12:38

Baráttan um landið

Fimmtudaginn 14. júní stendur Umhverfisvaktin við Hvalfjörð fyrir sýningu heimildarmyndarinnar Baráttan um landið eftir Helenu Stefánsdóttur. Sýningin hefst klukkan 20.00 að Hjalla í Kjós og er aðgangur ókeypis. Léttar veitingar verða til sölu á staðnum.

Myndin er 61 mínúta að lengd og segir sögu þeirrar náttúru sem er í hættu vegna fyrirhugaðra virkjanaframkvæmda og raforkuframleiðslu fyrir stóriðju á Íslandi. Einnig drepur sagan á þeim ómetanlegu náttúruperlum sem nú þegar hefur verið fórnað fyrir stóriðju, en í dag fara u.þ.b. 80% af framleiddri raforku á Íslandi í erlenda stóriðju. Sagan er sögð af hinum hógværu röddum sem búa á og unna landinu sem er í hættu og hefur verið eyðilagt.

Þuríður Einarsdóttir einn af aðstandendum myndarinnar mun segja í stuttu máli frá gerð hennar áður en sýningin hefst og mun svara spurningum að henni lokinni.

5. júní 2012 08:34

Ferðaþjónustubændur bjóða heim

Bryggjuhátíð og hamborgaraveisla

Sunnudaginn 10. júní er boðað til bryggjuhátíðar hjá ferðarþjónustunni í Eyrarkoti í Kjós. Allir bátaeigendur eru hvattir til að mæta og sjósetja báta sína. Boðið verður uppá stuttar bátsferðir, sjósund og hjólabáta. Húsið og salurinn verða opin í tengslum við opið hús hjá ferðaþjónustu bænda. Boðið er uppá kaffi og létt meðlæti og fólk er velkomið að skoða sig um á staðnum.

Úrvals grillaðir hamborgarar frá Matarbúrinu á Hálsi verða til sölu.

Á Hjalla verður opið hús og veitingar. Veitingarskálinn Kaffi Kjós verður að venju opin en hjólabátarnir  eru í þeirra boði.

Öll bryggjudagskráin miðast við að það verði gott veður en opið verður í húsi og sal í Eyrarkoti hvernig sem viðrar. Húsið er opið frá. Kl 13 - 17 en bryggjufjörið er frá 14 - 17.

5. júní 2012 09:43

Fasteignaeigendur í Kjós

Núna er hafið það verkefni hjá Kjósarhrepp að hnitasetja allar rotþrær í sveitarfélaginu. Kjósarhrepp var úthlutað þrem störfum fyrir námsmenn á vegum Vinnumálastofnunar. Þetta sumarið sóttu þrír um og allir fengu starf  sem sóttu um. En það eru þau Kjalar á Klörustöðum, Alexandra í Káranesi og Snorri á Morastöðum.  

Fasteignaeigendur eru vinsamlegast beðnir um að merkja rotþrærnar vel þannig að krakkarnir eigi auðveldara með að finna þær.

Fyrsta svæðið sem þau hnitasetja er Eilífsdalurinn.

31. maí 2012 03:17

Harðarkonur koma í Kjósina, allar stelpur á hestbak.

Hestakonur úr Herði  ætla að koma ríðandi í Kjósina þann 8 júní n.k. þær byrja á því að ríða úr Mosó  að Klörustöðum  þann 8. Júní og laugardaginn 9. Júní er ætlunin að ríða frá Klörustöðum,( um hádegi)  niður Laxárbakka að Miðdal,síðan er ætlunin að grilla  á laugardagskvöldinu,   Allar Kjósarkonur sem treysta sér til eru beðnar að mæta á fákum sínum og fylgja Harðarkonum  niður Laxárbakka og er síðan boðið í grill um kvöldið. Harðarkonur fara síðan  heim  sunnudaginn 10. Júní. 

 Kjósarkonur eru beðnar að skrá sig  fyrir 5 júní á bokhald@kjos.is, eða láta vita í s. 862-4210 (Þóra) til að hægt sé að panta mat fyrir alla sem vilja.

Konur /stelpur allar nú á bak og æfa sig fyrir hina hefðbundnu kvennareið sem samkvæmt hefðinni verður væntanlega 22.  eða  23. júní

24. maí 2012 03:46

Frá Vindáshlíð

Hin árlega kaffisala Vindáshlíðar verður haldin í Kjós, sunnudaginn 3. júní kl. 14.00-18.00. Boðið verður að vanda upp á girnilegt kaffihlaðborð. Verð kr. 1500 fyrir 14 ára og eldri og 750 kr. fyrir 6-13 ára. Kaffisalan hefst með guðsþjónustu kl. 14.00 í Hallgrímskirkju í Vindáshlíð og mun sr. Íris Kristjánsdóttir messa. Hægt er að skoða staðinn að utan sem innan, kanna íþróttahúsið, taka jafnvel brennóleik eða skoða göngustíga og rjóður í grenndinni.

Allir eru hjartanlega velkomnir.

21. maí 2012 12:54

Ársreikningurinn kominn á vefinn

 Ársreiknigur Kjósarhrepps og endurskoðunarskýrslan fyrir árið 2011 eru komin á vefinn undir "Skýrslur og útgefið efni"

18. maí 2012 09:53

Dregið var í happdrætti Adams 16. maí.

Dregið hefur verið í Stjörnuhappadrætti Adams. Félagið þakkar öllum sem studdu þessa fjáröflun hjá félaginu.

Eftirtalin númer komu upp:

NR.         Vinningar folatollar undir eftirfarandi hesta:  Vinningsnúmer:

1           Aron frá Strandarhöfða                    171

2           Ugga frá Bergi                                  271

3           Kjarna frá Þjóðólfshaga                   125

4           Sæmund frá Vesturkoti                     194

5           Vaðal frá Akranesi                             90

6           Blæ frá Miðsitju                                   9

7           Feld frá Hæli                                      166

8           Klæng frá Skálakoti                            176

9           Kaspar frá Kommu                             80

10          Font frá Feti                                      96

11          Ófeig frá Þorláksstöðum                   73

12          Svartni frá Miðsitju                           213

13          Sólbjart frá Flekkudal                       183

14          Kol frá Morastöðum                        175

15          Pilt frá Akranesi                              115

16          Svörð frá Koltursey                         274

Þeir sem voru svo heppnir að hljóta vinning eru vinsamlegast hvattir til að vitja gjafabréfsins til formanns félagsins, Björns Ólafssonar á Þúfu.

Stjórn Adams

16. maí 2012 11:07

Frá Kjósarstofu

Íbúafundur vegna hátíðanna Kátt í Kjós og Krásir í Kjós miðvikudagskvöldið  23. maí kl. 20 í Ásgarði.

Kjósarstofa boðar íbúa og aðra áhugasama til skrafs og ráðagerða um hátíðirnar Kátt í Kjós (sem verður 21. júlí) og Krásir í Kjós (sem verður 29. september) til fundar í Ásgarði miðvikudagskvöldið 23. maí kl. 20. Hátíðin Kátt í Kjós verður með fjölbreyttu sniði og óskum við eftir bæði hugmyndum og þátttöku sem flestra. Krásir í Kjós verða með svipuðu sniði og í fyrra og óskum við eftir samráði við þá sem hyggjast rækta grænmeti, kryddjurtir og fleira sem nýst gæti á matseðilinn, jafnframt því sem okkur langar að tryggja okkur bæði kjöt og fisk úr Kjósinni. Allir eru velkomnir og boðið verður upp á kaffi og meðlæti á fundinum.

Fjöruferð laugardaginn 26. maí kl. 15

Í tilefni af vorkomunni hyggst Kjósarstofa í samstarfi við umhverfisnefnd efna til fjöruferðar laugardaginn 26. maí. Guðrún Hallgrímsdóttir matvælaverkfræðingur verður með leiðsögn um fjörunytjar og rifjar upp þýðingu þangs, fjörudýra og fjörugróðurs í fæðunni og Björn Hjaltason á Kiðafelli verður með leiðsögn um fugla. Hist verður við skógræktarsvæðið við Fossá kl. 15. Að  lokinni fjöruferðinni verður boðið upp á kaffi og meðlæti í Ásgarðiog fagnað sumarafgreiðslutíma Kjósarstofu sem verður opin á laugardögum í júní og út ágúst kl. 14-18 auk þess sem opið verður á skrifstofutíma, kl. 10-16 á virkum dögum.

16. maí 2012 10:20

Frétt frá Adam

Starfsfólk á landsmótið o.fl.

Nú líður senn að landsmóti hestamanna í Reykjavík, en það verður haldið 25 júní til 1 júlí.  Mikið starfslið þarf til svo mótið gangi vel fyrir sig, og nú er um að gera fyrir hestamenn að vinna saman. LH sendi öllum hestamannafélögum á SV-horninu erindi, þar sem er óskað er eftir starfsfólki á vaktir. Eftirfarandi er kafli úr erindinu:

„Við gerum ráð fyrir að vaktirnar verði jafn margar og í fyrra. Við munum senda ykkur auglýsingu með nánari útskýringum til dreifingar seinni part þessarar viku . Norðlensku hestamannafélögin stóðu sig sérstaklega vel á síðasta móti hvað mönnun þessara vakta varðar og því er pressan í ár á félögin á höfuðborgarsvæðinu og nágrenni.

Eins og fyrr verða greiddar 1500kr per unna klukkustund og er það greitt til hestamannafélaganna í formi styrkjar. Landsmót leggur til og mælir með að öll upphæðin eða að lágmarki 1/3 hennar nýtist áfram í starfi hestamannafélaganna en renni ekki beint í vasa starfsmanna. Það má segja að ungmennafélagsandi sé aftur að aukast í okkar samfélagi, eins og sannaðist á síðasta móti, því ættu félagsmenn eftlaust að vilja taka þátt fjáröflun fyrir sitt félag.

