Umhverfisnefnd
- Farið yfir stöðu sorpmála. Björn Hjaltason hefur tekið að hafa umsjón með vinnuskipulagi á gámaplaninu. Ætlunin er að styðja við og efla starfsmann á planinu. Lélegur langur timburkofi hefur verið fjarlægður. Fjörutíu feta gámur er væntanlegur í staðinn fyrir spilliefni og minni raftæki. Minni gámurinn verður áfram á staðnum um tíma og notaður sem nytjagámur í tilraunaskyni. Rætt um móttöku ökutækja.
- Von er á flokkunartunnum fyrir plast á heimili hreppsins fljótlega. Fyrst er ætlunin að kynna það á heimasíðunni og með bréfum inn á hvert heimili.
- Samþykkt hefja strax vinnu við upplýsingabækling um flokkun og moltugerð. Fundarmenn voru sammála um að fylgja honum eftir með heimsóknum og upplýsingagjöf til heimila.
- Umræður urðu um opnunartíma gámaplans og gjaldskrá. Það verður rætt nánar á næsta fundi. Gera þarf kröfur til eiganda frístundahúsa að þeir flokki úrgang samtímis því að við útvegum heppileg ílát þar sem hægt er að hafa þau á lokuðum svæðum. .
- Umræður urðu um lífrænan úrgang og samþykkt að skoða nokkra kosti bæði með hliðsjón af kostnaði og aðgengi.
- Samþykkt að fylgja eftir skiltamálum á náttúru og ferðamannastöðum með sameiginlegum fundi umhverfisnefndar og viðburða og menningarnefndar í janúar.
- Karl Magnús sagði frá áformum Fossafélagisns um salerni við Fossá og lýstu fundarmenn mikilli ánægju með þau áform og lögðu til að hreppurinn aðstoðaði verkefnið eins og unnt væri.
- Lagt hefur verið til að fulltrúar hreppsins í samráðsvettvangi Sambands íslenskra sveitarfélaga um heimsmarkmiðin og loftlagsmál muni sjá um kynningu á heimsmarkmiðum Sameinuðu Þjóðanna, sérstaklega loftslagsmálunum. Fulltrúar hreppsins eru formaður umhverfisnefndar og Þórarinn Jónsson hreppsnefndarfulltrúi.
- Leita skal leiða til að fara á ársfund Umhverfisstofnunar þann 14. nóvember. Lárus kannar.
- Ákveðið var að næsti fundur verði 19. Nóvember.