Starfsmaður óskast á endurvinnsluplan

Kjósarhreppur óskar eftir að ráða starfsmann til umsjónar-og þjónustustarfa á endurvinnslusvæði hreppsins við Hurðarbaksholt.  Gerð er krafa um að starfsmaðurinn geti starfað sjálfstætt, sé vandaður í alla staði, gæddur lipurð og þjónustulund. Þá er gerð rík krafa um að hann hafi einbeittan vilja til að ná bættum árangri í flokkun efnis og nýtingu söfnunarrýmis. Starfshlutfall er 12 klst. á viku fram til 1. maí en verður þá endurskoðað.

Nánar upplýsingar veitir oddviti  Kjósarhrepps í síma 566-7100

Umsóknum skal skilað fyrir 5. janúar 2010 á skrifstofu Kjósarhrepps, Ásgarði Kjós, 276 Mosfellsbær eða með tölvupósti á póstfangið kjos@kjos.is

Gunnlaugur Mikkaelsson sem sinnt hefur starfinu af einstakri kostgæfni hefur ákveði að flytja búferlum úr hreppnum. Honum er þakkað  frábært vinnuframlag og einlægri þjónustulund og óskað velfarnaðar á nýjum vettvangi.