Jafnframt viljum við, ótengt vöktunum sem voru ræddar hér að ofan, óska eftir aðstoð ykkar við að fá unglinga í félagsbúningum til þess að draga upp þjóðfána við setningarathöfn mótsins og jafnframt athuga með aðstoðarfólk í þjóðbúningum við verðlaunaafhendingar.“

Stjórn Adams hvetur þá félaga sem hafa tök á, að taka vaktir á landsmótinu og um leið efla okkar félag í Kjósinni. Þeir sem hafa áhuga á að vera með eru beðnir að senda póst á bjossi@icelandic-horses.is eða hafa samband í s. 8957745.

Þá viljum við minna á að Adam er á fésbókinni, en jafnframt sendir félagið út tilkynningar á kjos.is, hestafrettir.is og eidfaxa.is  .  Félagar geta líka sent tölvupóst á ofangreint netfang óski þeir eftir að fá tilkynningar sendar á netfang sitt.

Adamsfélagar; munið úrtökuna fyrir landsmótið 1-3 júní.

Stjórn Adams

14. maí 2012 02:16

Hreppsnefndarfundur 15. maí

Hreppsnefndarfundur verður þriðjudagkvöldið 15. maí kl 20.30 í Ásgarði.

Dagskrá fundarins má skoða undir: Stjórnsýslan-Hreppsnefnd-Fundir hreppsnefndar

8. maí 2012 03:42

Skattskrá 2011 og framlagningarskrá virðisaukaskatts 2010

Þessar skrár liggja frammi á skrifstofu hreppsins í Ásgarði frá 7. maí til 21. maí á skrifstofutíma. 

8. maí 2012 02:40

Ég lít í anda liðna tíð

Fimmtudaginn 17. maí (Uppstigningardag) verður haldin myndasýning í Fólkvangi á Kjalarnesi á vegum Ljósmyndasafns Íslands Þjóðminjasafninu, Sögufélagsins Steina og Kjósarstofu. Um er að ræða áratuga gamlar myndir af Kjalarnesi og Kjós, sem fólk er beðið um að bera kennsl á. Einnig eru þeir sem eiga gamlar skemmtilegar myndir af Kjalarnesi beðnir um að lána þær Sögufélaginu til skönnunar sem gerð verður samdægurs.Kjósarstofa óskar einnig eftir myndum úr Kjós frá fyrri hluta síðustu aldar og fram til 1960 vegna ritunar sögu Kjósarhrepps.

Kvenfélagið Esja verður með kaffisölu og kökubasar.

Húsið er opið frá kl. 14-16.

Aðgangur ókeypis.

8. maí 2012 11:20

Störf hjá Kjósarhrepp í sumar.

Vinna fyrir námsmenn

Vinnumálastofnun hefur úthlutað til Kjósarhrepps þremur störfum fyrir námsmenn 18 ára og eldri nú í sumar í tvo mánuði.   Það er skilyrði að viðkomandi námsmaður hafi verið í námi sl vetur og sé skráður í nám hjá viðurkenndri menntastofnun næsta haust. Vinnutími verður frá kl. 09-16,  mánudaga-föstudaga.

Meðal verkefna er að koma Hreiðari heimska á tölvutækt form, hnitasetja rotrær og fl.

Unglingavinnan

Unglingavinnan fyrir aldurshópinn 14-16 ára verður starfrækt í sumar með hefðbundnum hætti. Hún mun hefjast 18. júní og verða næstu fimm vikur á eftir eða til 19. júlí. Mánudaga-fimmtudaga frá kl 10-16.

Helstu verkefnin verða: sláttur, hirðing og hreinsun í kringum Ásgarð og Félagsgarð. Rusl tínt meðfram vegum og strandlengjum og fl.

Umsóknareyðublöð má sækja hér fyrir námsmenn og  fyrir unglingavinnuna.  Áhugasamir eru vinsamlegast beðnir um að skila inn umsókn á skrifstofu Kjósarhrepps fyrir 26. maí 2012

2. maí 2012 03:48

Týndur: Rauður hestur

Auglýst er eftir dökk rauðum hesti með litla stjörnu. Rautt fax og rautt tagl

13 vetra taminn, önnur einkenni eru að hann er með mjög reist höfuðlag.

Hesturinn strauk úr hagabeit frá Þorláksstöðum Kjós,

Vinsamlegast tilkynnist til Bjarna á Þorláksstöðum.

eða Guðmundar 8966099

2. maí 2012 01:17

Hryssan fundin

Kráka frá Flekkudal sem búið var að leita að í tvö daga og fara víða fannst loksins í morgun og þá á hlaupum á Vesturlandsveginum á móts við sjoppuna á Kjalarnesi. Hún greinilega orðin þreytt á ferðalaginu og hoppaði fegin upp á kerru við Arnarhamar og er nú í öruggri vörslu eiganda síns.

1. maí 2012 01:17

Hryssa hefur tapast

Dökkgrá þriggja vetra hryssa hefur tapast frá Flekkudal og sást síðast til hennar á harða hlaupum við Tíðaskarð að morgni 30. apríl.  Þeir sem verða varir við hana eru vinsamlegast beðnir að hafa samband við Guðnýju í gsm 8997052

1. maí 2012 01:14

Hreppsnefndarfundur 3. maí kl 13 í Ásgarði

 Dagskrá fundarins má sjá undir: Stjórnsýslan-Hreppsnefnd-Fundir hreppsnefndar

28. apríl 2012 03:32

Bæjarkeppni – Firmakeppni Adams

Keppnin verður haldin við Félagsgarð, þriðjudaginn 1 maí, kl. 14. Keppt verður í a.m.k. tveimur flokkum, kvennaflokki og karlaflokki.  Knapar geta sýnt þær gangtegundir sem þeir kjósa, leitað er eftir „glæsilegasta parinu“.  Góð verðlaun í boði. Hvetjum alla til að mæta og vera með. Mæting ekki seinna en kl. 13:30 til skráningar.
Bændur,búalið og fyrirtæki í Kjós, við hvetjum ykkur til að taka þátt og styrkja okkur, svo við getum komið upp góðri aðstöðu fyrir hestasportið hér í sveit. Þátttöku má tilkynna með því að senda tölvupóst: á bjossi@icelandic-horses.is eða í síma 895-7745. Þátttökugjald aðeins kr. 5000 – og allir þátttakendur fá happadrættismiða í Stjörnuhappadrættinu!
Stjórn Adams.
 

26. apríl 2012 03:06

Kynning á aðal-og deiliskipulagsbreytingu í Kjósarhreppi

Kynningu á aðal- og deiliskipulagsbreytingu í landi Eyrar má skoða á heimasíðunni undir flipa Byggingarfulltrúa.

25. apríl 2012 02:49

Aðalfundur Kjósarstofu

Um 15 manns komu á aðalfund Kjósarstofu í Ásgarði þriðjudagskvöldið 24. apríl. Stjórnin var endurkjörin utan þess að Sólveig Dagmar Þórisdóttir varamaður gaf ekki kost á sér til endurkjörs og var Sigurbjörg Ólafsdóttir á Meðalfelli kosin í hennar stað. Rebekka Kristjánsdóttir og Þórarinn Jónsson voru endurkjörin skoðunarmenn. Opnuð var ný vefsíða Kjósarstofu, kjosarstofa.is. Í kjölfar fundarins var haldinn fundur með oddvita og framkvæmdastjóra Kjósarhrepps þar sem ákveðið var að Halla Lúthersdóttir tæki að sér hlutastarf fyrir Kjósarstofu meðfram starfi sínu fyrir Kjósarhrepp.

Kjósarhreppur sótti um eitt stöðugildi  hjá Vinnumálastofnun í verkefninu "Vinnandi vegur" fyrir starfsmann af atvinnuleysisskrá og réð í framhaldi Höllu Lúthersdóttur frá Þrándarstöðum, nú búsett á Eyri. Vinnan hennar er tímabundin fyrir Kjósarhrepp og  er verkefni hennar að flokka og skrá skjalasafn hreppsins  og koma því á tölvutækt form. Verið er að skoða þann möguleika að Kjósarhreppur fái leyfi til að varðveita sitt skjalasafn í heimabyggð.

25. apríl 2012 01:24

Firmakeppni- Bæjarkeppni Adams.

Hestamannafélag Kjósverja, Adam, heldur firmakeppni hinn 1. maí næst komandi. Ákveðið hefur verið að gera keppnina að einskonar bæjarkeppni.   Félagið stefnir að því að nota keppni þessa  til fjáröflunar, líkt og öll önnur hestamannafélög gera. Á næstunni eiga Kjósverjar von á heimsókn frá félögum í Adam, sem munu reyna að fá sem flesta til að taka þátt í þessari bæjarkeppni félagsins.

Þátttökugjald er kr. 5000, en inn í því er happadrættismiði  í Stjörnuhappadrætti félagsins að verðmæti 2500 kr.  Adam safnar nú peningum til að klára keppnisvöll, en aðstöðuleysi hamlar mjög starfsemi félagsins. Dregið er úr potti um það fyrir hvaða bæ hver keppandi keppir.

Við vonum að sem flestir bæir taki þátt og styðji þannig við verkefni okkar.

Stjórn Adams.

p.s. hópreið sem fyrirhuguð var þann 28 n.k. hefur verið frestað vegna slæms veðurútlits. Hópreið verður auglýst síðar, en stefnt er á að fara í maí.

25. apríl 2012 12:31

Kjósarrétt

Verktakafyrirtækið Tork er á síðustu metrum með að skila af sér verki við endurbyggingu Kjósarréttar.  Velunnarar Kjósarréttar hafa lagt fram vélar og vinnu við verkþætti sem felast ekki í verkefnum verktakans, þ. m. t. ýmsa jarðvinnu.   Nú styttist óðum í að vígja megi hina endurgerðu Kjósarrétt og stefna velunnnarar réttarinnar að því að gera það með pompi og prakt innan tíðar.  Um helgina komu þeir Óðinn á Klörustöðum, Siggi á Hrosshól, Siggi í Flekkudal og Guðmundur í Miðdal saman með traktora og sturtuvagna og keyrðu möl að réttinni.  Heimilisfólkið að Klörustöðum og Hlíðarási, Sigga Klara, Ellli, Þorgeir o.fl. lögðu einnig fram lið. Nú er í raun bara eftir lokahöndin, mála og snyrta aðeins betur.

