Sveitarstjórn
Kjósarhreppur
Árið 2016, 12. maí, kom hreppsnefnd Kjósarhrepps saman í Ásgarði kl. 13:00. Eftirtaldir sátu fundinn: Guðmundur Davíðssson(GD), Guðný G Ívarsdóttir(GGÍ), Sigríður K Árnadóttir(SKÁ), Sigurður Ásgeirsson(SÁ) og Þórarinn Jónsson(ÞJ)
Mál sem tekin voru fyrir:
1. Fundargerðir nefnda.
a. Markaðs, atvinnu- og menningarmálanefnd frá 3. og 11. maí
Afgreiðsla: Hreppsnefnd samþykkir fundargerðirnar. Fagnar hreinsunardeginum og ákveður að styrkja hann.
2. Seinni umræða um ársreikning Kjósarhrepps vegna ársins 2015 en þar kemur fram að rekstrarniðurstaða ársins er kr. 20.408.000.-
Afgreiðsla: Hreppsnefnd samþykkir ársreikninginn.
3. Veisluhúsið ehf, óskar eftir áframhaldandi leigu á Félagsgarði en samningurinn rennur út 1. nóvember 2016, með uppsagnarákvæði fyrir 1. september.
Afgreiðsla: Oddvita falið að ganga frá málinu í samræmi við samþykkt fundarins.
4. Bréf frá Halldóri Halldórssyni formanns reiðveganefndar LH. um takmörkun umferðar vélknúinna tækja eftir reiðleiðinni um Svínaskarð.
Afgreiðsla: Hreppsnefnd heimilar reiðveganefnd LH að setja upp skilti sem bannar umferð þessara farartækja.
5. Samkomulag um afnot af landi Möðruvalla 1 vegna lagningu hitaveitu.
Afgreiðsla: Hreppsnefnd Kjósarhrepps sem fer með eignarhald á Möðruvöllum 1 samþykkir að skrifa undir samning við Kjósarveitur um afnot af landi Möðruvalla 1 um lagningu hitaveitu- og ljósleiðararöra þar um.
6. Aðgengi hjólastóla inn í Ásgarð.
Afgreiðsla: Sveitarstjóra falið að klára málið.
7. Svar við bréfi frá Veiðifélagi Kjósarhrepps, sem var lagt fram á hreppsnefndarfundi nr. 147, þann 3. mars sl.
Afgreiðsla: Óskað var eftir umsögn Veiðimálastofnunar. Umsögnin barst 6.maí sl. og voru niðurstöður Veiðmálastofnunar eftirfarandi:
„Hugsanleg áhrif á vatnalíf í ám og lækjum sem taka við heitu affallsvatni líkt og kynnt eru í þessu minnisblaði geta helst verið:
1. Hiti – áhrif afrennsli hitaveituvatns verða líklega staðbundin, einkum næst útrásum. Mikilvægt er að staðið verði þannig að framkvæmdinni að affallið nái að kólna áður en það rennur út í ár eða læki til að lágmarka skaðleg áhrif á vistkerfi vatnsins.
2. Efni – Borholuvökvinn hefur hærri styrk uppleystra efna en almennt má finna í straumvatni. Reikningar sýna að blöndun borholuvökvans við vatnið í Laxá í Kjós veldur mikilli þynningu, þannig að ólíklegt er að lífríki í Laxá í Kjós stafi ógn af uppleystum efnum vegna þess.
Nauðsynlegt er að fylgst sé með hita affallsvatns frá borholum og híbýlum á meðan á framkvæmd stendur og eftir að starfsemi hitaveitunnar verður komin af stað og þess gætt að vatn yfir 20°C fari ekki út í árnar. Einnig er mikilvægt að tekin verði sýni af uppleystum efnum í vatni í Laxá í Kjós neðan við áhrifasvæði hitaveitunnar til að fylgjast með þróun á því svæði.
8. Kjósarhreppur er eigandi alls hlutafjár í Kjósarveitum ehf. og hefur lagt til hlutafé að fjárhæð kr. 168.000.000,- og að auki gengist í ábyrgð fyrir félagið að höfuðstól kr. 70.000.000,- Það er ein af skyldum hreppsnefndarmanna að fylgjast með hvort framkvæmda- og fjárhagsáætlanir í Kjósarveitum ehf. standist en veitan er í B-hluta í ársreikningi Kjósarhrepps.
Þess vegna er óskað eftir að eftirfarandi liggi fyrir á fundinum:
a. Vel sundurliðuð framkvæmda- og fjárhagsáætlun Kjósarveitna vegna áætlaðra framkvæmda ársins 2016.
b. Fundargerð aðalfundar Kjósarveitna ehf.
Afgreiðsla: Lagt fram, farið yfir og kynnt.
9. Hreppsnefnd geri samþykkt um að gerður verði leigusamningur við Kjósarveitur ehf. um útihúsin á Möðruvöllum 1.
Afgreiðsla: Ákveðið í samráði við Kjósarveitur.
10. Þá samþykkir hreppsnefnd að óska eftir að árshlutauppgjör fyrir Kjósarveitur ehf. verði kynnt fyrir hreppsnefnd tvisvar eða fjórum sinnum á ári.
Afgreiðsla: Ákveðið að lagt verði fram á sex mánaða fresti
11. Önnur mál.
12. Mál til kynningar.
a. Reikningar Kjósarhrepps vegna ársins 2016 eins og staðan er í dag.
b. Fundargerð heilbrigðisnefndar 27. apríl og gjaldskrá fyrirtækja.
c. Laxá í Kjós –efnistaka.
d. Erindi til umræðu í sveitarstjórnum.
Fundi slitið 15:40 GGÍ