Fréttir af borun eftir heitu vatni í Kjósarhrepp

Fóðring holunnar var sett niður sl. fimmtudag og steypt föst á 150 metrum. Á föstudag var byrjað að bora niður úr henni og á laugardag var búið að bora niður um 260 metra. Á sunnudag var farið  rúmlega 400 metra niður.

Í morgun mánudag, um kl 8,  rann ca. 1 lítri af 40 gráðu heitu vatni upp úr holunni.

Verkið hefur gengið vel og nú í kvöld  um kl 21:00 er borinn kominn niður í 510 metra.

Engin breyting hefur orðið á toppþrýsingi í holu MV 19,  sem er fyrri holan sem búið er að bora í landi Möðruvalla í Kjós.