Orkunefnd:
Aðalmenn:
Einar Guðbjörnsson Blöndholti einar@ispolar.com formaður
Óðinn Elísson Hlíðarási odinn@fullthingi.is ritari
Jón Gíslason Hálsi. jon@hals.is varaform
Varamenn:
Pétur Blöndal Ásgarði
Karl Magnús Kristjánsson Eystri-Fossá
Gunnar Leo Helgason Felli
Fundagerðir birtar undir FUNDAGERÐIR á forsíðu
Erindisbréf fyrir orkunefnd
Orkunefnd Kjósarhrepps er skipuð af sveitarstjórn Kjósarhrepps og í henni skulu sitja þrír fulltrúar og jafn margir til vara. Kjörtímabil fulltrúa miðast við kosningar til sveitarstjórnar. Á fyrsta fundi fer fram kjör formanns, varaformanns og ritara.
Formaður boðar fundi með dagskrá. Nefndin heldur fundi þegar verkefni liggja fyrir. Rita skal fundargerð nefndarinnar í sérstaka fundargerðarbók. Allar tillögur sem fram eru bornar skulu skráðar svo og samþykktir og ályktanir. Skulu allir viðstaddir undirrita fundargerðina. Nefndarmaður hefur ekki atkvæðisrétt um mál sem varða hann sjálfan eða náið skyldmenni hans og skal hann í slíkum tilfellum víkja af fundi. Þeir sem sitja fundi nefndarinnar skulu gæta fyllsta trúnaðar um þau einkamál er rædd kunna að vera á fundum. Þagnarskylda helst þó látið sé af störfum.
Nefndarmanni er skylt að sækja fundi nema lögmæt forföll hamli. Skal hann láta formann vita um forföll með góðum fyrirvara og formaður boðar þá fyrsta varamann.
Nefndin skal leitast við að ná því grundvallarmarkmiði að tryggja að ákvarðanir hennar og vinna skuli fyrst og fremst verða samkvæmt lögum og í þágu allra íbúa sveitarfélagsins sem leggur þær skyldur á herðar fulltrúum í nefndinni að setja ávallt almannahagsmuni ofar sérhagsmunum hvort heldur er sínum eigin eða einstakra hópa
Hlutverk nefndarinnar
· Kanna leiðir til hægkvæmari orkunýtingar
· Skoða möguleika á nýjum orkuvinnslusvæðum
· Fylgja eftir borun eftir heitu vatni og gera hagkvæmniathugun á lagningu hitaveitu um sveitarfélagið
· Fjalla um þau mál er sveitarstjórn felur nefndinni hverju sinni
· Nefndin geti tekið ákveðin mál og vísað til hreppsnefndar
Erindisbréf þetta byggist á ákvæðum sveitarstjórnalaga nr. 45/1998 um verkefni sveitarfélaga og starfsemi nefnda á þeirra vegum. Erindisbréf þetta var samþykkt í hreppsnefnd Kjósarhrepps þann 7. október 2010 og tekur þegar gildi