18. apríl 2012 01:34

Stjörnuhappadrætti Adams

Drætti hefur verið frestað til 12 maí, í Stjörnuhappadrætti Adams. Þá hefur tollur undir hinn geysiefnilega Sæmund frá Vesturkoti komið í stað tolls undir hinn brottflutta Sædyn frá Múla. Sæmundur er bróðir heimsmeistarans Spuna, en báðir eru þeir undan Stelpu frá Meðalfelli í Kjós.

Við hvetjum Kjósverja til að styrkja hestamannafélag okkar Kjósverja, en allur ágóði fer í að klára keppnisvöll. Miða eru til sölu á skrifstofu hreppsins. Vinningshlutfallið einstakt, og reyndar mun betri kostur að kaupa happadrættismið en toll undir hest!

Meðfylgjandi er mynd af Aroni, en tollur undir hann er í fyrsta vinning.

Stjórn Adams

16. apríl 2012 12:10

Vel sótt sýning á Liljum vallarins

Á skírdagskvöld var kvikmynd Þorsteins Jónssonar Liljur vallarsins sýnd í Félagsgarði. Myndin er tekin í Kjósinni þar sem sköpunarverkið blómstrar – menn, dýr og náttúra. Hún fjallar um stórar spurningar – um Guð, tilgang lífsins og hvernig menn eiga að haga lífi sínu. Persónur í myndinni eru m.a. bændur í Kjósinni. Um 40 manns komu á kvikmyndasýninguna  og svöruðu Þorsteinn Jónsson og sr. Gunnar Kristjánsson svöruðu fyrirspurnum á eftir.

11. apríl 2012 03:53

Aðalfundur Kjósarstofu í Ásgarði þriðjudagskvöld 24. apríl kl 20

Boðað er til aðalfundar Kjósarstofu í Ásgarði þriðjudagskvöldið 24. apríl kl 20.

Dagskrá:

1.     Skýrsla stjórnar

2.     Ársreikningur

3.     Starfs- og fjárhagsáætlun 2012

4.     Kosning stjórnar

5.     Árgjald

6.     Breytingar á lögum félagsins

7.     Inntaka nýrra félaga

8.     Önnur mál

Boðið verður upp á kaffiveitingar.

Allir velkomnir!

10. apríl 2012 10:37

Kynningarfundur á varmadælum og hitaveitumöguleikum

Íbúar hafa verið að koma með fyrirspurnir um hvort hreppsnefnd eða orkunefnd hafi gert eða látið gera hagkvæmniathuganir á uppsetningu/lagningu á varmadælum og  hitaveitu. Hver  væri munur í kostnaði og rekstri. 

Nú hefur verið ákveðið að boða til kynningarfundar í Félagsgarði þriðjudaginn 17. apríl kl 20.

Jón Sæmundsson frá Verkís mun vera með kynningu á varmadælum,  Sigþór Jóhannesson frá Verkís kynnir hitaveitumöguleika í sveitarfélaginu og síðan kynnir Gunnlaugur frá Verklagningu lagnamöguleika.

Síðan munu þeir svara fyrirspurnum fundarmanna.

3. apríl 2012 03:52

Frétt tekin af síðu MAST

Matvælastofnun barst þann 19. maí 2011 erindi frá ábúanda á Kúludalsá í Hvalfirði með ósk um rannsókn á veikindum hrossa á bænum með tilliti til mengandi efna frá útblæstri iðjuveranna á Grundartanga.

Matvælastofnun hefur nú í samvinnu við Tilraunastöðina á Keldum lokið þeirri rannsókn: 
 
1. Skoðun á hrossunum á Kúludalsá 22. ágúst 2011
2. Rannsóknir á líffærum þriggja hrossa frá Kúludalsá sem slátrað var á Hvammstanga 24. júní 2011:
    • Stórsæ skoðun á líffærum, þ.m.t. tönnum
    • Vefjaskoðun á líffærum
    • Röntgenskoðun á hófum og leggjum
    • Mælingar á flúor í beinvef (Nýsköpunarmiðstöð Íslands)
    • Mælingar á þungmálmunum blýi, kadmín og kvikasilfri í lifur (Matís)

Hross sem hafa verið feit frá unga aldri og einkum þau sem safna fitu staðbundið í makka eru líklegust til að fá þessa röskun sem aftur eykur verulega hættuna á hófsperru. Hófsperra er sársaukafullur sjúkdómur sem með tímanum kemur niður á holdafari hrossanna. Fitan í makkanum situr þó eftir sem vitnisburður um offóðrun á fyrri stigum.

Erfitt er að lækna sjúkdóminn en eftir að hann hefur þróast verða hross sérlega viðkvæm fyrir auðleystum sykrum í fóðrinu. Það getur því þurft að taka þau af beit, a.m.k. tímabundið og beit ætti að einskorðast við útjörð. Mikilvægustu forvarnirnar felast í að hindra að hross verði akfeit (holdastig 4 eða meira) og að tryggja þeim næga hreyfingu.

Nánari upplýsingar um sjúkdóminn er að finna hér að neðan.

Ítarefni

   Upplýsingasíða um hófsperru

3. apríl 2012 11:41

Losun plastgáma 12. apríl

Plastgámar verða losaðir fimmtudaginn 12. apríl og eru notendur vinsamlegast beðnir að hafa gott aðgengi að þeim þá. Að gefnu tilefni er vert að taka það fram að upplýsingar  hafa borist frá Gámaþjónustunni að margt annað en plast virðist rata í gámana  og eru notendur gámanna beðnir um að laga þann þátt framvegis.

3. apríl 2012 11:37

Liljur vallarins kvikmynd tekin í Kjósinni sýnd í Félagsgarði á skírdag kl 21.

Á skírdag kl 21 verður kvikmynd Þorsteins Jónssonar Liljur vallarsins sýnd í Félagsgarði. Myndin er tekin í Kjósinni þar sem sköpunarverkið blómstrar – menn, dýr og náttúra. Hún fjallar um stórar spurningar – um Guð, tilgang lífsins og hvernig menn eiga að haga lífi sínu.

Persónur í myndinni eru bændur í Kjósinni; Guðbrandur og Annabella í Hækingsdal, Snorri í Sogni, Hreiðar og Ásta á Grímsstöðum, Kristján og Dóra á Neðra Hálsi, Bjarni á Þorláksstöðum, Guðný í Flekkudal,  og presturinn, séra Gunnar Kristjánsson. Einnig koma við sögu Árni Bergmann rithöfundur og félagar Gunnars í leshring, Sr. Kristinn Friðfinnsson, Sr. Gunnþór Ingason, Pétur Gunnarsson rithöfundur, Erlendur Sveinsson kvikmyndagerðarmaður og Ögmundur Jónasson alþingismaður.

Myndin er 53 mínútur og mun Þorsteinn Jónsson svara fyrirspurnum á eftir sýningunni.

29. mars 2012 07:47

Páskadagskrá í Hvalfirði um páskana

Miðvikudagur 4. apríl

Bjarteyjarsandur

Baðstofublús á Bjarteyjarsandi. Notaleg og blúsuð kvöldstund í Hlöðunni á Bjarteyjarsandi. Söngfuglar Hvalfjarðarsveitar og nágrennis stíga á stokk. Húsið opna­r kl. 20 og dagskrá hefst kl. 20:30. Gestum er annar­s frjálst að koma og fara að vild. Enginn aðgangs­eyrir.

Fimmtudagur 5. apríl skírdagur

Félagsgarður Kjós

Liljur vallarins, kvikmynd Þorsteins Jónssonar sem tekin var í Kjósinni, verður sýnd í Félagsgarði á skírdagskvöld kl. 21. Myndin fjallar um stórar spurningar – um Guð, tilgang lífsins og hvernig menn eiga að haga lífi sínu.  Leikstjórinn svarar fyrirspurnum á eftir sýningunni.

Föstudagurinn langi 6. apríl

Hallgrímskirkja í Saurbæ

Pílagrímaganga á föstudaginn langa: Lagt verður af stað frá Leirárkirkju kl. 10.00 og gengið að Hallgrímskirkju í Saurbæ þar sem Sigurður Skúlason les Passíusálmana. Hefst lesturinn kl. 13:30 og stendur til kl. 18:30.

Laugardagur 7. apríl

Gallerý Nana Ásbyrgi v/Meðalfellsvatn

Kynningaropnun á laugardaginn fyrir páska. Opið kl. 13-17.

Reynivallakirkja

Á laugardag kl. 16 verða haldnir tónleikar í kirkjunni  á Reynivöllum í Kjós, til styrktar Hjálparstarfi kirkjunnar innanlands. Flytjendur: Guðný Guðmundsdóttir fiðluleikari, Gunnar Kvaran selló­leikari og Haukur Guðlaugsson organleikari. Flutt verða verk eftir Bach, Gounod, Saint-Saëns og Mendelssohn. 

Þessir tónleikar verða helgaðir minningu Hafsteins Guðmundssonar bókaútgefanda, sem fæddist 7. apríl 1912.

Aðgöngumiðar verða seldir við innganginn og kosta kr. 2000. Enginn aðgangseyrir fyrir börn undir 16 ára aldri.

Bjarteyjarsandur

Fjölskyldudagur á Bjarteyjarsandi. Kræklingafjara kl. 12. Heimsókn í fjárhús þar sem eru m.a. páskaungar og kanínur. Kaffikræsingar í Hlöðunni. Gallerí Álfhóll. Opið kl. 12.00-16.00. Nánar á www.bjarteyjarsandur.is

Páskadagur og annar í páskum

Reynivallakirkja

Á páskadag kl. 14: Hátíðarguðsþjónusta.Annar í páskum kl 14: Ferming. Fermd verða Aron Fannar Sindrason og Eydís Ósk Haraldsdóttir.

