Alvöru íslenskur bóndabær opinn á „Kátt í Kjós

Miðdalur stendur í samnefndum dal milli Eyrarfjalls og Esju við veg 460. Þar er stundaður blandaður búrekstur, aðallega mjólkurframleiðsla með um 30 kúm auk nautakjötframleiðslu.  Um 60 vetrarfóðraðar ær eru á bænum auk hrossa. Árlega fæðast 2-4 folöld á bænum. Lögð er áhersla á að rækta ganggóð reiðhross með gott geðslag.HRFI border collie hundar eru á bænum, Demssin Hendsome innfluttur frá Finnlandi og Míra, frábærir heimilis og vinnuhundar. Einnig eru íslenskir hundar á bænum Njála 13 ára og Buska 3 ára og nokkrir kettir. Landnámshænur vappa á hlaðinu.Á vorin er tekið á móti grunn- og og leikskólabörnum og þeim  kynntur alvöru  íslenskur bóndabæ þar sem börnin fá að sjá dýrin í sínu rétta umhverfi og komast í snertingu við þau.

Heitt verður á könnunni og boðið verður upp á vörur frá Mjólkursamsölunni.

Opið frá 13-17.   middalur@emax.is