Fara í efni

Fjallskilaboð í Kjósarhreppi 2020, réttað 13. september kl. 15

Deila frétt:
Fyrst var réttað í hinni nýju Kjósarrétt haustið 1955.
Fyrst var réttað í hinni nýju Kjósarrétt haustið 1955.

Fjallskil til lögrétta í Kjósarhreppi á þessu hausti
verða á eftirtöldum  dögum í
Kjósarrétt:

1. rétt verður sunnudaginn 13. september kl. 15:00 
2. rétt verður sunnudaginn  27. september kl. 15:00

Samkvæmt 10. gr. fjallskilasamþykktar fyrir Landnám Ingólfs Arnarsonar nr.775/2020 segir:
   "Allir, sem jörð hafa til ábúðar eða umráða, og allir sem sauðfé eiga eða hafa undir höndum eru fjallskilaskyldir samkvæmt fyrirmælum sveitarstjórna eða fjallskilanefnda. Hver maður er fjallskilaskyldur í því sveitarfélagi þar sem hann notar upprekstrarland fyrir fé sitt eða á land. Til leita í hverju upprekstrarlandi ber einkum að skipa þá er það nýta."

Samkvæmt 11. gr. fjallskilasamþykktar fyrir Landnám Ingólfs Arnarsonar nr.775/2020 segir:
   "Aðalhaustleitir skulu vera tvennar. Þá skal smala allt land þar sem fénaður hefur gengið á sumarbeit, sem mest á sama tíma. Sérstaklega skal þess gætt að göngur fari fram samtímis á samliggjandi leitarsvæðum svo að eigi verði misgöngur. Skulu leitarstjórar hafa samráð um þá tilhögun sem best er talin henta til að tryggja samræmingu við smölun."

Sjá nánar:  Fjallskilasamþykkt fyrir Landnám Ingólfs Arnarsonar nr.775/2020

Helgi Guðbrandsson, Hækingsdal sér um smölun á landi Stóra-Botns, sunnan varnargirðingar.
Réttarstjóri í Kjósarrétt verður Sigurður Ásgeirsson, Hrosshóli. 
Marklýsingarmenn í Kjósarrétt verða Hreiðar Grímsson, Grímsstöðum og Dóra Sigrún Gunnarsdóttir, Hækingsdal.

Í útréttir fara eftirtaldir:

1. Þingvallarétt  Helgi Guðbrandsson, Hækingsdal

2. Þingvallarétt  Hreiðar Grímsson, Grímsstöðum

Hreppsnefnd Kjósarhrepps