Þjónusta í Hvalfirði um páskana

Hlaðir

Opið í sundlauginni að Hlöðum alla páskana (páskadagur undanskilinn)     kl. 13-19. Nánar á: www.hladir.is

Þórisstaðir

Á Þórisstöðum verður stangveiði í þremur stöðuvötnum.

Veiði leyfð kl. 07:00-23:30. Nánar á www.thorisstadir.is

Hótel Glymur

Opið alla páskana í Kaffi Glym. Nánar á www.hotelglymur.is

Laxárbakki

Opið alla páskana. Nánar á www.laxarbakki.is

Kaffi Kjós

Opið alla páskana kl. 12-20. Nánar á www.kaffikjos.is

Matarbúrið

Opið laugardag kl. 14-18. Nánar á www.hals.is

Eyrarkot

Gisting í gamla bænum. Nánar á www.eyrarkot.is

Velkomin í Hvalfjörð um páskana!

Skoða má skjalið á PDFformi  HÉR

29. mars 2012 12:03

Vel sótt erindi um hernámsárin á bókasafnskvöldi í Ásgarði

Rúmlega 50 manns komu og hlýddu á Magnús Þór Hafsteinsson kynna bók sína „Dauðinn í Dumbshafi  - Íshafsskipalestirnar frá Hvalfirði og sjóhernaður í Norður-Íshafi“ á bókasafnskvöldi miðvikudaginn 28. mars í Ásgarði. Bókin fjallar m.a. um mikilvægi Hvalfjarðar í síðari heimsstyrjöldinni. Með erindi sínu sýndi Magnús einstakar breskar og þýskar kvikmyndir sem hafa ekki verið sýndar hér á landi fyrr af sjóhernaðinum í Norðurhöfum, úr Hvalfirði og af skipalest sem fór héðan haustið 1942 og bardögum um hana.

Farmskip Bandamanna söfnuðust yfirleitt saman í herskipalægi þeirra í Hvalfirði, og þaðan lá leiðin með herskipavernd norður og austur með Íslandi og norðaustur í haf til Norðvestur Rússlands. Hvalfjörður varð ein mikilvægasta flotastöð Bandamanna þar sem mikil umsvif voru í Kjósinni m. a. með bækistöðum í Hvammsvík og Hvítanesi.

Bókin „Dauðinn í Dumbshafi“ kom út fyrir síðustu jól og hefur hlotið góðar viðtökur lesenda og einróma lof gagnrýnenda. Bókin er væntanleg í kilju og geta áhugasamir haft samband við Kjósarstofu ef þeir vilja næla sér í eintak.

26. mars 2012 02:54

Hernámsárin á bókasafnskvöldi miðvikudaginn 28. mars kl 20 í Ásgarði

Magnús Þór Hafsteinsson kemur og kynnir bók sína „Dauðinn í Dumbshafi  - Íshafsskipalestirnar frá Hvalfirði og sjóhernaður í Norður-Íshafi“ á bókasafnskvöldi miðvikudaginn 28. mars kl 20 í Ásgarði. Bókin fjallar m.a. um mikilvægi Hvalfjarðar í síðari heimsstyrjöldinni.  Með erindi sínu mun Magnús sýna einstakar breskar og þýskar kvikmyndir af sjóhernaðinum í Norðurhöfum, úr Hvalfirði og af skipalest sem fór héðan haustið 1942 og bardögum um hana. Þessar myndir hafa ekki verið sýndar hér á landi fyrr.

Farmskip Bandamanna söfnuðust yfirleitt saman í herskipalægi þeirra í Hvalfirði, og þaðan lá leiðin með herskipavernd norður og austur með Íslandi og norðaustur í haf til Norðvestur Rússlands. Hvalfjörður varð ein mikilvægasta flotastöð Bandamanna þar sem mikil umsvif voru í Kjósinni m. a. með bækistöðum í Hvammsvík og Hvítanesi.

Bókin „Dauðinn í Dumbshafi“ kom út fyrir síðustu jól og hefur hlotið góðar viðtökur lesenda og einróma lof gagnrýnenda. Missið ekki af fróðlegu erindi og umræðum og mjög áhugaverðum kvikmyndum af heimssögulegum atburðum þar sem Hvalfjörður og Kjósin gegndu lykilhlutverki.

Boðið verður upp á kaffi og meðlæti. Kjósarstofa verður opin þar sem verður hægt að versla bækur og handverk og skoða ljósmyndasýningu.

22. mars 2012 01:31

Týnd tík

Lítil gul/ljós brún íslensk tík hvarf frá eiganda sínum við Möðruvallarétt í gær.

Hún heitir Embla og er frekar stygg. Þeir sem hafa orðið varir við litla íslenska tík á flækingi eru vinsamlegast beðnir að hafa samband við Andrés í s. 8948000 eða Þórarinn í s. 8977017

Hún er fundin heil á húfi

21. mars 2012 02:37

Íbúafundurinn í Kjósinni 1. mars sl.

Helstu kynningar og umræður á fundinum má skoða hér

19. mars 2012 11:35

Vel sóttur handverksdagur

Margir lögðu leið sína í Ásgarð á sunnudag til að forvitnast um hvernig á að tálga í tré, sauma leður, vinna með ull og silki, fræðast um bútasaum eða sjá hvernig er unnið í horn og bein. Kjósarstofa var með búðina opna ásamt ljósmyndasýningu. Þetta var vel heppnaður dagur að öllu leyti. Atvinnu og ferðamálanefnd vill þakka öllum sem lögðu leið sína í Ásgarð ásamt þeim sem komu og voru með handverk og deildu tíma og fróðleik til okkar hinna. Kjósarhreppi ásamt Kvenfélagi Kjósarhrepps sem á borð báru veislukrásir í boði hreppsins er einnig þakkað. Þessi ánægjulegi dagur var í senn fræðandi og skemmtilegur og verður án efa upphaf að einhverju nýju og spennandi í samvinnu og handverki. 

16. mars 2012 12:40

Hugmyndabanki-sendið okkur þína hugmynd.

Búið er að setja upp hugmyndabanka á síðuna og þar geta íbúar hreppsins tjáð sig um hvað mætti betur fara í sveitarfélaginu. Hvernig er fjármunum sveitarfélagsins best varið.

Ef þið hafið frábæra hugmynd endilega klikkið á flipann Hugmyndabanki, skrifið niður og sendið. Ekki kemur fram hver sendandi er en alltaf er skemmtilegra að viðkomandi skrifi undir. Allt sem skrifað er í hugmyndabankann sendist síðan á netfang skrifstofunnar til úrvinnslu.

Hugmyndirnar verða síðan settar á síðuna til upplýsinga.

14. mars 2012 03:02

Aðalfundur Búnaðarfélags Kjósarhrepps

Aðalfundur Búnaðarfélags Kjósarhrepps ársins 2012 verður haldinn fimmtudaginn 22. mars kl. 20.30 í Ásgarði.

Dagskrá:

Venjuleg aðalfundarstörf og verðlaunaafhending fyrir afurðahæstu kúna og hæst dæmda kynbótahrossið í eigu félaga í Búnaðarfélaginu.

Svona í lokin til fróðleiks þá var stjórnin nýlega að skipta með sér verkum og er Sigurþór Gíslason á Meðalfelli formaður.

14. mars 2012 03:00

Aðalfundur 2012

Aðalfundur Valshamars

Verður haldinn mánudaginn 26.mars Kl.20.00

Í sal skátfélags Hraunbúa, Hjallabraut 51, Hafnarfirði

Nánari uppl. og dagskrá á síðunni

Stjórnin

13. mars 2012 02:18

Handverksdagur í Ásgarði sunnudaginn 18. mars kl. 13 - 16

Hefur þú áhuga á að tálga í tré, sauma leður, prjóna eða fræðast um bútasaum eða sjá hvernig unnið er í horn og bein, þá er tækifærið í Ásgarði sunnudaginn 18. mars þar sem sveitungar koma saman og gefa okkur tækifæri til að sjá og upplifa. Kaffi og meðlæti verða í boði Kjósarhrepps.
Kjósarstofa hefur handverkssöluna opna á efri hæð.

Allir hjartanlega velkomnir.
Atvinnu og ferðamálanefnd. 

12. mars 2012 03:39

Álagning opinberra gjalda í Kjósarhrepp árið 2012

Núna á næstu dögum fá fasteignaeigendur í Kjósarhreppi sendann uppáhalds glaðninginn sinn, það er að segja álagningaseðilinn fyrir fasteignagjöldum ársins 2012  ásamt  fyrsta greiðsluseðlinum. Gjalddagar fasteignagjalda eru þrír eins og undanfarin ár þ.a.e.s. 20. mars, 20. júní og 20 september  ef álagningin er hærri en kr. 20.000.-

Álagningaprósenta  fasteignagjalda verður óbreytt frá fyrra ári.  Fasteignaskattur A,  0,50%  fasteignaskattur B, 1,32%  og fasteignaskattur C,  0,50% af  fasteignamati eignar.

Felldur er niður fasteingaskattur af íbúðarhúsnæði ellilífeyrisþega þetta árið eins og undanfarin ár og er veruleg hækkun á niðurfellingu þetta árið eða um 1 miljón króna.

Sorphirðugjald  vegna íbúðarhúsnæðis óbreytt frá fyrra ári og er kr.15.850,  kr. 17.270.- og kr. 24.200.- fer eftir stærð íláta. Vegna reksturs kr. 13,420.- og vegna sumarhúsa kr. 5000.- Ákveðið hefur verið að bæta við bláu tunnunni við hvert heimili í sumar, en í bláu tunnuna á eingöngu að fara pappír. Nánar kynnt síðar.

Rotþróargjald óbreytt  kr. 6000.-

Útsvarshlutfallið verður óbreytt eða 12,53% en til viðbótar er lagt á 1,20% vegna tilfærslu fatlaðra frá ríki til sveitarfélaga og er útsvarsprósentan  samtals 13,73%

Aðvörun um óinnheimt fasteignagjöld - enn og aftur.

