Sveitarstjórn

 

Ár, 2009, þann 4. júní er  fundur í hreppsnefnd Kjósarhrepps, haldinn í Ásgarði

                kl. 10:00

 

Mæting; Sigurbjörn Hjaltason, Pétur Blöndal Gíslason, Guðmundur Davíðsson,

Hermann Ingólfsson og Guðný G. Ívarsdóttir.

 

 

1.        Fundagerðir nefnda.

 

a)      Menningar-fræðslu-og félagsmálnefndar frá 28.05.2009

Afgreiðsla:  Fundargerð lögð fram. Í tilefni af 80 ára afmæli Klébergsskóla samþykkir hreppsnefnd að færa skólanum gjöf í samráði við skólayfirvöld.

           

b)      Skipulags-og bygginganefndar frá 18.05.2009

Afgreiðsla:  Fundargerð lögð fram og  samþykkt.

 

c)      Samgöngu og- orkunefndar frá 13.05.2009

Afgreiðsla:  Fundargerð lögð fram. Samningsdrög eru samþykkt af hálfu hreppsnefndar

 

 

 

 

2.   Ársreikningur sveitarsjóðs, síðari umræða

Lagðir fram  ársreikningur sveitarsjóðs ásamt skýrslu endurskoðenda.

Afgreiðsla:  Ársreikningur samþykktur og verður hann aðgengilegur á vef Kjósarhrepps.

 

 

3.   Aðalskipulag Hvalfjarðarsveitar

Erindi frá Landlínum er varðar kynningu á aðalskipulagi Hvalfjarðarsveita 2008-2020.

Afgreiðsla:  Hreppsnefnd gerir fyrirvara vegna hreppamarka í Botnsdal en fornar heimildir herma að mörkin á milli Kjósarhrepps og Hvalfjarðarstrandarhrepps hins forna liggi um Botnsá.

 

Hreppsnefnd vill vekja athygli á eftirfarandi bókun hreppsnefndar Kjósarhrepps frá 3 apríl 1929:

„Út af breytingu á fjallskilareglugjörð Borgarfjarðarsýslu dags. 8. júní 1928, þar sem gjörð er sú breyting að leitarmörk til Hrafneyrarréttar að sunnan,  verða nú landamerki Stóra-Botns frá Kvígindisfjalli til sjávar,í stað þess að áður réði leitarmörkum, Stóra-Botnsá frá Hvalvatni til sjávar. Vill hreppsnefnd Kjósarhrepps leyfa sér að mótmæla þessum breytingum og krefjast þess að allt land sunnan Stóru-Botnsár verði eins og áður var, smalað til Kjósarréttar. Með því lítur hún svo á að takmörk Kjósarsýslu og þar með Kjósarhrepps séu við Stóra-Botnsá.“

 

4.   Vegur hreppsins að Flóðatanga

Lagt fram bréf lögmanns sem starfar í umboði Kjósarhrepps vegna ágreinings hreppsins og lóðarhafa á Harðbala 2 um staðsetningu á slóða að Flóðatanga.

Afgreiðsla:

Hreppsnefnd samþykkir að fela lögmanninum að vinna að málinu í samræmi við efni bréfsins.

 

 

5.   Önnur mál:

 

a.       Lögð fram umsögn Kjósarhrepps vegna umsóknar Björgunar ehf til efnistöku hafsbotni á sex svæðum í Hvalfirði á tímabilinu 2009-2019

Afgreiðsla: Umsögn staðfest

 

b.      Lagðar fram umsagnir Kjósarhrepps vegna útgáfu rekstrarleyfis vegna Veiðihússins við Laxá í Kjós, Félagsgarðs, Ferðaþjónustunnar á Kiðafelli og í Eyrarkoti.

Afgreiðsla:  Umsagnir staðfestar

 

c.       Trúnaðarerindi til hreppsnefndar dagsett 17 apríl 2009:

Afgreiðsla:  Hreppsnefnd samþykkir svarbréf við ofangreindu erindi sem lesið var á síðasta hreppsnefndarfundi.

 

d.      Erindi vegna númeramerkinga sumarhúsa í hverfum.

Afgreiðsla:  Hermann vakti athygli á nauðsyn þess að númeramerkja sumarhús með tilliti til öryggismála og almennrar þjónustu s.s tæmingu rotþróa o fl.

 

e.      Erindi vegna lausagöngu hunda.

Afgreiðsla:  Athygli var vakin á því að lausir hundar hafa ítrekað valdið skaða og ónæði. Hreppsnefnd beinir þeim tilmælum til hundeigenda að hafa hemil á hundum sínum svo að komist verði hjá því að banna lausagöngu hunda.