Tilkynning um förgun óskilafjár í Kjósarhreppi

Útgáfud.: 31. desember 2007

Tilkynning um förgun óskilafjár

Samkvæmt 60. gr. laga um afréttarmálefni, fjallskil o.fl. nr.

6/1986 er hér með tilkynnt að eftirfarandi óskilafé hefur

verið fargað í Kjósarhreppi árið 2007:

1. Ær, hvít, margvetra, hyrnd, óbrennimerkt, óplötumerkt,

mark: ómark.

2. Ær, tveggja til þriggja vetra, hvít, hyrnd, óbrennimerkt,

rúin, ómörkuð með vagl aftan vinstra eyra sem gæti verið

eftir útrifið plötumerki. Ánni fylgdu tveir dilkar, hrútlamb,

hvítt, hyrnt og gimbrarlamb, hvítt, hyrnt, bæði ómörkuð og

óplötumerkt.

Hér með er skorað á rétta eigendur að gefa sig fram við

oddvita Kjósarhrepps og sanna eignarrétt sinn á ofangreindu

óskilafé innan 45 daga frá birtingu auglýsingar þessarar.

Andvirði ofangreinds óskilafjár verður greitt út til þess, sem

sannar eignarrétt sinn að fénaðinum, að frádregnum

áföllnum kostnaði samkvæmt 61.gr. laga nr. 6/1986.

Reykjavík, 20. desember 2007.

Sýslumaðurinn í Reykjavík.