Fara í efni

Frestur til að leggja fram framboðslista fyrir sveitarstjórnarkosningar í Kjósarhreppi 14. maí 2022.

Deila frétt:

Frestur til að leggja fram framboðslista fyrir sveitarstjórnarkosningar í Kjósarhreppi 14. maí 2022.

Framboðsfrestur vegna sveitarstjórnarkosninga, rennur út kl. 12:00 á hádegi föstudaginn 8. apríl 2022.

Kosið verður til hreppsnefndar í Kjósarhreppi. Framboðslistar skulu hafa borist kjörstjórn Kjósarhrepps fyrir ofangreindan tíma. 

Kjörstjórn tekur á móti framboðslistum í fundasal  Kjósarhrepps Ásgarði, föstudaginn 8. apríl 2022 frá klukkan 11:00 fyrir hádegi til klukkan 12:00 á hádegi.

Á framboðslista skulu vera að lágmarki 5 nöfn frambjóðenda og eigi fleiri en 10. Framboðslistum fylgi yfirlýsing þeirra, sem á listunum eru, um að þeir hafi leyft að setja nöfn sín á listana, undirrituð eigin hendi eða með fullgildri rafrænni undirskrift. Framboðslistum skal og fylgja skrifleg yfirlýsing um stuðning við listann frá kjósendum í sveitarfélaginu, 10 meðmælenda hið fæsta og eigi fleiri en 20. Hver kjósandi má einvörðungu mæla með einum lista við hverjar kosningar. 

Með hverjum framboðslista skal fylgja skrifleg tilkynning frá frambjóðendum listans um það hvaða tveir menn séu umboðsmenn listans. Ef um ný stjórnmálasamtök er að ræða skal framboðslista fylgja staðfestingu á skráðu heiti og listabókstaf samtakanna.

Ef framboðslistar verða ekki lagðir fram fyrir lok frestsins verða kosningarnar óhlutbundnar.

Gæta skal þess að tilgreina með skýrum hætti fullt nafn frambjóðanda, kennitölu hans, stöðu og lögheimili, til þess að enginn vafi leiki á því hverjir séu í kjöri. Greina skal nafn, kennitölu og lögheimili meðmælenda.

Nánari upplýsingar um framkvæmd sveitarstjórnarkosninga er að finna á www.kosning.is

Ásgarði, Kjós, 1. apríl 2022

Kjörstjórnin í Kjósarhreppi

Ólafur Helgi Ólafsson
Unnur Sigfúsdóttir
Karl Magnús Kristjánsson