Lífrænn landbúnaður kynntur á Kátt í Kjós
Neðri Háls fagnar 20 ára afmæli í lífrænni ræktun um þessar mundir, en árið 1989 setti búið á markað fyrstu lífrænu gulræturnar. Ábúendur eru Kristján Oddsson og Dóra Ruf. Þau reka einnig fyrirtækið Biobú ehf í Reykjavík, sem er einskonar framlenging á búinu. Í Biobú fer fram
fullvinnsla á lífrænni mjólk frá Neðra Hálsi og einnig Búlandi í Landeyjum sem nýlega hefur komið til samstarfs. Neðri Háls er einnig þáttakandi í verkefninu Beint frá býli. Hægt er að heimsækja
Neðri Háls frá kl. 13 -17 en boðið verður upp á fræðslu um lífrænan landbúnað og gefið smakk á fullunnum lífrænum mjólkurafurðum svo sem jógúrt, skyri, smjöri, og sorbet ís. Allt þetta mun verða kryddað með góðri músík. Þarna gefst gott tækifæri til að setja sig í lífrænan gír með því að hlusta, þefa, og smakka. Og munið: Allt lífrænt!
Opið frá kl. 13 -17, s: 566 7035,
894 9567, kristján@biobu.is,