Írafellsmóri og hauskúpufundurinn

Írafellsmóri

Heimamenn í Kjósarhreppi velta nú fyrir sér hvort tengsl séu á milli hauskúpunnar sem fannst um Páskana og haus af hrúti sem fannst á svipuðum slóðum fyrir nokkrum árum og ekki var hægt að skýra tilvist hans á þessum slóðum. Hausinn var rannsakaður á Tilraunastöðinni að Keldum og kom í ljós að engir áverkar voru á honum sem gæfi tilefni að ætla að honum hefði verið fargað með hefðbundnum hætti.

Eins og kunnugt er þá fylgir Írafellsmóri afkomendum Korts á Möðruvöllum í níu liði og munu einhverjir Kjósaringar vera innan þeirra marka. Allt sem aflaga fer, og ekki fæst skýrt, er skrifað á pretti Írafellsmóra. Hvort Írafellsmóri hafi fundið sér félagskap í hjólhýsinu skal ekki fullyrt, þó leiða megi að því líkum. Í því ljósi má e.t.v. skýra, hversvegna hinn dularfulli hrútshaus fannst á sömu slóðum og hauskúpan um Páskana