Föstudagsreið Adams!

 

Hestamannafélagið Adam boðar til hinnar árlegu föstudagsreiðar á vegum félagsins þann 22. júlí næstkomandi og eru félagsmenn og aðrir boðnir velkomnir að taka þátt í reiðinni.

Eins og áður er gert ráð fyrir því að bændur og búalið ríði frá sínum heimahaga að hrossaræktar- og geitabúinu Flekkudal í Kjós en þaðan hafa komið margar bestu geitur landsins.  Áætlað er að reiðmenn verði komnir í Flekkudal um kl: 21:00 á föstudagskvöldi.  

 

Fyrirhugað er að leggja upp frá bæjum í Miðdal í Kjós eftir mjaltir, um kl: 19:30, og safnast má saman frá bæjum við Eilífsdal um kl: 20:00.   Þeir sem ætla að ríða lengra að þurfa að ákveða tímasetningar við hæfi.

 

Stefnt er að því að hestamenn geti átt góðar stundir saman í Flekkudal yfir mat og drykk.  Grillað verður á staðnum en hver og einn þátttakandi sér um sína drykki.   Þátttakendur greiða kr. 2.000,- sem er kostnaðarverð fyrir mat og meðlæti en greiðslu þarf að inna af hendi með peningum þar sem posi verður ekki til staðar.

 

Tilkynningar um þátttöku óskast sendar í netfangið 8995282@gmail.com  eða flekkudalur@gmail.com

 

Með bestu kveðju,

Ferðanefnd Hestamannafélagsins Adams