Skipulags- og byggingarnefnd
Skipulags- og bygginganefnd
Fundur nr. 63
Mánudaginn 1.október 2012 var haldinn fundur í Skipulags- og bygginganefnd Kjósarhrepps. Fundurinn var haldinn í Ásgarðsskóla. Viðstaddir voru: Magnús Ingi Kristmannsson, Jón Ingi Magnússon, G. Oddur Víðisson formaður nefndarinnar ásamt Skipulags- og byggingarfulltrúa Jóni Eiríki Guðmundssyni sem ritar fundargerð.
Eftirfarandi erindi voru tekin fyrir á fundinum:
Bygginganefnd:
1.Bjarni Torfason Klettási 4 210 Garðabæ leggur fram fyrirspurn er varðar stækkun á sumarhúsi hans við Flekkudalsveg nr. 19. Stækkunin er fyrirhuguð á norðurenda hússins og er ca. 16 m2.og þannig hönnuð að hún falli vel að húsi sem fyrir er.
Jákvætt tekið í erindið.
2.Guðmundur H. Davíðsson óskar eftir afstöðu bygginganefndar um uppbyggingu á nýju hesthúsi í Miðdal, samanber teikningar arkitekts dags. 29.09. 2012.
G.Oddur Víðisson víkur af fundi.
Jákvætt tekið í erindið.
3. Sigurður Sigurgeirsson og Lóa Hjaltested fara fram á framlengingu á stöðuleyfi vegna tveggja skólastofa á lóð þeirra Flekkudalur 1. Sótt er um að stöðuleyfi verði framlengt ti 01.07 2013.
Bygginganefnd fer fram á að gert verði skriflegt samkomulag um verklok þ. 01.07 2013 milli byggingafulltrúa, lóðarhafa og byggingastjóra.
01. Tekin var fyrir í skipulagsnefnd deiliskipulagstillaga að búgarðabyggð í landi Þúfukots . Skipulagsvæðið liggur sunnan við Hvalfjarðarveg nr. 47.
Tillagan gerir ráð fyrir 16 lóðum fyrir búgarða. Hver lóð er samkvæmt skipulagsuppdrætti u.þ.b. 10,000 m2. Skipulagssvæðið er merkt B3 á aðalskipulagi Kjósarhrepps 2005 – 2017 og er þar gert ráð fyrir lóðum fyrir frístundabúskap. Skipulagssvæðið er 20,4 ha. og er nýtingarhlutfall samkv. skipulagsskilmálum 1,23 ha./ búgarð. Tillagan gerir ráð fyrir að byggingamagn á búgarðalóðum verði allt að 800 m2.
Frestað. Samræmist ekki aðalskipulagi Kjósarhrepps 2005-2017.
Undirskrift fundarmanna:
G. Oddur Víðisson Jón Eiríkur Guðmundsson
________________________________ ______________________________
Magnús Ingi Kristmannsson
Jón Ingi Magnússon
______________________________ _________________________________