Á undanförnu ári hafa þeir sem skulda fasteignagjöld fengið ítrekaðar aðvaranir um að ef ekki verði gert upp eða um samið muni gjöldin verða send lögmanni til innheimtu. Flestir hafa brugðist við en örfáir alls ekki.

Núna verður staðið við þær hótanir, en áður, er enn ein aðvörunin sett í loftið.

8. mars 2012 08:15

Landsmót UMFÍ 50+ í Mosfellsbæ í sumar

Heilir og sælir kæru Kjósverjar – hestamenn og aðrir íþróttamenn 50 ára og eldri

Helgina 8. – 10. júní verður haldið 2. Landsmót UMFÍ 50 + í Mosfellsbæ.

Á mótinu verður keppt í hestaíþróttum: fjórgangi, fimmgangi og tölti. Við hvetjum ykkur til að taka þátt í þessu skemmtilega móti  og senda þessar upplýsingar á sem flesta.

Mótið er íþrótta - og heilsuhátíð með fjölbreyttri dagskrá. Ásamt keppni í hinum ýmsu íþróttagreinum verða frítt á fyrirlestrar, kynningar á íþróttagreinum, hóptímar í m.a. sundleikfimi, Zumba og línudansi. Einnig verður boðið upp á heilsufarsmælingar og fræðslu um hollustu og heilbrigðan lífsstíl ásamt fjöldi annarra viðburða.

Framkvæmd mótsins verður í höndum Ungmennasambands Kjalarnesþings og Ungmennafélags Íslands í samstarfi við Mosfellsbæ og Heilsuvin.

Keppnisgreinar á mótinu eru: Almenningshlaup, badminton, blak, boccia, bridds, frjálsar hestaíþróttir, hringdansar, knattspyrna, kraftlyftingar, línudans, pútt, ringó, skák, starfsíþróttir, strandblak, sund, sýningar og þríþraut. Allir á aldrinum 50 ára og eldri geta tekið þátt í keppnisgreinum mótsins hvort sem þeir eru í félagi eða ekki. Þátttakendur greiða eitt mótsgjald og öðlast þar með þátttökurétt í öllum keppnisgreinum. Mótsgjald er 3500 krónur óháð greinafjölda. Frítt verður á tjaldstæði mótshelgina í Mosfellsbæfellsbæ. Skráning fer fram á heimasíðu mótsins www.landsmotumfi50.is.

Aðstaða til keppni í hestaíþróttum er öll til fyrirmyndar í Mosfellsbæ ásamt annarri íþróttaaðstöðu.

Sjáumst á Landsmóti UMFÍ 50 + í Mosfellsbæ helgina 8. – 10. júní 2012 kát og hress .

h.f. Adam

Björn Ólafsson

6. mars 2012 12:54

Flóðatafla aðgengileg á kjos.is

Settur hefur verið tengill inn á kjos.is undir “áhugaverðir tenglar” til að sjá stöðu sjávarfalla í Hvalfirði. Með því að smella á “Flóðatafla” opnast heimasíða þar sem hægt er að kalla fram flóðatöflu til næstu 7 daga. Þegar komið er inn á síðuna er smellt á takka sem á stendur “PREDICT” til hægri  á skjánum.

SH

2. mars 2012 12:28

Handverksdagur í Ásgarði 18. mars

Atvinnu og ferðamálanefnd auglýsir eftir handverksfólki til að taka þátt í handversdegi í Ásgarði sunnudaginn 18. mars kl. 13 - 16. Hugmyndin er að þar gefist handverksfólki kostur á að kynna verk sín og aðferðir og svara fyrirspurnum um framleiðslu sína. Jafnframt er fólki boðið uppá að auglýsa námskeið í framhaldi af handverksdeginum ef áhugi er fyrir hendi.

Áhugasamir vinsamlegast hafið samband á netfangið begga@emax.is eða í síma 6923025 fyrir 12. mars.

Dagurinn verður auglýstur nánar þegar nær dregur.

29. febrúar 2012 10:38

Vel mætt á bókasafnskvöld í Ásgarði

Konur mættu vel á bókasafnskvöld í gær en þar var boðið upp á kennslu í rússnesku hekli. Gróa Karlsdóttir frá Eyrarkoti var svo vinsamleg að koma til að kenna konum þetta skemmtilega hekl. Sextán mættu með heklunál og band og sést það á myndunum hvað áhuginn var mikill,

28. febrúar 2012 11:31

Skrifstofur Kjósarhrepps lokaðar eftir hádegi á miðvikudag

Skrifstofur Kjósarhrepps verða lokaðar á morgun, miðvikudag 29. febrúar frá kl 12  vegna minningarathafnar um Hauk Þorvaldsson, en Haukur var búsettur í Kjósarhreppi til fjölda ára 

28. febrúar 2012 11:29

Opinn íbúafundur

Opinn íbúafundur í Kjósarhreppi verður haldinn í Félagsgarði,  fimmtudagskvöldið 1. mars og hefst kl. 20:00.

Þau málefni sem kynnt verða þar eru meðal annars:

• Helstu niðurstöðutölur rekstrar sveitarfélagsins fyrir árið 2011
• Staða hitaveitumála í hreppnum
• Helstu hugmyndir áhugahóps um öryggimál í hreppnum
• Símafélagið verður með kynningu á GSM þjónustu sinni
• Hugmyndir um viðbyggingu við Félagsgarð
• Verkefni Kjósarstofu á nýju ári
• Önnur mál

Stefnt er að hver kynning verði um það bil 10-15 mínútur og síðan geta fundargestir tjáð sig og komið með fyrirspurnir til hreppsnefndarmanna og annara fyrirlesara/kynna.

Kaffiveitingar.

22. febrúar 2012 04:03

Bókasafnið í Ásgarði- ath breyttan opnunartíma

Bókasafnið verður næst opið þriðjudagskvöldið 28. febrúar frá kl 20-22.  Á bókasafnskvöldið mun Gróa Karlsdóttir koma og halda sýnikennslu í rússnesku hekli og mun hún hefjast um kl 20.                                                  

Allir eru hvattir til að mæta og hafa með sér garn og heklunál. Alltaf heitt á könnunni.

Bókverja Kjósarhrepps

22. febrúar 2012 03:28

Aðalfundur Kvenfélags Kjósarhrepps 2012

Aðalfundur Kvenfélags Kjósarhrepps var haldinn að Neðra-Hálsi 7. febrúar sl. Vel var mætt á fundinn af hálfu kvenfélagskvenna enda góðar móttökur hjá Dóru Ruf.

Konur voru ánægðar með vel unnin störf á síðast ári. Tillaga kom fram að kvenfélagið keypt hjartastuðtæki til að hafa til taks í sveitarfélaginu. Ákveðið var að skoða málið enn frekar með það í huga að jafnvel fleiri tæki yrðu keypt t.d. af sveitarfélaginu, einnig þyrfti að finna tækjunum stað en sveitarfélagið er víðfemt.

Nýr formaður var kosinn og var það Jóhanna Hreinsdóttir Káraneskoti en með henni í stjórn eru þær Anna Björg Sveinsdóttir Valdastöðum og Katrín Cýrusdóttir Kiðafelli 3

6. febrúar 2012 11:00

Nýrri háspennulínu Landnets hf hafnað

Landsnet hf. hefur sent Hreppsnefnd Kjósarhrepps erindi þar sem óskað er eftir breytingu á aðalskipulagi til að hægt verði að byggja 400 kv raforkulínu í gegnum hreppinn. Fyrirhuguð lína á að liggja frá Geithálsi að Grundartanga og lega hennar á að vera samsíða núverandi 220 kv. Ný fyrirhuguð lína er háð umhverfismati, er fyrirferðameiri og hefur meira helgunarsvæði en núverandi lína. Hún mun stóraukna flutningsgetu til að mæta aukinni eftirspurn eftir raforku til iðnaðaruppbyggingu á Grundartanga.

Hreppsnefnd Kjósarhrepps fjallaði um erindið á fundi þann 2. febrúar og gerði eftirfarandi samþykkt:

“Hreppsnefnd Kjósarhrepps hafnar alfarið hugmyndum Landnets hf. um stækkun og aukinnar flutningsgetu háspennulínu sem fer í um sveitarfélagið að Grundartanga í Hvalfirði. Hreppsnefnd er alfarið á móti aukni mengandi iðnaðaruppbyggingu í firðinum og telur að starfsemin á Grundartanga hafi þegar valdið íbúum og fasteignaeigendum í Kjósarhreppi ómældu tjóni og telur það algjört forgangsverkefni  að draga úr umhverfisáhrifum þegar starfandi iðnfyrirtækja á Grundartanga”.

Er þessi afgreiðsla í samræmi við inntak Aðalskipulags Kjósarhrepps en fram kemur í formála þess að ekki er gert ráð fyrir þéttbýli, stóriðju né uppbyggingu

háspennumastra. Þá er ræktun með tilstuðlan líftækni óheimil, jafnframt er stórfellt

fiskeldi og skipulagslaus uppdæling malarefna úr Hvalfirði hvoru tveggja forboðið.

31. janúar 2012 03:52

Bókasafnið opið á morgun, miðvikudag.

 Bókasafnið verður opið á morgun, miðvikudaginn 1. febrúar frá kl 20-22. Þeir sem eru með  bækur að láni frá safninu og búnir að lesa þær eru vinsamlegast beðnir um að skila þeim

30. janúar 2012 03:51

Kjósverjar endurvinna 33% úrgangs

Á árinu 2011 söfnuðust um 311 tonn af úrgangi í Kjósarhreppi í gegnum sorphirðu og endurvinnsluplanið við Meðalfell. Það gera um 1481 kg á íbúa að meðaltali sem er sambærilegt við landsmeðaltal. Um 33% þessa úrgangs fór til endurvinnslu eins og heyrúlluplast, hreint timbur, bylgjupappi og annar pappírsúrgangur, plastumbúðir o.fl. Á grafinu má sjá skiptingu þessa úrgangs og er úrgangur sem fór til endurvinnslu grænn að lit.

