Áhugaverðar vísbendingar um heitt vatn.

Leit að heitu vatni hófst þriðjudaginn 10. júní. Fyrsta hitastigulsholan var boruð innan við Eyjatjörn og hola nr. 2 ofan við útihúsin á Möðruvöllum.

Fyrstu niðurstöður benda til að jarðhiti aukist fram sveitina, að Möðruvöllum frá Eyjatjörn. Vitað er að ekki er talinn virkjanlegur jarðhiti innan við Svínadalsá í Norðurnesi. Niðurstaða úr mælingu á holu nr.2 við Möðruvelli sem er 66 m. djúp gefur ótvíræð merki um jarðhita. Við borun hennar var komið inná innstreymi á 61 m.dýpi sem telst kalt innstreymi. Hitastigull í holunni niður á þá dýpt er nálægt 200 sem er með það besta sem mælst hefur utan Hvammsvíkur og Fremri-Háls. Neðan 61 metra virðist sem hitastigullin rjúki upp og gæti verið á bilinu 4-500 en aðeins voru eftir 5 m. í botn holunar. Ákveðið hefur verið að dýpka holuna um 20 m til að treysta vísbendinguna um heitt vatn. Jafnframt verður boruð önnur hola 200 m. innan við holuna til að reyna að sjá hvernig jarðhitinn liggur í landinu. Vitað er um volgru innan við Möðruvelli. Jafnframt eru til neikvæðar nælingar í holum við Svínasalsá þannig að heildarmynd er að komast á svæðið.