Alltaf gaman hjá kvenfélagskonum í Kjós

Kvenfélagskonur héldu apríl fundinn sinn að þessu sinni hjá Óla Odds á Stekkjarflöt og lásu með honum í skóginn á þriðjudagskvöldið. Mæting var kl 18:30 og var þá gengið um skóginn undir leiðsögns Óla, en hann byrjaði að planta þarna trjám fyrir um 30 árum. Þegar komið var vel inn í skóginn voru konur paraðar saman og bundið var fyrir augun á annari og hin leiddi  "hölt leiðir blinda" Við það  skynjar sú blinda í flestum tilfellum umhverfið á allt annan hátt en fyrr.  Þegar búið var að kolrugla konur þarna fram og til baka var aftur farið í hús og súpa etin, konum kennt að tálga og síðan að baka  sér pizzu, vafða  á grein yfir opnum eldi.

 Heim fóru konur síðan um kl 22 eftir mjög skemmtilegt kvöld og vel heppnaðan fund.