Skipulags- og byggingarnefnd

Tillaga á breytingu Aðalskipulags Kjósarhrepps 2017-2029, hefur verið auglýst skv. 31. gr. skipulagslaga. Frestur til að skila athugasemdum var til og með 31. maí sl. Umsagnir bárust frá Skipulagsstofnun, Umhverfisstofnun, Veðurstofunni, Heilbrigðiseftirliti, Minjastofnun og Hvalfjarðarsveit. Einnig barst erindi frá eigendum Álfagarðs varðandi forkaupsrétt. Höfundar skipulagsins hafa fengið umsagnir sendar og hefur verið brugðist við þeim.
Óskað var eftir lausn úr landbúnaðarnotkun til Landbúnaðarráðuneytisins, með bréfi skipulagsfulltrúa dags. 12. maí 2021. Ekki hefur borist svar við því.

Landlínur, fyrir hönd eigenda, leggja fram tillögu að óverulegri breytingu Aðalskipulags Kjósarhrepps 2017-2029, sbr. 36. gr. skipulagslaga nr. 123/2010, þar sem breyta á afmörkun landnotkunarreits frístundabyggðar F15c, skógræktar- og landgræðslusvæðis SL2 og landbúnaðarsvæðis, í landi möðruvalla 1.
Um er að ræða leiðréttingu á afmörkun frístundabyggðarinnar, þar sem afmörkun hennar var ekki breytt til samræmis við stofnaðar frístundalóðir við endurskoðun Aðalskipulags Kjósarhrepps 2017-2029, en lóðirnar voru stofnaðar í kringum 2006. Breytingin hefur ekki veruleg áhrif á landnotkun eða er líkleg til að hafa mikil áhrif á einstaka aðila, eða hafa áhrif á stór svæði. Núverandi frístundabyggð er um 9 ha, en stækkar um 1,5 ha og verður í heild sinni 10,5 ha að stærð. Núverandi skógræktar- og landgræðslusvæði er um 34 ha, en minnkar um 4 ha og verður 30 ha. Samhliða staðfestingu óverulegrar breytingar aðalskipulags í landi Möðruvalla 1, verður deiliskipulag frístundabyggðar Brekkna samþykkt.

Eigendur Álfagarðs óska eftir að gerð verði óveruleg breyting á Aðalskipulagi Kjósarhrepps 2017-2029, skv. 36 gr. skipulagslaga nr. 123/2010, þannig að landnotkun á landareign þeirra, sem er um 7,9 ha, verði breytt úr landbúnaðarlandi í íbúabyggð. Erindinu fylgir uppdráttur sem sýnir tillögu að breytingu.

Tillaga að nýju deiliskipulagi fyrir íbúabyggð og nágrennis, dags. 26.04.2021, í landi Eyrarkots. hefur verið auglýst skv. 41 gr. skipulagslaga. Frestur til að skila athugasemdum var til og með 25. júní sl. Umsagnir bárust frá Umhverfisstofnun, Vegagerðinni, Heilbrigðiseftirliti, Minjastofnun, Náttúrufræðistofnun. Ein athugasemd barst vegna vegtengingar.
Höfundar skipulagsins hafa fengið umsagnir og athugasemd sendar til úrvinnslu.

Samkvæmt umsögn Minjastofnunar er farið fram á að fyrirliggjandi fornleifaskrá verði uppfærð og gerð verði svokölluð deiliskráning.

Óskað var eftir undanþágu umhverfis- og auðlindaráðherra frá d. lið gr. 5.3.2.5 í skipulagsreglugerð nr. 90/2013, er varðar fjarlægð bygginga frá stofnvegi á svæði (ÍB9b), með bréfi skipulagsfulltrúa dags. 1. júí 2021. Ekki hefur borist svar við því.

Landlínur, fyrir hönd eigenda, leggja fram tillögu deiliskipulags í landi Brekkna. Deiliskipulag frístundabyggðar Brekkna í landi Möðruvalla 1 í Kjósarhreppi tekur til 11 ha svæðis. Innan svæðisins verða skilgreindar tíu frístundalóðir, uppbygging er hafin á sex lóðum, Brekkum 3, 4, 8, 9 og Möðruvöllum 13 og 14. Lóðirnar eru nú þegar stofnaðar úr landi Möðruvalla 1, sem er í eigu Kjósarhrepps. Skipulagsvæðið hallar til norð-austurs og er við rætur Möðrudalsháls. Aðkoma að lóðum er um veginn Brekkur sem tengist Meðalfellsveg (461). Skipulagssvæðið afmarkast í suðri, norðri og vestri af Möðruvöllum 1. Í norð/austri afmarkast svæðið af lóð sem heitir Möðruvellir Hitaveita og í austri af lóð sem heitir Hæðarskarð.

