Björgunarsveitin Kjölur veitir mikilvæga neyðarþjónustu

Aðsent efni.

Björgunarsveitin Kjölur, Kjalarnesi þakkar hreppsnefnd Kjósarhrepps fyrir veittan styrk til sveitarinnar í desember.  Styrkurinn ásamt framlögum frá Speli ehf, Kvenfélagi Kjósarhrepps og viðbót úr sjóði sveitarinnar, nægði til kaupa á fimm fyrstu hjálpar töskum, vesti fyrir stjórnanda, ásamt hjartastuðtæki.  Slökkvilið Höfuðborgarsvæðisins lagði til tösku fyrir hjartastuðtækið og allan einnota búnað í töskurnar.  Töskurnar eru staðsettar hjá “hlaupurum”, sem við útkall geta farið beint á staðinn og hafið meðferð uns frekari aðstoð berst.  Með þessu móti er viðbragðstími styttur verulega á svæðinu.  Í bílnum er nú þegar allur annar fyrstuhjálparbúnaður og annað hjartastuðtæki.