Fréttir af byggingar- og skipulagsmálum

Kjósarhreppur auglýsir hér með til kynningar verkefnislýsingu vegna fyrirhugaðra breytinga á aðalskipulagi samkvæmt 1. mgr. 30. gr. Skipulagslaga nr. 123/2010 og breytingar á deiliskipulagi Hvamms og Hvammsvíkur í Kjósarhreppi samkvæmt 1. mgr. 40. gr. skipulagslaga nr. 123/2010.

Í breytingunni felst að frístundabyggð F4a við Nesveg er stækkuð um 1,5 ha og lóðum er fjölgað úr fimm í átta.

Um er að ræða breytingu á landnotkun á hluta frístundabyggðar Möðruvalla 1, þar sem breyta á hluta frístundabyggðar F15c í íbúðarbyggð. Fyrirhuguð íbúðarbyggð nær til lóða Brekkna 1, 2 og 8 ásamt aðkomuveg að lóðunum.

Sveitarstjórn Kjósarhrepps samþykkti 30. mars 2022 tillögu á breytingu Aðalskipulags Kjósarhrepps 2017-2029 og telur að um óverulega breytingu aðalskipulags sé að ræða, sbr. 2. mgr. 36. gr. Skipulagslaga. þ.e. einungis er gerð textabreyting og að skilmálum fyrir frístundabyggðina F4a sé breytt, en uppdráttur helst óbreyttur.