Aðalfundur SF Kjós

Aðalfundur SF.Kjós  var haldinn í Ásgarði mánudaginn 6.  Desember  2010. Árni  B.  Bragason  frá  Búnaðarsamtökum  Vesturlands  heimsótti okkur  og  kynnti  hrútakost,  Sæðingastöðvar Vesturlands, einnig  sýndi hann okkur  nokkra  notkunarmöguleika  í  Fjárvís.is. 

Guðmundur Davíðsson, formaður flutti skýrslu  stjórnar  og reikningur félagsins  var borinn upp til samþykktar,  að því loknu var stjórn félagsins   endurkjörinn, en hún er skipuð, Guðmundi Davíðssyni, Miðdal, Hreiðari Grímssyni, Grímsstöðum og Maríu Dóru Þórarinsdóttir, Morastöðum. 

Síðast á dagskrá fundarins voru almennar umræður og voru þær helstar um  smalamennskur, fjallskil og einnig  var rætt um  garnaveikibólusetningar, ómerkinga og fleira .   Margar og skiptar skoðanir komu fram,  voru menn jafnvel farnir að lesa lagabálka upp úr Fjallskilasamþykkt,  skiptast á skoðunum um  hvernig  eigi að marka lömb sem  ekki eru fædd fyrir 12. viku sumars. ( það kom fram í fjallskilasamþykkt að marka ætti öll lömb fyrir 12. viku sumars) .  Eftir fjörugar umræður  var fundi slitið  rétt rúmlega kl. 23.00.

Stjórn  SF. Kjós.