Þrettándabrennan á morgun

Kveikt verður í þrettándabrennunni  við Félagsgarð á morgun kl 20:00. Væntanlega hafa þá íbúar og aðrir velunnarar verið duglegir að koma með jólatrén sín  og annað hreint efni til að setja á bálið.

Flugeldum verður skotið upp og reynt var að velja þá sem  valda sem minnstum hávaða eftir því sem við var komið.

Flest dýr eru komin á hús en þeir sem eru með hross á útigangi  er ráðlagt að gefa hestum vel  seinni part dags og halda þeim á kunnuglegum slóðum, þar sem þau fara sér síður að voða ef hræðsla grípur þá. Ef hægt er að setja hesta inn er það öruggast.

Eigendur ættu helst að fylgjast með hestunum ef því er komið við, eða alla vega vitja þeirra sem fyrst eftir lætin.