Um 67% úrgangsins var fargað með urðun með tilheyrandi kostnaði þar sem dýrara er fyrir sveitarfélagið að losna við blandaðan úrgang, grófan úrgang og blandað timbur auk þeirra umhverfisáhrifa sem því fylgja. Á grafinu er úrgangur sem er fargað rauður að lit. Slíkur úrgangur er urðaður og þar með glatast bæði næringarefni og hráefni úr hringrás náttúrunnar auk þess sem töluvert landssvæði þarf undir úrganginn, en hann er urðaður í Álfsnesi á urðunarstað SORPU. Þessu er öfugt farið hjá íbúum höfuðborgarsvæðisins en þar fóru aðeins um 38% úrgangsins til urðunar eins og fram kemur í frétt á heimasíðu SORPU.

Í Kjósarhreppi er þjónusta vegna sorphirðu sambærileg við það sem gerist á höfuðborgarsvæðinu en helsti munurinn liggur í lífrænni vinnslu. Metangas er framleitt úr lífrænum úrgangi sem jafngildir 25% endurvinnslutölunnar á höfuðborgarsvæðinu. Í Kjósarhreppi fellur til umtalsvert magn húsdýraúrgangs sem mætti nýta til metanframleiðslu ef hagstæð leið fyndist til þess. Metanvinnsla myndi einnig auka gæði áburðar úr húsdýraúrgangi samkvæmt rannsóknum sem hafa verið gerðar. Metanið er síðan hægt að nýta sem orkugjafa auk þess sem metan er ein af þeim lofttegundum sem valda auknum gróðurhúsaáhrifum í heiminum. Með því að brenna metani og umbreyta því þannig í koltvísýring er dregið úr áhrifum þess tuttuguogeittfalt auk þess sem það gæti sparað kostnað vegna rafmagnskaupa.

Það vekur athygli að pappírsúrgangur sem safnast til endurvinnslu í Kjósarhreppi er einungis 2% alls úrgangs en gera má ráð fyrir að pappírsúrgangur sé um 20% af heildarmagninu. Hér er tvímælalaust tækifæri til að leggja enn frekar af mörkum og Kjósverjar geta gert enn betur. Íbúar eru því hvattir til þess að flokka og skila bylgjupappa, drykkjarfernum, dagblöðum og tímaritum í þar til gerðan gám á endurvinnsluplani auk annars endurvinnanlegs úrgangs. Upplýsingar um hvernig skal flokka úrgang er að finna undir tenglinum flokkun úrgangs.

Með bestu kveðjum,

Umhverfisnefnd Kjósarhrepps

26. janúar 2012 03:57

Hundur fannst við Fossá

Hundur fannst við Fossá í Kjós  23. janúar, einn á ferð. Ef einhver kannast við að eiga hann eða veit um réttan eiganda vinsamlegast hafið samband við Guðmund í s:8672175 

Réttur eigandi er fundinn, en hundurinn hvarf frá Vogum á Vatnsleysuströnd deginum áður og er talið með ólíkindum hvað hann hefur náð að hlaupa á einum sólarhring.

26. janúar 2012 12:55

Kynning á lýsing á tillögu að skipulagsbreytingu á Aðalskipulagi Kjósarhrepps 2005-2017

Um er að ræða breytingu á hluta svæðis fyrir frístundabyggð í landi Eyrar í íbúðarsvæði.  Lýsing á tillögu að skipulagsbreytingu er sbr. 30 gr. skipulagslaga nr. 123/2010.  Breytingartillagan verður kynnt íbúum sveitarfélagsins og öðrum hagsmunaaðilum þann 26.  janúar og 2. feb. nk. með opnu húsi á skrifstofu Kjósarhrepps á milli kl. 13-18 að Ásgarði.  Lýsingin er jafnframt aðgengileg á heimasíðu sveitarfélagsins www.kjos.is.  Ábendingum við efni lýsingarinnar skal skila fyrir 16. feb. nk. á skrifstofu sveitarfélagsins eða á skipulag@kjos.is.

Hægt er að skoða breytingartillöguna undir Bygginarfulltrúi til vinstri á síðunni

Jón Eiríkur Guðmundsson

Skipulags- og byggingarfulltrúi

25. janúar 2012 02:49

Snjóþyngsli og umhleypingar í Kjós

Við íbúar í Kjós höfum verið heppin með veður undanfarna vetur, lítil snjóþyngsli,  en nú bregður öðru við, greinileg kominn tími að Kjósverjar fái að kynnast  alvöru "vetri konungi" þetta árið. 

Hér í sveit byrjaði að snjóa um 24. nóvember og hafa verið nánast stanslausir umhleypingar síðan, mest  þó bætt við snjóinn.  

Kjósarhreppur hefur staðið myndarlega að mokstri vega í sveitarfélaginu, en margir íbúar stunda vinnu frá heimili sínu, börn þurfa að komast í skóla, mjólkurbíllinn að komast til að ná í mjólkina, svo ekki sé minnst á póstinn.

25. janúar 2012 02:20

Þorrablót kvenfélagsins afstaðið

Þorrablót kvenfélags Kjósarhrepps var haldið í Félagsgarði sl laugardag og var húsfylli að venju. Skemmtiatriði voru heimagerð eins og alltaf áður og naut skemmtinefndin að þessu sinni stuðnings Gísla Einarssonar við gerð myndar sem sýnd var á blótinu og nefndist   "Fjandinn" frétta og þjóðlífsþáttur úr Kjós.   Hljómsveitin Loftskeytamenn sáu um tónlistina og Jóhann Sveinsson um matinn. Hér til hliðar má sjá skemmtinefndina ásamt Bjössa úr Greifunum, en stofnaður var að þessu tilefni sönghópurinn "Vinkonur Bjössa"

17. janúar 2012 02:25

Plastgámar losaðir á laugardaginn

 Rúlluplastgámarnir verða losaðir á laugardaginn, 21. janúar.

Mikilvægt er að hafa aðgengi að þeim gott, en ef  hindranir eru snjór eða svell, þarf að færa þá til annars er hætta á að þeir verða ekki losaðir.

17. janúar 2012 01:39

Firðskeyti

Firðskeyti er orð sem kemur sjaldan við sögu hjá lögreglu en þó gerðist það í síðustu viku. Þannig var að tveir gámar féllu af flutningaskipi og rak þá á fjöru í Kjósarhreppi. Eigandi jarðarinnar lét lögreglu vita í samæri við lög um skipströnd og vogrek frá árinu 1926. Lögreglustjóri gerði svo ráðherra grein fyrir málinu, og hið sama stóð til að gera gagnvart eigendum gámanna, í samræmi við sömu lög eða eins og segir í I. kafla um skipströnd, 1. gr.;

Hver, sem þess verður var, að hafskip sé í hættu statt við land eða strandað, eða að góss úr því reki á land, er skyldur að gera allt, sem í hans valdi stendur, til þess að bjarga mönnum og góssi, enda skal hann tafarlaust skýra hreppstjóra, eða lögreglustjóra, ef auðveldara er að ná til hans, frá atburðum með firðskeyti eða símtali, ef þess er kostur, en ella með skyndiboða. Hreppstjóri skal með sama hætti skýra lögreglustjóra frá skipreika. Lögreglustjóri skýrir síðan dómsmálaráðherra, svo og eigendum og vátryggjendum skips og farms eða umboðsmönnum þeirra, ef vitað er, hverjir eru, frá því, hvernig komið er, með firðskeyti, ef þess er kostur, en ella með næstu póstferð. Dómsmálaráðuneytið skal svo, jafnskjótt sem unnt er, tilkynna skipreikann fyrirsvarsmanni þess ríkis, sem skip er frá.

Reyndar kaus lögreglustjóri að koma tilkynningunni á framfæri með tölvupósti en slíkt þykir hefðbundið á 21. öldinni. Orðið firðskeyti hefur annars þá merkingu, eftir því sem skrifari veit best, að það stendur fyrir nokkurskonar skeyti sem sent er með hjálp síma eða telex og er skrifað út hjá móttakanda.

Að síðustu má geta þess að finnandi gámanna í Kjósarhreppi var nýbúinn að ræða það við sveitunga sinn að sennilega þyrftu þeir að útvega sér gáma í tengslum við nýtt reykhús sem þeir eru með í bígerð. Hinn sami hafði á orði að sennilega myndi nú eitthvað reka á fjörur þeirra og reyndist hann sannspár. Þrátt fyrir fundinn verða mennirnir þó að öllum líkindum að finna sér aðra gáma undir starfsemina (Frétt tekin af vef Lögreglunnar)

17. janúar 2012 11:12

Fjórir dagar í þorrablót

 Aðeins fjórir dagar eru nú í þorrablótið og auglýsingin komin í hús. Núna er bara að finna sparifötin og hefjast handa við pressun.

17. janúar 2012 11:11

Járninganámskeið

 Adam stendur fyrir járninganámskeiði sunnudaginn 12. Febrúar. Námskeiðið er haldið i Blönduholti. Kennari er járningameistarinn Sigurður Torfi Sigurðsson. Kennsla ber bæði bókleg og verkleg, Þátttakendur mega koma með hesta með sér. Námskeiðið hefst kl. 10 og lýkur seinni part dagsins. Gjaldið er kr. 8000 (m.v. nægan fjölda þátttakenda). Þetta er frábært tækifæri til að læra af meistaranum.
Þátttaendur tilkynni þátttöku í síðasta lagi 21 janúar á netfangið: bjossi@icelandic-horses.is eða í s. 895-7745.
Hestamannafélagið Adam.

16. janúar 2012 05:28

Fimm dagar í Þorrablótið

Aðeins fimm dagar eru nú  í hið árlega þorrablót kvenfélagsins sem að vengju hefur veðið haldið fyrsta laugardaginn í þorra. Skemmtinefndin er að mestu klár með sitt verkefni en eitthvað hefur PÓSTURINN klikkað á að bera út auglýsinguna fyrir blótið og er hér með lýst eftir henni.

