Jólasamvera eldri borgara í Kjósinni

Eldri borgurum í Kjósinni er boðið til árlegrar jólasamveru fimmtudaginn 11. desember klukkan 13:00 í Ásgarði. Kvenfélagið framreiðir dýrindis jólahangikjöt og meðlæti í boði Kjósarhrepps. Gaman væri ef sem flestir sæju sér fært að mæta, gott tækifæri til að hitta gamla félaga og njóta samverunnar. Skráning er hjá Jóhönnu í Káraneskoti í síma 864-7029 eða á netfangið: johanna@kjos.is í síðasta lagi 8. desember nk. Boðið verður upp á akstur fyrir þá sem þess óska.