Ný fasteignasala hefur hafið rekstur með aðsetur í Ásgarði

Ný fasteignasala hefur hafið rekstur með aðsetur í Ásgarði

Fasteignasalan Consilium Real Estate ehf hefur hafið göngu sína og er með aðsetur í Ásgarði (á 2. hæð). Fasteignasalan er í eigu Guðmundar Páls Jakobssonar og Maríönnu Hugrúnar Helgadóttur sem búa að Lækjarbraut 1 í Kjósarhreppi. Guðmundur er löggiltur fasteignasali, ásamt því að vera húsasmíðameistari. Maríanna hefur lokið við bóklegt nám fasteignasala og mun að reynslutíma loknum öðlast réttindi sem löggiltur fasteignasali, en hún hefur meðal annars lokið háskólanámi í búvísindum.

Guðmundur og Maríanna vonast til þess að eigendur fasteigna kjósi að eiga viðskipti við þessa nýju fasteignasölu og tryggja þannig jákvæða atvinnuuppbyggingu í Kjósinni.

Skrifstofan er opin frá 13 til 17 alla virka daga og einnig eftir nánara samkomulagi. Hægt er að hafa samband við okkur í síma 617-8222 og um netfangið consilium@concilium.is. Frekari upplýsingar eru aðgengilegar á vefsíðu fasteignasölunnar www.consilium.is.