Skipulags- og byggingarnefnd

Skipulagsstofnun staðfesti 20. október 2022, breytingu á aðalskipulagi Kjósarhrepps 2017-2029, sem samþykkt var í sveitarstjórn þann 6. september 2022. Auglýsing um staðfestingu verður birt í B- deild Stjórnartíðinda innan tíðar.

Þá hefur Skipulagsstofnun tilkynnt að heimilt sé að auglýsa til gildistöku breytingu á deiliskipulagi frístundabyggðar Brekkna, Möðruvelli 1, sem einnig var samþykkt í sveitarstjórn þann 6. september 2022. Deiliskipulagið verður auglýst til gildistöku í B- deild Stjórnartíðinda í nóvember 2022.

Tillaga að nýju deiliskipulagi í landi Flekkudals, fyrir lóðirnar Flekkudalur 1, 3 og 5, sem samþykkt var í sveitarstjórn þann 6. september 2022, verður auglýst til gildistöku í B- deild Stjórnartíðinda þann 1. nóvember. 2022.

Efla verkfræðistofa óskar eftir fyrir hönd landeiganda að gerð verði óveruleg breyting á Aðalskipulagi Kjósahrepps 2017-2029, skv. skipulagsuppdætti 23.09.2022, sem næði einungis til lóðarinnar Eyjabakki 11. Að gerð verði undantekning á hámarks nýtingarhlutfalli á svæði F12a, þar sem nýtingarhlutfall yrði 0,04 í stað 0,03.

Landmótun, fyrir hönd eigenda, leggur fram tillögu að breytingu á deiliskipulagi í landi Hvamms og Hvammsvíkur, dags. 03.10.2022.

Landeigandi óskar eftir heimild til að leggja fram breytingu á fyrirliggjandi deiliskipulagi í landi Flekkudals (L126038). Um er að ræða 4 frístundalóðir til viðbótar. Aðliggjandi svæði var deiliskipulagt fyrir samskonar byggð árið 2015. Einnig er óskað eftir að sveitarfélagið geri breytingu á Aðalskipulagi Kjósahrepps 2017-2029 og stækki svæði fyrir frístundabyggð F4b um ca 1,2 ha til að fyrirhugaðar lóðir falli alfarið undir frístundabyggðina. Meðfylgjandi er uppdráttur sem sýnir fyrirhugaða afmörkun lóða og gátlisti fyrir mati á því hvort breytingin geti talist óveruleg skv. 2. mgr. 36. gr. skipulagslaga nr. 123/2010.

Hreppsnefnd samþykkti að heimila breytingu deiliskipulags fyrir 4 frístundalóðir til viðbótar í landi Flekkudals og að gerð verði óveruleg breyting á aðalskipulagi sbr. 2. mgr. 36. gr. Skipulagslaga nr. 123/2010. Niðurstaða sveitarstjórnar var auglýst og gögn málsins vöru send skipulagsstofnun til umsagnar, kv. 2. mgr. 36. gr. skipulagslaga.

Niðurstaða Skipulagsstofnunar er sú að fallist er á að um óverulega breytingu sé að ræða. Þar sem litið var svo á af sveitarstjórn að breyting á aðalskipulagi væri óveruleg telur Skipulagsstofnun það hafa nægt að auglýsa niðurstöðu sveitarstjórnar á heimasíðu eins og gert var.

Skipulagsstofnun mun staðfesta breytinguna þegar samþykkt skipulagsgögn með dagsetningu breyttrar tillögu hafa borist í þríriti.

Sótt var um að stofnaðar verði þrjár íbúðarhúsalóðir í samræmi við meðfylgjandi uppdrátt, en lóðirnar verða allar 0,5 hektarar eða stærri. Samkvæmt aðalskipulagi fyrir Kjósarhrepps er heimilt að stofna íbúðarhúsalóðir á landbúnaðarlandi án deiliskipulags og er sérstaklega tekið fram að lóðirnar séu þá í nálægð við þá uppbyggingu sem farið hefur fram á nálægum innviðum, vegum, veitulögnum o.s.frv. Samkvæmt aðalskipulagi má gera ráð fyrir 8 íbúðarhúsalóðum á svæðinu að hámarki en í samræmi við umsókn þessa verða þær fjórar.

Erindið var samþykkt á síðasta fundi, með fyrirvara um grenndarkynningu án athugasemdar í samræmi við 2. mgr. 43. gr. Skipulagslaga nr. 123/2010. Einnig með fyrirvara um að fyrir liggi hnitsettur uppdráttur fyrir allar lóðirnar og að umsókn F-550 sé undirrituð af eiganda eða eigendum upprunafasteignar, sbr. 14. gr. laga nr. 6/2001. Grenndarkynning hefur farið fram. Athugasemd barst frá eigendum Dalsbakka, Vatnsbakka, Fálkahreiðurs og Flekkudals 4.

Spurt er hvort hægt verði að breyta umræddri lóð úr þjónustulóð í sumarhúsalóð eða íbúðarhúsalóð.

Sótt er um að breyta skráningu lóðar úr sumarbústaðarlóð í íbúðarhúsalóð, samkvæmt gildandi aðalskipulagi eru lóðirnar Eyjavík 6 og 16, skilgreindar sem landbúnaðarsvæði en ekki frístundarlóð.

Óskað er eftir byggingarheimild fyrir byggingu á 95 m² frístundahúsi, mhl. 02, samkvæmt aðaluppdráttum, dags 21.09.2022. Byggingarmagn á lóð verður alls 119 m².

Óskað er eftir byggingarheimild fyrir byggingu á 49,4 m² frístundahúsi, mhl. 02, samkvæmt aðaluppdráttum, dags 16.09.2022. Byggingarmagn á lóð verður samtals 63,6 m².

Framkvæmdin sem um ræðir er byggingarleyfisskyld, skv. byggingarreglugerð. Skipulags- og byggingaryfirvöld í Kjósarhreppi áskilja sér rétt til að beita ákvæðum byggingarreglugerðar sbr. 2.9.1. gr. Stöðvun framkvæmda, lokun mannvirkis o.fl., ásamt 2.9.2. gr. Aðgerðir til að knýja fram úrbætur.

Óskað er eftir byggingarheimild fyrir byggingu á 35 m² frístundahúsi, mhl. 02, samkvæmt aðaluppdráttum, dags 08.08.2022.

Óskað er eftir byggingarheimild fyrir byggingu á 115,9 m² frístundahúsi, mhl. 01, og 55,0 m² gestahúsi, mhl. 02, samkvæmt aðaluppdráttum, dags 02.09.2022. Heildarbyggingarmagn á lóð verður 170,9 m².

Óskað er eftir byggingarleyfi fyrir byggingu á 234,2 m² einbýlishúsi, mhl. 01, samkvæmt aðaluppdráttum, dags 17.09.2022.

Óskað er eftir byggingarheimild fyrir byggingu á 78,6 m² frístundahúsi, mhl. 01, samkvæmt aðaluppdráttum, dags 20.09.2022.

Spurst er fyrir um hvort heimilt yrði að byggja 140,3 m² frístundahúsi, mhl. 01, samkvæmt meðfylgjandi upprætti sem sýnir eins hús, dags 01.05.2019.