Deiliskipulag frístundabyggðar Möðruvellir 1 var samþykkt í hreppsnefnd árið 2006, en það öðlaðist ekki gildi þar sem það láðist að auglýsa gildistöku þess í B- deild Stjórnartíðinda. Markmið skipulagsins er að skapa ramma utanum heildstæða frístundabyggð, þannig að heildar yfirbragð byggðar verði gott og fyrirhuguð uppbygging falli vel að þeirri byggð sem fyrir er.

Fyrir liggur staðbundið ofanflóðahættumat frá Veðurstofu Íslands, dags. 11.06.2021. Niðurstaða matsins er í stórum dráttum eftirfarandi:

"Að áhættan á byggingareitunum er talin ásættanleg fyrir frístundahús, þ.e. að staðaráhætta er minni en 5 af 10000 ári, en C-lína hættumats er miðuð við staðaráhættuna 3 af 10000 ár ári. Þó væri ekki ráðlegt að reisa hús mikið nær farvegunum úr Stóragili en nú er vegna aur og vatnsflóðahættu. Mest er aurflóðahættan á reit 9 en einnig þyrfti að huga að þessu á reit 4. Einnig ætti ekki að reisa hús austast á byggingareit Möðruvalla 14, í vatnsfarveginum sem þar er. Ekki er víst að allir byggingareitirnir myndu standast hættumat fyrir íbúðahús enda strangari kröfur gerðar til slíkra bygginga. Þannig mætti ekki breyta frístundahúsunum í íbúðarhús eða reisa íbúðarhús á skipulagssvæðinu án þess að frekara mat yrði gert sem miðaði við þær forsendur".

Tillaga að breyttu deiliskipulagi Hvamms og Hvammsvíkur hefur verið auglýst skv. 41 gr. skipulagslaga. Frestur til að skila athugasemdum var til og með 25. júní sl. Umsagnir bárust frá Umhverfisstofnun, Heilbrigðiseftirliti, Minjastofnun og Náttúrufræðistofnun. Ein athugasemd barst vegna uppbyggingar á svæðinu.
Skipulagsfulltrúi kom umsögnunum og athugasemd á framfæri við skipulagsráðgjafana til efnislegrar úrvinnslu. Til afgreiðslu er breyttur uppdráttur í samræmi við framkomnar umsagnir. Þó liggur fyrir liggur að uppfæra þarf kaflann um minjar í samráði við Minjastofnun.

Óskað er eftir að afmörkun verði þannig að innri mörk 25 ha spildu verði afmáð og Þúfukot L126494 verði sýnd sem ein heildareign skv. meðfylgjandi gögnum.

Sótt er um stofnun lóðar úr landi Bæjar, er fengi nafnið Grásteinn.

Sótt er um stækkun lóðarinnar Gylfaflöt L220250, um 2.675 m², úr 2.500 m² í 5.175 m².

Óska er eftir breytingu á skráningum lóðanna Stampar 20 og 22. Breytingin felst í því að afskrá þær sem sumarhúsalóðir og skrá sem íbúðarlóðir.

Umsókn um byggingarleyfi fyrir 124,0 m2 frístundahúsi, mhl 01, skv. aðaluppdráttum dags. apríl 2021. Stærð lóðar 1.770 m².

Umsókn um byggingarleyfi fyrir 70,0 m2 frístundahúsi, mhl. 01, samkvæmt aðaluppdráttum dags. 28.04.2021.

Umsókn um byggingarleyfi fyrir 113,0 m2 frístundahúsi, mhl. 01, samkvæmt aðaluppdráttum dags. 06.06.2021.

Umsókn um byggingarleyfi fyrir 113,0 m2 frístundahúsi, mhl. 01, samkvæmt aðaluppdráttum dags. 06.06.2021.

Umsókn um byggingarleyfi fyrir 87,1 m2 stækkun frístundahúss, mhl. 01, samkvæmt aðaluppdráttum dags. 08.06.2021. Heildar stærð eftir stækkun verður 145,5 m².

Óskað er eftir samþykkt þegar unninna breytinga, skv. aðaluppdráttum dags. júní 2021. Um er að ræða smávægilegar viðbótarbreytingar (útihurðir) og ósk um skráningu húss sem einbýlishúss.

Fyrirspurn um hvort leyft yrði að byggja 36-38 m² gestahús á lóðinni Norðurnes 56, L126434, skv. meðfylgjandi afstöðumyndum.

Fyrirspurn um hvort leyft yrði að byggja 75 m² gestahús á lóðinni Árnes L126139, skv. meðfylgjandi afstöðumynd, dags. 28. maí 2021.