Upplýsingar til íbúa og sumarhúsaeigenda í

Kjósarhreppi um fyrirkomulag sorphirðu og

stefnumörkun sveitarstjórnar.

1.

Stefnumörkun þessi var lögð fram í hreppsnefnd Kjósarhrepps og byggir á samþykkt um meðhöndlun úrgangs í Kjósarhreppi nr. des/2006

2.

Markmið stefnumörkunnar þessarar er að:

Ø      Tryggja reglubundna söfnun sorps í sveitarfélaginu.

Ø      Stuðla að, með verðlagningu þjónustu, að söfnun og flokkun sorps verði skilvirk.

Ø      Stuðla að, að kostnaður íbúana og sveitarsjóðs vegna meðhöndlunar úrgangs verði sem     minnstur.

3.

Sveitarstjórn er heimilt að leggja á sorpgjald á öll heimili, sumarhús og rekstraraðila.

Leitast skal við að skipting gjaldsins taki mið að raunverulegum útgjöldum sveitarsjóðs hvers flokks fyrir sig. Þá er sveitarstjórn heimilt að leggja á grunngjald á alla flokka til að standa undir sameiginlegum kostnaði.

Gjald- flokkarnir eru fjórir.

Samkvæmt sanngjörnum útreikningi er gerð tillaga um að sorpgjöld verði með eftirfarandi hætti fyrir árið 2007

A . I Heilsárshús með tunnu:                        

A 1. 240 ltr. ílát.           11.300      +grunngj.   samtals;      13.500

A 2. 360 ltr. ílát.           13.500      +grunngj.   samtals;      15.700                  

A 3. 660 ltr. ílát.           20.000      +grunngj.   samtals;      22.000                   

B  Sumarhús                1.950.      + grunngj. samtals;        4.150.                         

C  Rekstraraðili.        10.000 + grunngj. samtals;       12.200                          

D  Grunngj.                    2.200

 Grunngjald er lagt á öll íbúðarhús, sumarhús og rekstraraðila

  Verðin eru reiknuð út miðað við 50% raunkostnaðar hvers flokks ársins 2006.

Uppgefin verð eru því aðeins helmingur þess kostnaðar sem sorphirða í Kjósarhreppi  nam ári 2006 

 4.

Sveitarstjórn ákveður ár hvert við gerð fjárhagsáætlunnar hvert gjaldið skuli vera á

hvern flokk. Ný gjaldskrá er auglýst árlega

Ekki er heimilt að leggja samtals á, hærri gjöld en sem nemur bókfærðum kostnaði sveitarsjóðs á  undanliðnu ári.

5.

Sveitarfélagið leggur til móttökustað fyrir úrgang. Þar geta allir fasteignaeigendur og rekstraraðilar í sveitarfélaginu afsett úrgang.

Aðilum utan sveitarfélagsins er óheimill aðgangur að móttökustað.

Öllum notendum móttökustaðar er skillt að flokka úrgang í viðeigandi gáma.

Á mótökustað við Hurðabaksholt er sorp flokkað í eftirfarandi flokka :

Flokkar sem ekki bera förgunargjöld:

Járn.                                             Plast og gúmmíefni

Drykkjarumbúðir.                        Mjólkurfernur

Bylgjupappi                                 Pappír

Spilliefni, málingardósir, rafgeima, úrgangsolíur og rafhlöður

Flokkar sem  bera förgunargjöld:

Grófur úrgangur, óflokkaður                              Málað timbur.

Ómálað timbur, alls ekki annað.                         Heimilissorp.

Ekki er ætlast til að garðaúrgangur jarðvegur og steinbrot berist á móttökustað, heldur afsetjist til moltugerðar heimafyrir og á stöðum sem lagðir eru til af landaeigendum í samvinnu við sumarhúsafélög.

6.

Íbúðarhús:

Sveitarfélagið leggur til sorpílát við íbúðarhús. Stærð ílátanna fer eftir óskum hvers húseiganda og er gjaldskrá samin með tilliti til stærðar. Ílátin eru á ábyrgð húseiganda.

Losun er reglubundin og miðast gjaldskrá við að losað sé á tveggja vikna fresti.

7.

Sumarhús:

Sveitarfélagið leggur til staðbundna sorpgáma undir heimilissorp allt árið þar sem sumarhús eru 20 eða fleiri í samfeldri byggð.

Þar sem um ræðir dreifðari byggð skal staðsetja sorpílát á tímabilinu frá 15. apríl til 15. september. Miða skal við að um hvert ílát sé a.m.k.8 sumarhús. Hver sumarhúsaeigandi á rétt á að setja heimilissorp í það ílát sem næst er að undanskildu ílátum við íbúðarhús.

8.

Rekstraraðilar:

Sveitarfélagið leggur rekstraraðilum ekki til sorpílát umfram þau sem eru á móttökustað.

Kjósi rekstraraðilar að hafa sorpílát þar sem rekstur fer fram getur sveitarstjórn haft milligöngu um útvegun íláts og losun á kostnað rekstraraðila en urðunarkostnað  greiðir sveitarsjóður. Eingöngu er heimilt að setja í slík ílát pressanalegt sorp.

9.

Gerður hefur verið samningur um söfnun heyrúlluplasts, plasts og gúmmíefna við söfnunarfyrirtæki. Fyrirtækið leggur til gáma undir efnin heim á bæjum. Greidd er tiltekin uppaæð fyrir hvert kíló afhents efna, sem á að standa undir kostaði við söfnun.

Markmið sveitarstjórnar Kjósarhrepps.

.

Á árinu 2007 skal innheimt sorpgjald sem nemur 50% þess kostnaðar sem féll til samkvæmt reikningum sveitarsjóðs 2006 vegna sorphirðu og förgunar.

 Hlutfall þetta hækkar í 60% á árinu 2008, í 70% á árinu 2009 og í 80% árið 2010. Ávallt skal miða við kostnað undanliðins árs.

Þetta leiðir til þess að sorpgjöld hækka um 10% á ári ef miðað er við núverandi kostnað.

Ef hinsvegar tekst að bæta meðhöndlun úrgangs og lækka kostnað geta sorpgjöld staðið í stað eða lækkað.