„Keltneskt kvöld“ í Fólkvangi þann 17. apríl
14.04.2010
Deila frétt:
Hið nýstofnaða Sögufélag Steini á Kjalarnesi efnir til „Keltnesks kvölds“ í Fólkvangi þann 17. apríl og hefst dagskráin kl. 20. Þar verður ýmislegt til skemmtunar og fróðleiks er tengist keltneskri menningu. Sr. Gunnþór Ingason flytur fyrirlestur um áhrif keltneskrar kristni á Íslandi; Þorvaldur Friðriksson heldur fyrirlestur um keltnesk áhrif í íslensku og örnefnum á Íslandi; Wilma Young segir frá hjaltlenskri fiðluhefð og flytur ásamt dóttur sinni Helenu Mjöll hjaltlenska tónlist á fiðlu og píanó.
Í hléi verða kaffi og kökur. Aðgangseyrir: 750 kr. fullorðnir (engin kort) og frítt fyrir 16. ára og yngri.
Nánari upplýsingar veita:
Hrefna Sigríður s. 659-2876
Theodór Theodórsson s. 699-8253