Atvinnu- og ferðamálanefnd 

Aðalmenn:

Bergþóra Andrésdóttir Kiðafelli

Katrín Cýrusdóttir Kiðafelli 3

Rebekka Kristjánsdóttir Stekkjarhóli

Varamenn:

Jón Ingi Magnússon Harðbala

Hrafnhildur Hafsteinsdóttir Fögrubrekku

Erindisbréf fyrir atvinnu og ferðamálanefnd

Atvinnu- og ferðamálanefnd  Kjósarhrepps er skipuð af sveitarstjórn Kjósarhrepps og í henni skulu sitja þrír fulltrúar og jafn margir til vara. Kjörtímabil fulltrúa miðast við kosningar til sveitarstjórnar. Á fyrsta fundi fer fram kjör formanns, varaformanns og ritara.

Formaður boðar fundi með dagskrá. Nefndin heldur fundi þegar verkefni liggja fyrir. Rita skal fundargerð nefndarinnar í sérstaka fundargerðarbók. Allar tillögur sem fram eru bornar skulu skráðar svo og samþykktir og ályktanir. Skulu allir viðstaddir undirrita fundargerðina. Nefndarmaður hefur ekki atkvæðisrétt um mál sem varða hann sjálfan eða náið skyldmenni hans og skal hann í slíkum tilfellum víkja af fundi. Þeir sem sitja fundi nefndarinnar skulu gæta fyllsta trúnaðar um þau einkamál er rædd kunna að vera á fundum. Þagnarskylda helst þó látið sé af störfum.                                                                                                                                   Nefndarmanni er skylt að sækja fundi nema lögmæt forföll hamli. Skal hann láta formann  vita um forföll með góðum fyrirvara og formaður boðar þá fyrsta varamann.

Nefndin skal leitast við að ná því grundvallarmarkmiði að tryggja að ákvarðanir hennar og vinna skuli fyrst og fremst verða samkvæmt lögum og í þágu allra íbúa sveitarfélagsins sem leggur þær skyldur á herðar fulltrúum í nefndinni að setja ávallt almannahagsmuni ofar sérhagsmunum hvort heldur er sínum eigin eða einstakra hópa

Hlutverk nefndarinnar

·         Er að fara yfir skýrslu um Atvinnumál í Kjós en hún var unnin eftir vinnufund sem haldinn var haustið 2009 og kom út veturinn 2010

·         Koma með tillögur til hreppsnefndar um atvinnuskapandi uppbyggingu

·         Fjalla um þau mál er sveitarstjórn felur nefndinni hverju sinni

·         Nefndin geti tekið ákveðin mál og vísað til hreppsnefndar

Gildistaka

Erindisbréf þetta byggist á ákvæðum sveitarstjórnalaga nr.45/1998 um verkefni sveitarfélaga og starfsemi nefnda á þeirra vegum. Erindisbréf þetta var samþykkt í hrreppsnefnd Kjósarhrepps þann 2. September 2010 og tekur þegar gildi