Úrslitin í Boganum

Þá er glæsilegasta  innhústöltmóti sem haldið hefur verið í Kjósinni lokið. Þátttaka var mjög góð í karlaflokki en hefði mátt vera meiri í öðrum flokkum. Dómari var Þórir Örn Grétarsson, sem naut aðstoðar frúar sinnar. Honum fórst starfið mjög vel úr hendi og stjórnaði hann keppninni af mikilli röggsemi.  Adam þakkar Þóri og frú kærlega fyrir þeirra störf.  Þátttakendur skemmtu  sér hið besta þrátt fyrir hálfgert leiðinda veður úti, en veðrið í Boganum klikkar ekki, þar var algjör Bahama blíða sem fyrr.

Úrslit urðu eftirfarandi:

Í flokki 16 ára sigraði Steinunn Reynisdóttir á Stakki frá Þúfu. Adam skorar á unglinga í Kjós að mæta á næsta mót og veita Steinunni verðuga keppni. Það gengur ekki að allt þetta gull fari í Borgina.