Sveitarstjórn

Umsókn um stofnun lóðar úr landi Eyja 2.

Ósk um stofnun lóðar fyrir íbúðarhús úr landi Eyja 2, lnr.125987. Frestað frá síðasta fundi.

Afgreiðsla: Samþykkt, með fyrirvara um að umsókn sé undirrituð af eiganda eða eigendum upprunafasteignar, sbr. 14. gr. laga nr. 6/2001.

Breyting á aðalskipulagi Hvalfjarðarsveitar í landi Móa.

Skipulagsuppdráttur ásamt greinargerð vegna breytingar á aðalskipulagi Hvalfjarðarsveitar 2008-2020 í landi Móa lögð fram til umsagnar.

Afgreiðsla: Nefndin gerir ekki athugasemdir við breytingu aðalskipulags Hvalfjarðarsveitar.

Breyting á aðalskipulagi Reykjavíkur 2010-2030.

Drög að breytingartillögu lögð fram til umsagnar.

Afgreiðsla: Nefndin gerir ekki athugasemdir við breytingu aðalskipulags Reykjavíkur.

Breyting á deiliskipulagi Háls.

Deiliskipulagsbreytingin felur í sér að
byggingarreitum á lóð númer 9 við Hálsenda fjölgar frá einum í tvo. Þar með verður heimilt að reisa tvö frístundahús á lóðinni. Sjá uppdrætti hér til hliðar. Engar breytingar eru gerðar á öðrum skipulags- og byggingarskilmálum.

Afgreiðsla: Nefndin leggur til að hreppsnefnd auglýsi deiliskipulagstillöguna í samræmi við 43. gr. skipulagslaga nr.123/2010 og telur að heimilt sé að falla frá gerð lýsingar skipulagsverkefnisins sbr. 3. mgr. 40. gr. skipulagslaga, enda liggi allar megin forsendur deiliskipulagstillögunar fyrir í aðalskipulagi.

Mál áður lagt fram á Hreppsnefndarfundi nr. 216

Skipulags- og byggingarnefnd 136. fundur 28. maí 2020

Byggingarmál

2. Eilífsdalur 3, L126025 - Umsókn um byggingarleyfi fyrir 38,4 m² bílgeymslu skv. meðfylgjandi uppdráttum, dags. 02.05.2020 og breyta sumarhúsi í íbúðarhús.

Afgreiðsla: Byggingaráformin og breytingin samþykkt, með fyrirvara um grenndarkynningu án athugasemdar.

4. Morastaðir 4, L213910 ? Umsókn um byggingarleyfi fyrir 232,3 m² íbúðarhúss ásamt 109,2 m² vinnustofu, skv. meðfylgjandi uppdráttum, dags. 22.05.2020. Nýtingarhlutfall verður 0,068.

Afgreiðsla: Byggingaráformin samþykkt, með fyrirvara um grenndarkynningu án athugasemdar