Það verður alvöru sveitamarkaður í Félagsgarði á laugardaginn

Í Félagsgarði, félagsheimili Ungmennafélagsins Drengs, er sveitarmarkaður og kynning á ýmsum framleiðsluvörum. Meðal þess sem verður á boðstólum er prjónavara, handverk og listmunir, má þar til dæmis nefna: allar almennar prjónavörur, handverk úr plexigleri, leðri, hrauni, leir, þæfðri ull, gleri, tré og grjóti.

Matarbúrið á Hálsi, Sogn, Bangsi á Heiðarbæ og það nýjasta Kú.is verða með vörur sína á boðstólum og til kynningar.

Kvenfélag Kjósarhrepps verður með veitingasölu.

Á útisvæðinu verða hestar, heimalingur, geitur og hvolpar.

Hestamannafélagið Adam mun sjá um að teyma undir börnum frá kl 14-16 á vægu verði

Opið verður frá kl. 12-17