Umsókn um styrk til náms og verkfæra- og tækjakaupa

Kjósarhreppur auglýsir eftir umsóknum um styrk til fatlaðs fólks til náms eða verkfæra og tækjakaupa vegna félagslegrar hæfingar og endurhæfingar skv. 25. gr. laga um þjónustu við fatlað fólk með langvarandi stuðningsþarfir nr. 38/2018.

• Sótt er um styrkinn hér.

Umsóknarfrestur er til og með 10. október 2021.

Úthlutun fer fram einu sinni á ári og fer upphæð styrkja eftir fjölda umsókna, þó er miðað við að styrkur hverju sinni fari ekki upp fyrir 70.000 kr. til hvers einstaklings.

Skilyrði sem þarf að uppfylla til að eiga rétt á styrk eru:

• Eiga lögheimili í Kjósarhreppi eða Mosfellsbæ.
• Hafa náð 18 ára aldri.
• Hafa varanlega örorku og uppfylla skilyrði um fötlun samkvæmt 2. gr. laga nr. 38/2018.

Enn fremur þurfa að fylgja með umsókn frumrit af kvittunum vegna kaupa á þjónustu eða tækjum.

• Reglur Kjósarhrepps um styrkina.