Skipulags- og byggingarnefnd

Tillaga að nýju deiliskipulagi í landi Flekkudals, fyrir lóðirnar Flekkudalur 1, 3 og 5, hefur verið auglýst skv. 41 gr. skipulagslaga nr. 123/2010. Frestur til að skila inn athugasemdum var til og með 24. janúar 2022. Engar athugasemdir bárust.
Jákvæðar umsagnir bárust frá Minjastofnun og Veðurstofunni og ábendingar frá Heilbrigðiseftirliti og Umhverfisstofnun. Skipulagsráðgjafi mun lagfæra skipulagstillöguna til samræmis við ábendingar Heilbrigðiseftirlits og Umhverfisstofnunar.

Efla verkfræðistofa, fyrir hönd eigenda, leggur fram tillögu að nýju deiliskipulagi Sandslundar í Kjósarhreppi, skv. meðfylgjandi gögnum.
Um er að ræða deiliskipulag fyrir svæði sem skilgreint er sem landbúnaðarsvæði í gildandi Aðalskipulagi Kjósarhrepps 2017-2029. Skipulagssvæðið er um 11 ha og liggur milli Sandá norðanverði og vestan við aðkomuveg að Sandi. Innan svæðisins eru 6 lóðir, uppbygging er hafin á tveimur lóðum og fjórar lóðir eru óbyggðar. Land skipulagssvæðis er fremur flatt og að hluta til á ræktuðum túnum. Í gildi er deiliskipulag á svæðinu frá árinu 2005 og verður það fellt úr gildi við gildistöku þessa skipulags.
Skv. 5.3.2.14. gr. í skipulagsreglugerð nr. 90/2013 skal ekki reisa mannvirki nær vötnum, ám eða sjó en 50 m, vegna þessa ákvæðis þarf að sækja um undanþágu frá fjarlægðarmörkum í landi.

VA arkitektar leggja fram tillögu að deiliskipulagsbreytingu, dags.15.01.2022, vegna byggingar á u.þ.b 400,0 m² gróðurhúsi. Áður á dagskrá 145. fundar þann 25. mars 2021, þar sem jákvætt var tekið í erindið. Breytingin felst í því að lóðin við Stapagljúfur í landi Morastaða sem áður var ein 8,15 ha lóð, verður skipt í tvær lóðir. Sú minni verður 0,45 ha. með einum byggingarreit íbúðarhús, en sú stærri 7,36 ha. með þremur byggingarreitum, tveir fyrir frístundahús og einn fyrir gróðurhús. Að öðru leiti gilda almennir skilmálar fyrri deiliskipulags.

Skipulagsfulltrúi kynnti niðurstöðu valnefndar og Hreppsnefndar á frumtillögum að deiliskipulagi íbúabyggðar og uppbyggingu á svæðinu.

Byggingaráform fyrir 70 m² frístundahúsi voru samþykkt á 149. fundi þann 26. ágúst 2021. Ákvörðunin var kærð til úrskurðanefndar umhverfis- og auðlindamála, mál nr. 144/2021. Niðurstaða liggur fyrir.
Úrskurðarorð: "Hafnað er kröfu kæranda um ógildingu ákvörðun skipulags- og byggingarnefndar Kjósarhrepps frá 26. ágúst 2021 um að samþykkja byggingaráform fyrir byggingu frístundahúss á lóðinni Flekkudalsvegur 21A".

Umsókn um byggingarleyfi fyrir 157,6 m² frístundahúsi, mhl 01, skv. aðaluppdráttum dags.21.01.2022. Frestað mál frá 151. fundi, þann 27. október 2021.

Umsókn um byggingarleyfi fyrir 98,6 m² frístundahúsi, mhl 01, skv. aðaluppdráttum dags.20.01.2022.