Deiliskipulag í landi Eyrarkots, Kjósarhreppi
Kjósarhreppur auglýsir skv. 41. gr. skipulagslaga nr. 123/2010
Deiliskipulag í landi Eyrarkots, Kjósarhreppi
Sveitarstjórn Kjósarhrepps samþykkt þann 5. maí 2021 að auglýsa deiliskipulagstillögu íbúabyggðar og nágrennis í landi Eyrarkots í Kjósarhreppi og telur að heimilt sé að falla frá gerð lýsingar skipulagsverkefnisins sbr. 3. mgr. 40. gr. Skipulagslaga, enda liggi allar megin forsendur deiliskipulagstillögunar fyrir í breyttu aðalskipulagi sem nú er í auglýsingu.
Deiliskipulag íbúðarbyggðar og nágrennis í landi Eyrarkots í Kjósarhreppi tekur til 20 ha svæðis. Innan svæðisins eru skilgreindar sex íbúðarlóðir, landbúnaðarsvæði þar sem stundað er æðavarp, lóð fyrir smábátahöfn og tvær verslunar- og þjónustulóðir, þ.e. fræðslu- og fuglaskoðunarskála. Uppbygging er hafin á einni íbúðarlóð, þ.e. Snorravík. Skipulagsvæðið hallar til norðurs og er við Hvalfjörð. Aðkoma að íbúðarlóðum er um veginn Blómsturvelli sem tengist Hvalfjarðarvegi (47). Aðkoma að verslun- og þjónustulóðunum verður um nýjan veg Hestaþingshóll sem tengist Hvalfjarðarvegi (47). Skipulagssvæðið afmarkast í suðri af Hvalfjarðarvegi, í austri af Bolaklettavegi (4898), norðri af Hvalfirði og vestri af jarðamörkum Eyrar.
Deiliskipulagstillagan verður til sýnis í anddyri hreppsskrifstofu Kjósarhrepps í Ásgarði frá og með 7. maí 2021 til 25. júní 2021. Tillögurnar verða jafnframt birtar á heimasíðu Kjósarhrepps, www.kjos.is.
Athugasemdir eða ábendingar vegna deiliskipulagstillögunnar skulu vera skriflegar og berast skipulagsfulltrúa í síðasta lagi 25. júní 2021. Póstlagðar athugasemdir berist á skrifstofu Kjósarhrepps að Ásgarði Kjós, 276 Mosfellsbæ, eða með tölvupósti á netfangið skipulag@kjos.is
Kjósarhreppur 6.5 2021
Skipulags- og byggingarfulltrúi Kjósarhrepps