12. janúar 2012 02:28

Níu dagar í þorrablót

Níu dagar eru nú í þorrablót kvenfélagsins  og veðurspáin er góð, en norska veðurstofan spáir sól og blíðu þann 21.

5. janúar 2012 04:00

Þrettándabrenna við Félagsgarð

Haldin verður hin árlega þrettándabrenna við Félagsgarð í Kjós á morgun en veðurspáin er all góð.  Fólk er hvatt til að mæta við brennuna og taka börnin með. Kveikt verður í brennunni kl 20:30 og flugeldasýning hefst á sama tíma. Jólasveinarnir eru nú flestir á leið til síns heima enda þrettándi dagur jóla. Einn hefur lofað koma við á leið sinni heim og er aldrei  að vita nema hann hafi einhverja restar handa börnunum í pokahornum sínum.

Kvenfélagið mun bjóða uppá heitt kákó og meðlæti við hæfi 

4. janúar 2012 03:32

Brenna á föstudaginn ef veður verður gott

Brenna verður við Félagsgarð á föstudagskvöldið 6. janúar ef veður verður gott.

Nánari upplýsingar á vefnum þegar nær dregur.

4. janúar 2012 02:57

Frá Aðalfundi SF.Kjós 2011

Aðalfundur SF.Kjós  2011 var haldinn í Ásgarði  þann 7 desember s.l.

Að afloknum hefðbundnum aðalfundarstörfum þar sem stjórn félagsins var endurkjörin, en hana skipa Guðmundur Davíðsson, María D. Þórarinsdóttir og Hreiðar Grímsson, tóku gestir fundarins til máls fyrst Sigurgeir Sindri, formaður Landssamtaka Sauðfjárbænda, hann kynnti fyrir okkur öll þau málefni sem Landssamtökin eru að kljást við þessa dagana  og Árni B. Bragason, frá  Bú-Vest, kom og upplýsti um  framgang kynbótastarfsins  í félaginu okkar.   Góðar umræður urðu á fundinum  um hin ýmsu mál er snúa að sauðfjárræktinni. 

Fundurinn sendi frá sér  2 ályktanir.

1.    Sent  MAST, LS og Ólafi Dýrmundssyni.

Aðalfundur SF. Kjós haldinn í Ásgarði 7. des. 2011 samþykkir að beina því til Mast að endurskoða reglur um ómerkt fé sem kemur til slátrunar,eða leita eftir undanþágu frá þessu ákvæði,eða finna einhverja leið t.d. með útgáfu sérstakra merkja sem sveitarfélög og upprekstrarfélög geta fengið úthlutað frá Mast, svo hægt sé að nýta þessa gripi á eðlilegan hátt.

Ótækt er að ómerkt fé og annað  óskilafé sé sent til urðunar frá sláturhúsum í stað þess að andvirði þess renni til sameiginlegra sjóða eins og verið hefur, enda verða upprekstrarfélög/ sveitarfélög fyrir kostnaði vegna þessa fjár.

Hætta er á að fé þessu verði ekki skilað í sláturhús eins og verið hefur heldur verði farið að ráðstafa því með öðrum hætti.

2.     Sent Tölvudeild BÍ og  LS.                                                     

Aðalfundur SF.Kjós haldinn í Ásgarði þann 7.12.2011, samþykkir að skora á tölvudeild BÍ, þ.e. forritara og umsjónarmenn Fjárvíss, að athuga hvort ekki væri hægt að setja upp pörunarforrit í fjárvís, samskonar og er í Worldfeng, þar sem hægt er að para saman einstaklinga og jafnvel hópa og sjá skyldleika þeirra (%), mögulega liti, og kynbótaspá.

Stjórn SF.Kjós.

3. janúar 2012 01:10

ATH. losun á fimmtudaginn 5. janúar

Sorptunnur verða samkvæmt breytingu tæmdar á morgun, fimmtudaginn 5. janúar. Íbúðarhúsaeigendur eru vinsamlegst beðnir um að hafa gott aðgengi að þeim, annars er hætta á að þær verði ekki tæmdar.

Bílstjórinn hafði orð á því eftir síðustu losun að aðgengi hefði verið misgott hjá íbúum  og  ítrekar nú að það verði haft í lagi.

30. desember 2011 10:26

Jólatrésskemtuninni frestað

Jólatrésskemtuninni sem ákveðið var að halda í Félagsgarði í dag kl 16 er frestað vegna ótryggs veðurútlits. Skoðað verður hvort hægt væri að halda hana að viku liðinni. Nánar auglýst síðar.

28. desember 2011 11:47

Jólatrésskemmtun á föstudaginn 30. desember kl 16

 Jólatrésskemmtun verður haldin í Félagsgarði Kjós föstudaginn 30. desember 2011 kl 16 í boði Kjósarhrepps og kvenfélags Kjósarhrepps. Allir eru velkomnir.

26. desember 2011 06:14

Skrifstofur Kjósarhrepps lokaðar á milli jóla og nýárs

Skrifstofur Kjósarhrepps verða lokaðar á milli jóla og nýárs. Opna aftur þriðjudaginn 3. janúar 2012.

20. desember 2011 03:05

Skötuveislan á föstudaginn 23. desember í Félagsgarði kl 13

Minni íbúa á að panta þarf í veisluna tímanlega, vegna aðfangaöflunar.

Á boðstólum verður tindabikkja vel kæst að vestan, skata, saltfiskur, sérbakað rúgbrauð að hætti Steinunnar á Meðalfelli og annað ágætt meðlæti.

Aðeins verður boðið upp á vatn til að renna skötunni niður með. Gestir er því beðnir um að hafa drykkjarföng með ef þeir ef þeir kjósa að drekka eitthvað annað en blákalt íslenskt vatnið.

20. desember 2011 03:01

Sorphreinsun

Sorptunnur verða samkvæmt áætlun tæmdar á föstudaginn 23. desember. Íbúðarhúsaeigendur eru vinsamlegst beðnir um að hafa gott aðgengi að þeim, annars er hætta á að þær verði ekki tæmdar.

19. desember 2011 10:23

Bókakynning á bókasafnskvöldi í Ásgarði miðvikudagskvöld 21. desember kl 20.

Bókasafnið verður opið miðvikudagskvöldið kl 20-22. Þá koma og kynna nýjar bækur sínar þeir Bjarni Guðmundsson á Hvanneyri og Sigurður Sigurðsson dýralæknir.

Bjarni segir í bók sinni sögur um Farmall-dráttarvélar og fleiri tæki frá International Harvester og frá hlut þeirra í framvindu landbúnaðar og þjóðlífs á Íslandi og heldur þar með áfram að skrá þróun vélvæðingar íslenskra sveita á síðustu öld með þeim einstaka hætti sem menn kynntust í bók hans um Ferguson dráttarvélarnar.

Bók Sigurðar er ævisaga og ber einfaldlega heitið Sigurður dýralæknir. Þar segir Sigurður á sinn skemmtilega hátt frá mönnum, skepnum og málefnum.

Boðið verður upp á kaffi og meðlæti og jólastemmingu. Kjósarstofa verður opin þar sem verður hægt að versla bækur og handverk og skoða ljósmyndasýningu.

15. desember 2011 02:58

Sauðfjárbændur athugið.

Samkvæmt reglugerð um garnaveiki og varnir gegn henni frá 21. september

2011 er eiganda/umráðamanni sauðfjár og/eða geita á svæðum sem tilgreind eru í sem garnaveikisvæði samkvæmt viðauka reglugerðarinnar skylt að láta bólusetja öll ásetningslömb/kið til varnar garnaveiki á tímabilinu 15.

ágúst til 31. desember ár hvert eins og verið hefur. Þeir bæir þar sem eigandi/umráðamaður sauðfjár hefur ekki sinnt skyldu til bólusetningar samkvæmt 5. gr reglugerðarinnar verða skilgreindir sem garnaveikibæir en þetta ákvæði er nýtt inni í garnaveikireglugerðinni nú.

Reglugerðina má lesa í heild sinni hér:

http://stjornartidindi.is/Advert.aspx?ID=8288f8b3-0237-4b82-86f0-2ef177c4fdc2

Bændur er hvattir til að gera allt sem í þeirra valdi stendur til að fá fé sitt bólusett fyrir tilskyldan tíma. Þeim sem hafa gert ítrekaðar tilraunir til að fá féð bólusett og hefur ekki orðið ágengt er bent á að koma þeim upplýsingum til héraðsdýralæknis í Vesturumdæmi á netfangið flora.liste@mast.is.

Bestu kveðjur frá BV

15. desember 2011 01:15

Fjárhagsáætlun Kjósarhrepps fyrir árið 2012, samþykkt.

Fjárhagsáætlun Kjósarhrepps fyrir árið 2012 var samþykkr á hreppsnefndarfundi sl. þriðjudag og má sjá hana  undir flipanum " Skýrslur og útgefið efni" hér á síðunni.  Íbúar eru hvattir til að kynna sér hana vel.

Innheimta fasteignagjalda

Að gefnu tilefni er vert að minna á að hertar hafa verið innheimtur á fasteignagjöldum sem greiða á til Kjósarhrepps, en hreppsnefnd samþykkti á fundi sínum 20. október sl. að senda fasteignagjöld í vanskilum í innheimtu hjá lögmanni. Sú innheimta er þegar farin af stað og ætti ekki að koma neinum á óvart, þar sem  nokkur viðvörunarbréf hafa þegar verið send og þeir sem ekki hafa sýnt neinn greiðsluvilja mega búast við hertari aðgerðum sem fylgir aukinn kostnaður.  Gott er þá að bregðast skjótt við.

14. desember 2011 02:21

Úrslit frá folaldasýningu Adams.

