Álagning gjalda

Álagning gjalda 2026 og aðrar forsendur fjárhagsáætlunar

1. Áætluð verðlagsþróun 2026: 3,2 % samkvæmt spá Hagstofu Íslands.
2. Útsvar fyrir árið 2026 verði óbreytt 14,45%
3. Fasteignagjöld:

Fasteignagjöld

Heimild í lögum til álagningar fasteignarskatts

1. Allt að 0,5% af fasteignamati: Íbúðir og íbúðarhús ásamt lóðarréttindum, erfðafestulönd í dreifbýli og jarðeignir, útihús og mannvirki á bújörðum sem tengd eru landbúnaði, öll hlunnindi og sumarbústaðir ásamt lóðarréttindum.
2. 1,32% af fasteignamati ásamt lóðarréttindum: Sjúkrastofnanir samkvæmt lögum um heilbrigðisþjónustu, skólar, heimavistir, leikskólar, íþróttahús og bókasöfn.
3. Allt að 1,32% af fasteignamati ásamt lóðarréttindum: Allar aðrar fasteignir, svo sem iðnaðar-, skrifstofu- og verslunarhúsnæði, fiskeldismannvirki, veiðihús og mannvirki sem nýtt eru fyrir ferðaþjónustu..

Heimilt er sveitarstjórn að hækka álagningu í a) og c) lið um allt að 25%.

Álagning fasteignaskatts í Kjósarhreppi 2026

Fasteignagjöld skiptast á níu gjalddaga frá 1. mars til 1. nóvember. Eindagi fasteignagjalda er þrjátíu dögum eftir gjalddaga og fellur allur skattur ársins í gjalddaga ef vanskil verða. Sé fjárhæð fasteignagjalda undir kr. 40.000 er gjalddagi þeirra 1. mars.

Sveitarstjórn samþykkir að álögð fasteignagjöld í Kjósarhreppi 2026 verði með eftirfarandi hætti.

Fasteignaskattur:

A-flokkur 0,28% af fasteignamati húss og lóðar

B-flokkur 1,32 % af fasteignamati húss og lóðar

C-flokkur 0,85 % af fasteignamati húss og lóðar

Afsláttur af fasteignaskatti hjá elli- og örorkulífeyrisþegum í Kjósarhreppi

Fasteignaskattur af íbúðarhúsnæði í eigu tekjulágra elli- og örorkulífeyrisþega í Kjósarhreppi, sem þeir nýta sjálfir og eiga þar lögheimili, skal lækkaður eða felldur niður samkvæmt heimild í 4. mgr. 5.gr. laga nr. 4/1995 um tekjustofna sveitarfélaga.

Veittur verður afsláttur af fasteignaskatti til elli- og örorkulífeyrisþega, sem eiga lögheimili í og eru þinglýstir eigendur viðkomandi fasteignar. Miðast afslátturinn við eftirfarandi tekjumörk liðins árs, sbr. álagningu skattstjóra.

Tekjutengdur afsláttur elli- og örorkulífeyrisþega álagningarárið 2026
Afsláttur	Einstaklingar		Tekjur samskattaðra einstaklinga
100%	0	7,704,999	0	9,715,000
75%	7,705,000	8,115,999	9,716,000	10,250,999
50%	8,116,000	8,553,999	10,251,000	10,820,999
25%	8,554,000	9,017,999	10,821,000	11,421,999

Reglur um tekjutengdan afslátt af fasteignaskatti hjá elli- og örorkulífeyrisþegum í Kjósarhreppi má finna á heimasíðu sveitarfélagsins.

Heimgreiðslur til foreldra ungbarna

Heimgreiðsla til foreldra ungbarna verður frá 1. janúar 2026 kr. 150.000.

Náms- og ferðastyrkur framhaldsskólanema.

Náms- og ferðastyrkur framhaldsskólanema verður frá 1. janúar 2026 - kr. 70.000 fyrir hverja önn.

Frístundastyrkir

Styrkur kr. 80.000 fyrir allt skólaárið, fyrir aldurshópinn 6-18 ára.

Styrkur kr. 35.000 fyrir allt skólaárið, fyrir aldurshópinn 3-5 ára.

Eftirtaldar gjaldskrár hækka frá 1. janúar 2026 samkvæmt áætlaðir verðlagsvísitölu Hagstofu Íslands fyrir árið 2026 í október 2025.

• Dagforeldrar- Börn eldri en 13 mánaða.
• Dagforeldrar – Börn yngri en 13 mánaða.

Eftirtaldar gjaldskrár eru gefnar út af Reykjavíkurborg og hækka frá 1. janúar 2026 samkvæmt ákvörðun borgarstjórnar

• Gjaldskrá Klébergsskóla
• Gjaldskrá leikskólans Bergs
• Gjaldskrá tónlistarskólans á Kjalarnesi
• Frístundaheimili eftir skóla

Samþykkt á fundi sveitarstjórnar Kjósarhrepps 1. október 2025

Nánari upplýsingar fást á skrifstofu Kjósarhrepps í síma 566-7100 eða á netfanginu  kjos@kjos.is