Kátt í Kjós - Félagsgarður

 

Í Felagsgarði verður kaffihlaðborð  að hætti kvenfélagsins í Kjósinni, þar geta gestir setið í rólegheitum, notið veitinganna og spjallað. Allur ágóði af sölunni rennur til kaupa á hjartastuðtæki sem staðsett verður í hreppnum.

 

Sveitamarkaðurinn verður  utandyra og þar standa til boða vörur úr sveitinni, matvara og handverk.

 

Bókin vinsæla „Ungmennafélagið Drengur 100 ára saga“  og „Kjósarmyndin“ gamla verða til sölu í Félagsgarði.

 

Úti á velli fyrir yngri kynslóðina verður klifurvagninn frá skátunum að príla í og Blaðrarinn frá Sirkusi Ísland að búa til fígúrur frá kl 14:00-16:00.