Folaldasýningin hjá Adam gekk vel, þrátt fyrir stríðni veðurguðanna. Ræktunin er á réttri leið í Kjósinni og mikið um falleg folöld, og dómurum vandi á höndum. Það vildi vel til að í dómarasætunum voru engir meðaljónar, en í þeim sátu stórræktandinn á Einhamri; Hjörleifur Jónsson og tamningar-og reiðsnillingurinn; Benedikt Þór Kristjánsson á Akranesi. Þakkar Adam þeim fyrir mjög gott starf og stuðninginn.  Eftir að búið var að dæma öll folöldin var „skærasta stjarnan“ í eigu Adamsfélaga útnefnd. Þann titil hlaut hin gullfallega Aska frá Þúfu í Kjós. Svo skemmtilega vill til að í ættum margra folaldanna má finna Adam frá Meðalfelli. Myndir frá sýningunni fá sjá á Facebook, undir hestamannafélagið Adam.

Úrslit urðu eftirfarandi:

Merar:

1.      Aska frá Þúfu í Kjós.  F: Korgur frá Ingólfshvoli./Líney frá Þúfu í Kjós

2.      Orsök frá Miðdal. F: Fróði frá Staðartungu./ M:Sín frá Miðdal.

3.      Dögun frá Þorláksstöðum. F: Valur frá Efra-Langholti./M:Vorsól f. Þorláksst.

4.      Prinsessa frá Þúfu í Kjós. F: Þröstur frá Hvammi./M: Drottning f. Þúfu í Kjós.

5.      Væta frá Hlíðarási. F: Dofri frá Steinnesi/M:Stjörnudís f. Kjarnholtum.

Hestar:

1.      Skugga-Sveinn  frá Þjóðólfshaga. F: Álfur frá Selfossi/M: Pyttla f. Flekkudal.

2.      Prins Valíant frá Þúfu í Kjós. F: Sólbjartur frá Flekkudal/M. Rakel frá Hnjúki.

3.      Fjaðrandi  frá  Þorláksstöðum. F: Svalur frá Þorláksstöðum/Krummatá f.Þorláksst.

4.       Loftfari frá Þúfu í Kjós. F: Gári frá Auðsholtshjáleigu/Brynja frá Feti

5.      Esjar frá Flekkudal. F: Sólbjartur frá Flekkudal./M: Björk frá Vindási.

Adam stefnir svo á að halda vetrarleika á ís í vetur, vatnið „okkar“ Meðalfellsvatn, er frosið, en það vantar bara  meira af hrossum á járn!  Svo nú er um að gera að negla undir gæðingana og græja sig fyrir alvöru ístölt!“ segir í frétt frá stjórn Adams

9. desember 2011 11:25

Met þátttaka í folaldasýningu Adams - allir velkomnir.

Það stefnir í met þátttöku í folaldasýningu Adams. Nú þegar hafa verið skráð 22 folöld, og vitað er af einhverjum sem eiga eftir að skrá, þó skráningarfresti sé formlega lokið.

Við hvetjum kjósverja og annað gott fólk að líta við og fylgjst með skemmtilegri sýningu. Heitt á könnunni, piparkökur og fjör.

Spennan er í hámarki, sumir munu ekki getað sofið fyrir spenningi, aðrir gera sér engar vonir og eru með af tryggð við félagið, he, he.

Sjáumst í Boganum kl. 13 á sunnudaginn- næg bílastæði.

Stjórn Adams.

7. desember 2011 03:56

Aðalfundur Hvalfjarðarklasans í Kjósarstofu

Miðvikudaginn 14.desember kl. 20.00 fer fram aðalfundur Hvalfjarðarklasans í Ásgarði í Kjós - Kjósarstofa.

Dagskrá:

1.     Skýrsla stjórnar og verkefnisstjóra.

2.     Rekstraryfirlit.

3.     Inntaka nýrra félaga skv. samþykktum félagsins.

4.     Stjórnarkjör.

5.     Kosning skoðunarmanna reikninga.

6.     Tillaga stjórnar um árgjald, sbr. 9.grein samþykkta félagsins.

7.     Önnur mál

Ferðaþjónustuaðilar í Hvalfirði eru hvattir til þess að mæta.

Stjórn Hvalfjarðarklasans

6. desember 2011 02:47

Dagskrá vikunnar

Hreppsnefndarfundur á fimmtudaginn í Ásgarði kl 13

Aðalfundur SFKjós verður haldinn í Ásgarði á morgun miðvikudaginn 7. des kl 20:00. Gestir fundarins verða þeir Sigurgeir Sindri formaður LS og Árni Braga frá Bú-Vest

Bókasafnið verður opið á morgun 7. desember frá kl 15-18.

Þeir sem eru með nýjar bækur eru vinsamlegast beðnir um að skila þeim.

Jólafundur kvenfélagsins í kvöld

Tilkynning frá Adam

Ný þjónusta í Kjósinni- Þjónusta vegna öryggiskerfa.- Útkallsþjónusta.

Jólaaðfangamarkaður í Félagsgarði á laugardag

Opinn fundur um íbúamál fellur niður

Skipulagsmál í uppnámi á Grundartanga

Opinn íbúafundur í Kjósarhreppi

Fundað um öryggismál í Kaffi Kjós

Folaldasýningu frestað um viku.

Ferðaþjónusta við Hvalfjörð

Fræðslukvöld með Ingimari Sveinssyni, kennara og fræðara.

Jól í Kaffi Kjós

Kröftugur aðalfundur Umhverfisvaktarinnar

Mikil dagskrá framundan hjá Adam – Folaldasýning 4. desember-skráning.

Viðgerðir á brúnni yfir Laxá

Félagsgarður

Jólaaðfangamarkaður í Félagsgarði laugardaginn 3. desember

Plastgámarnir losaðir á laugardaginn

Annir hjá bókverju Kjósarhrepps

Ný aðkoma að Félagsgarði

Ný stjórn hjá Adam – folaldasýning.

Aðalfundur Umhverfisvaktarinnar við Hvalfjörð

Opinn morgunverðarfundur í Ásgarði um samstarf í Hvalfirði

Aðalfundarboð

Opnun ljósmyndasýningar og erindi um búorku

Erindi um möguleika bænda til orkuframleiðslu og ljósmyndasýning um náttúru og sögu Kjósarinnar

Hryssan fundin

Hryssa hefur tapast

Námskeið fræðsla fyrir sveitarstjórnarfólk.

Hreppsnefndarfundur, fimmtudaginn 20. október

Einn rólegur í sunnudagssteikinni

Fjölmenni á Krásum í Kjósinni

Úrslit Hrútasýningar 2011

Kjósarrétt að rísa á ný

Hreppsnefndarfundi frestað

Krásir í Kjósinni 8. október

Hrútasýning og lambaskoðun 2011

Týndur hestur

Mengunarslys hjá Norðuráli á Grundartanga

Lögregla rannsakar dýraníð í Kjós

Bubbi með tónleika í Félagsgarði á sunnudagskvöldið 25. sept.

Bluegrass Gang á tónleikum á Hjalla á miðvikudagskvöld kl. 21

Vel sóttur fundur um öryggismál í Kaffi Kjós

Dýraníðingar á ferð um Kjósina?

Ruslakar horfið frá Félagsgarði

Íbúafundur um öryggismál á Kaffi Kjós miðvikudagskvöld 14. september kl. 20.

Kynningarfundur með ráðgjöfum frá Impru

Frá félagsstarfi aldraðra í Mosfellsbæ

Kjósarstofa minnir á opinn kynningarfund með ráðgjöfum frá Nýsköpunarmiðstöð kl. 13-15 föstudaginn 9. september

Fjölgun grunnskólabarna í Kjósinni

Gítarhátíð í Bæ.

Hreppsnefndarfundir Kjósarhrepps

Tilkynning frá félagsstarfi aldraðra í Mosfellsbæ

Innbrotafaraldurinn heldur áfram í Kjósinni

OPNUN FOSSÁRSKÓGAR 27. ágúst 2011

Tilkynningar frá Kjósarstofu

Kona slasast á Meðalfellsvatni

Opnun Fossárskógar

Þjófar á ferð um Kjósina

Skrifstofa Kjósarhrepps lokuð vegna sumarleyfa

Þjófar á ferð í Kjós

Framlengdur skilafrestur í samkeppni um merki Kjósarstofu

Afgreiðslutímar Kjósarstofu

Úrslitin í kepninni um flottustu fuglahræðuna á Kátt í Kjós

Kátt í kjós, opnanir og dagskrá.

VÍS og MS styrkja Kátt í Kjós

Skólahreystibrautin á Kátt í Kjós

Frítt í Meðalfellsvatn á Kátt í Kjós

Hvammsvík á Kátt í Kjós

Kjósarstofa í Ásgarði verður með opið á Kátt í Kjósinni kl 13-17

Opið á Hjalla á Kátt í Kjós

Kaffi Kjós er opið á Kátt í Kjós

Eyrarkot; kaffihús og ljósmyndasýning

Kátt í Kjós

Kátt í Kjós 16. júlí

Kynjareið á föstudaginn

Enn eru dýrbítar á ferð um Kjósina

Öflug unglinga- og námsmannavinna í Kjósinni

Reiðvegir malaðir í Kjósarhreppi

25 gönguleiðir á Hvalfjarðarsvæðinu - kynning á bók og gönguleiðum 29. júní kl. 20

Vel heppnuð opnun Kjósarstofu

Hvalfjarðarsveit bótaskyld vegna deiliskipulags

Góða veðrið fylgdi göngumönnum.

Opnunardagskrá Kjósarstofu

Kjósarrétt fallin

Plastgámar losaðir 28. júní

Kátt í Kjós, 16. júlí

SF Kjós minnir á dag sauðfjárræktarinnar.

Góðir styrkir frá Kjósverjum til MBFM

„Meðan fæturnir bera mig“ um Kjósina á morgun

Sumarferð Félagsstarfs eldri borgara í Mosfellsbæ 4.-6. júlí 2011

Kjósarstofa opnar

Kynjareið á fimmtudaginn

Skoðum sveitina okkar saman!

Sumarvinnan og póstkassar

Kynning á þjónustuskiltunum

Búnaðarfélag Kjósarhrepps

Fallega kisu vantar heimili í sveit

Þjónusta við ferðamenn á Þúfu - sjóstöng.

Hvalfjarðarklasinn