Umhverfisnefnd

Umhverfis- og ferðamálanefndarfundur

29. janúar 2008.

 

Mættir: Birna Einarsdóttir, Ólafur Engilbertsson, Ólafur Jónsson, Kristján Oddsson, Unnur Sigfúsdóttir.

 

1. mál. – Hvalfjarðarkort.
   Fjallað um gamalt samkomulag við fyrirtækið Fífilbrekku ehf. og Reyni Ingibjartsson varðandi Hvalfjarðarkort frá árinu 2005. Kom í ljós að Hvalfjarðarsveit hefur ákveðið að taka þátt í verkefninu sem býðst nú aftur að ljúka. Spurning er hvort við eigum að taka þátt í því líka.
   
   Samþykkt fundarins varðandi málið:
   Umhverfis- og ferðamálanefnd er jákvæð gagnvart verkinu en telur einnig að nauðsynlegt sé að nákvæmari kostnaðaráætlun liggi fyrir áður en hún metur hvort hægt sé að taka þátt í verkefninu.
   Nú þegar er annað kortaverkefni í gangi hjá nefndinni, Kjósarkort og undirbúningur að staðsetningu áningarstaða í hreppnum. Í nýsamþykktri fjárhagsáætlun eru einungis áætlaðir fjármunir í þau verkefni en ekki gert ráð fyrir fjármunum í Hvalfjarðarkort.
   Ef til áframhaldandi stuðnings við verkefnið á að koma, verður hann annað hvort að koma sem aukafjárveiting afgreidd frá sveitarstjórn Kjósarhrepps eða gera ráð fyrir fjárveitingu  í næstu fjárhagsáætlun árið 2009.
   
   
2. Minnisblað frá Umhverfisstofnun vegna áningarstaða í Kjós.
   
   Lagt fram til skoðunar og yfirlesturs.
   Ákveðið að senda minnisblaðið til Vegagerðar Ríkisins til yfirlesturs, umsagnar og álitsgjafar.
   
   
3. Deiliskipulag fyrir Vindás 5.
   
   Lagt fram fyrir umhverfis- og ferðamálanefndar til umsagnar.
   
   
4. Bréf frá Ferðamálasamtökum höfuðborgarsvæðisins (FSH)
   
   Kjósarhreppur er genginn í Ferðamálasamtök höfuðborgarsvæðisins (FSH) og í bréfinu er óskað eftir fulltrúa hreppsins í stjórn. Umhverfis- og ferðamálanefnd vill lýsa yfir ánægju sinni með inngöngu Kjósarhrepps í samtökin.
   
   

Önnur mál:
Engin önnur mál.

Unnur Sigfúsdóttir
Birna Einarsdóttir
Ólafur Jónsson
Ólafur Engilbertsson
Kristján Oddsson